Zozue 6:18 - Bibeli do fee

¹⁸ Amma i ce laakai ŋa i maà so nkãma iyi Aɔ̃ Lafɛ̃ɛ í ni i kpa ŋa. Bii kù jɛ bɛɛbɛ, aa na i fa nwa mii laalɔ do nfe ku ce wa ŋa.

Zozue 6:18 Iomraidhean Croise

Samuɛli 2, 21:1

Si waatii ilaalu Davidi, ari gɔ í ce nɔ í kpɛ í ce hee adɔ̃ mɛɛta. Ŋɔi Davidi í tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ í sɔ̃ɔ í ni, ariu wa cei na dulum iyi Saulu do inɛi kpasɛ̃ɛ ŋa à ce domi à kpa inɛi Gabaɔ̃ɔ ŋa.

Woo lasabu 9:18

Bisi í tia jĩnɛi igũ ŋa, amma ilu dulum akã í ya bɛjɛ mii jiida nkpɔ.

Zonasi 1:12

Ŋɔi í jɛ nŋa í ni, i so i nyɔm si inɔ tenkuu ŋa. Waati bɛɛbɛ inyiu á dɛ, domi ǹ mà na irim nii fufu nlau ihɛ̃ í dede.

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Kɔrɛnti 2, 6:17

Na ŋɔi í jɔ̀ Ilaaɔ̃ í nyi í ni má, i fa ara nŋɛ hai bi tu ŋa nɔ i jĩò ŋa ŋa. I maà lu mii iyi í riisi ŋa. Bii ì waa ce bɛɛbɛ ŋa an gba ŋɛ.

Efɛɛzu 5:11

I maà dasi ara nŋɛ si kookoosu laalɔ iyi amanɛ ŋa à waa ce si ilu kuku. Amma kookoosu dimi bɛɛbɛ i ya fɔɔ inɛ ŋa a gbɔ ŋa.

Wooda ku kɔsi 13:17

Aa tɔtɔɔ amani ŋa iyi ì ba ŋaui si bantumai iluu, nɔ i jo iluu fei mam mam do amani ŋa iyi ì ba bɛ ŋau fei na bɛɛrɛi Aɔ̃ Lafɛ̃ɛ nŋɛ. Iluu bommai á baa ku jɛ, nɔ a kaa teese a maa má pai.

Wooda ku kɔsi 23:10

Bii ì bɔ igũ bi mbɛɛ nŋɛ ŋau nɔ ì koo ì ce asɔ ŋa, i ya ce laakai i maà na i ce mii gɔ iyi á yɔkɔ ku dasi ŋɛ riisi.

Wooda ku kɔsi 7:26

I maà ya lɔò mii laalɔ dimi bɛɛbɛ kãma inɔ kpasɛ̃ nŋɛ ŋa, domi bii ì ce bɛɛbɛ ŋa, aa na a ce nfei iŋɛ do mii nɔu fei ajɔ ŋa. Na nŋu, mii dimi bɛɛbɛ fei, aa lɛgɛɛi mam mam, nɔ i mà iyi mii laalɔi ŋa.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.

Zozue 7:1

Inɛi Izirɛli ŋau à ce kurara nla nla si mii ŋa iyi Aɔ̃ Lafɛ̃ɛ í ni a maà ti a so. Akãai í so mii ŋa iyi Aɔ̃ Lafɛ̃ɛ í ni a maà sou, ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋa. Akãau si dimii Zudaai à búu, amai Kaamii wa jɛ, Kaamiu mɔ amai Zabudii, Zabudi mɔ amai Zerai.

Zozue 7:13

Nsɛi, dede i koo i cea inɛ ŋau sɔɔlu a naa a kom ala. Sɔ̃ ŋa i ni a ce buki iyi á jɔ̀ a maaju, domi amu Aɔ̃ Lafɛ̃ɛi inɛi Izirɛli ŋa ǹ sɔ̃ ŋa ǹ ni à so mii ŋa iyi ǹ ganji ŋa si ku so. Na ŋɔi í jɔ̀ a kaa yɔkɔ a leekĩ si wajui mbɛɛ nŋa ŋa, í gbe hee bii à fũsi mii ŋau awɔ.

Zozue 7:15

Inɛ iyi an nyisi ŋɛ n ni nŋui í so mii ŋa iyi ǹ ganji ŋɛ siu, aa jo lafɛ̃ɛi do mii iyi í nɛ fei si bɛi í kua wooda iyi amu Aɔ̃ Lafɛ̃ɛ ǹ jilɛ nɔ í ce mii ndii anyɔ si inɔi inɛi Izirɛli ŋa.

Zozue 7:25

Ŋɔi Zozue í sɔ̃ Akãa í ni, awɔi ì naa nwa wahalau ihɛ̃ wa. Nnyi Aɔ̃ Lafɛ̃ɛ á jɔ̀ awɔ mɔ ì yɛ wahala. Ŋɔi inɛi Izirɛli ŋau fei à taa kuta à kpaa nɔ à joo, nŋu do inɛɛ ŋa fei hee do mii iyi í nɛ fei.

Zãa 1, 5:21

Iŋɛ amam ŋa, i fɛò iwɛ̃ ku tɔɔ ŋa.

Samuɛli 1, 15:9

Saulu do soogeɛ ŋa à jɔ̀ Agagi do mɛɛmu ŋa iyi à nɛ gbugbã à re. À jɔ̀ kɛtɛ jiida ŋa do angudã ŋa do ama angudã ŋa hee do mɛɛmu kaasãanɛ ŋa fei a kù bi a kpa ŋa. Mɛɛmu kusu do hai nɛ bɛɛrɛ ŋa, aŋa akãi à kpa.