Zozue 6:17 - Bibeli do fee

¹⁷ Aa kpa inɛi ilu ŋaui hee do mii ŋa iyi à nɛ fei. Rahabu abo à ta icuui aa jɔ̀ ŋa do inɛ ŋa iyi à wa bi tɛɛ inɔ kpasɛ̃ bɛ fei. Aa jɔ̀ɔ ŋai si na iyi í jɔ̀ nŋui í gba inɛ ŋa iyi à bɛ wa ihɛ̃ ŋau í singa ŋa.

Zozue 6:17 Iomraidhean Croise

Kusintii Andunya 12:3

Inɛ ŋa iyi à waa weeɛ amu mɔ an wee nŋa. Inɛ ŋa mɔ iyi à waa ceekpeɛ amu mɔ an ceekpe lafɛ̃ɛ ŋa. Do saabuɛi dimi fei á baò kuwee si andunya.

Ɛsidarasi 10:8

Nɔ inɛ ngbo ŋau do inɛ nla ŋau à ni inɛ iyi kù to Zeruzalɛmu si ajɔ mɛɛtasiau aa gba mii ndɛɛ ŋa nɔ a nya lafɛ̃ɛ hai si inɔ nŋa.

Ezai 34:6

Njɛ í bii taakubai Aɔ̃ Lafɛ̃ɛu, nɔ ikpo í biiɛ. Njɛu í biiɛi bɛi njɛi angudã kombo ŋa do ti iwo kombo ŋa, do bɛi ikpoi kpaai angudã kombo ŋau. Á yɛi bɛi Aɔ̃ Lafɛ̃ɛ wa ce kuwee ilɛi Edɔmu si ilui Bɔsura. Waati bɛɛbɛ, nfe ku ce nla nlai á jɛ si ilɛi Edɔmu.

Zeremi 46:10

Ajɔu bɛ, ajɔi Aɔ̃ Lafɛ̃ɛi. Ti Aɔ̃ Lafɛ̃ɛi lele do ilɛi, nɔ ajɔi gbese ku sãi si bii á sãa mbɛɛɛ ŋa gbese. Taakuba á jɛ inɛ ŋai hee ku yo. Njɛ nŋai á mɔ hee ku yo. Nɔ iyi bɛ kuwee iyi í jɛ ti Aɔ̃ Lafɛ̃ɛi, ti Aɔ̃ Lafɛ̃ɛi lele do ilɛ feii do ikpa awɔ njɛi kpãai inunu ikpa idoi Efarata.

Ezekiɛli 39:17

Aɔ̃ Lafɛ̃ɛ í sɔ̃m má í ni, awɔ amanɛ, sɔ̃ yɛi ikã ikã fei do mɛɛmui sako ŋa fei i ni, i naa hai do bii fei ŋa, i tɔtɔɔ wa ku ba n ce nŋɛ kuwee. Kuwee nla nlai an ce nŋɛ si iri kutai Izirɛli ŋau. Iŋai aa ŋɔ nɔ i mɔ njɛ ŋa.

Kuwee 27:21

Bii adɔ̃i ara ku nɛ mmuɛ í to wa, ilɛu titom nii á baa ku jɛ, nɔ woo wee ŋaui aa nɔɔ. Á yɛi bɛi inya iyi à mua amu Aɔ̃ Lafɛ̃ɛ hee do ajɔ fei.

Misee 4:13

Iŋɛ inɛi Siɔ̃ɔ ŋa, i dede i tɛɛsɛ mbɛɛ nŋɛ ŋau ŋa. An jɔ̀ i ba gbugbã ŋai bɛi kɛtɛ ŋa iyi à nɛ ngo ku nɛ gbugbã bɛi isɔ, do kɔwe ku nɛ gbugbã bɛi isɔ nkpa. Dimi nkpɔ ŋau fei aa tɛɛsɛ ŋa ŋai. Aa ko amani nŋa ŋau feii ŋa, nɔ amu iyi ǹ jɛ Aɔ̃ Lafɛ̃ɛi ilɛu fei, amui aa jilɛa ŋa.

Matie 25:40

Amu ilaaluu an jɛ nŋa n ni, ntɔ ntɔ, bii ì cea inɛ akãi inɛm ŋa iyi à kere à re ŋau ihɛ̃ bɛɛbɛ ŋa, amui ì cea ŋa.

Kɔrɛnti 1, 16:22

Inɛ iyi kù nɛ kubii Lafɛ̃ɛ fei, ikpe ku muu. Lafɛ̃ɛ Jesu ku nyi wa.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Galati 3:10

Inɛ ŋa iyi à waa na gbugbã si wooda ku jirima ikpei í jɛ tu ŋa, domi à kɔɔ à ni, inɛ iyi kù jirima idei woodau ihɛ̃ nɔ kù ceò icɛ, lafɛ̃ɛ ilu ikpei.

Galati 3:12

Ntɔ ntɔ, icui wooda kù wa si naanɛ ku dasi. Amma à kɔɔ à ni, inɛ iyi í yɔkɔ wa jirima woodau dee dee, lafɛ̃ɛi á ba si kuwɛɛ.

Wooda ku kɔsi 20:17

Aa kpa inɛ ŋau fei sãa sãa ŋai. Hai inɛi Hɛti ŋau do inɛi Amɔre ŋau do inɛi Kanaã ŋau do inɛi Ferɛzi ŋau do inɛi Hɛvi ŋau do inɛi Zebusi ŋa si bɛi Aɔ̃ Lafɛ̃ɛ nŋɛ í sɔ̃ ŋɛ,

Ebɛɛ 11:31

Na naanɛ ku dasii, Rahabu abo à ta icuu kù ku do inɛ ŋa iyi a kù jirima Ilaaɔ̃ ajɔ, si na iyi í jɔ̀ í gba woo bɛ ŋau do inɔ akã.

Ebɛɛ 6:10

Ilaaɔ̃ í jɛ inɛ dee dee, kaa gbɛjɛ icɛ nŋɛ do kubi iyi ì nyisi na iriɛ ŋa, si bɛi ì gbɔa inɛɛ ŋa wo ŋa, nɔ ì waa gbɔ nŋa baa nsɛi ŋa.

Zaaki 2:25

Bɛɛbɛ mɔi abo à ta icu iyi à ya kpe Rahabuu í ce. Í jɛ amanɛ dee dee si wajui Ilaaɔ̃ na kookoosuɛ ŋa si na iyi í jɔ̀ í gba inɛi Izirɛli woo bɛ ŋau si kpasɛ̃ɛ nɔ í nya ŋa do kpãa mmu.

Zozue 2:1

Zozue amai Nunu í bɛ inɛ minji gɔ ŋa do asii hai ilui Sitimu í sɔ̃ ŋa í ni a koo a cɔ yaasei ilɛ iyi í wa icei idou wa, nɔ iyi í re mɔm nŋui í jɛ ilui Zeriko. Ŋɔi inɛ ŋau à koo. Iyi à to Zeriko nɔ à bɔ kpasɛ̃i abo à ta icu gɔ iyi à ya kpe Rahabu, nɔ à sɔ bɛ.

Zozue 2:22

Ŋɔi inɛ ŋau à koo à gũ iri kuta ŋau, nɔ à manji bɛ ajɔ mɛɛta hee inɛ ŋa iyi à da hãmɛ nŋa ŋau à sinda à baa nŋa wa. À koo à dabii à dɛdɛ ŋa bii fei, amma a kù yɛ ŋa.

Zozue 7:1

Inɛi Izirɛli ŋau à ce kurara nla nla si mii ŋa iyi Aɔ̃ Lafɛ̃ɛ í ni a maà ti a so. Akãai í so mii ŋa iyi Aɔ̃ Lafɛ̃ɛ í ni a maà sou, ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋa. Akãau si dimii Zudaai à búu, amai Kaamii wa jɛ, Kaamiu mɔ amai Zabudii, Zabudi mɔ amai Zerai.

Samuɛli 1, 15:3

Nsɛi, dede bɛbɛi i koo si ŋa. Koo ce asɔɔi mii ŋa iyi à nɛ fei nɔ i maà ce araare nŋa. Kpa mii ŋa iyi à wɛɛ fei, hai inɛmɔkɔ do inaabo do amu ŋa do ama kpɔtɔɔ ŋa hee do kɛtɛ ŋa do angudã ŋa do iwo ŋa ku koo si kpookpo do gbankɛlɛ ŋa fei.

Samuɛli 1, 15:6

Ŋɔi Saulu í sɔ̃ inɛi Keni ŋa í ni, i fita hai si inɔi inɛi Amalɛki ŋa ku ba iŋɛò ŋa i maà ku ajɔ ŋa, domi ì cea inɛi Izirɛli ŋa mii jiida ŋa waati iyi à waa fita wa hai ilɛi Ezibiti. Nɔ inɛi Keni ŋa à fita hai inɔi inɛi Amalɛki ŋa.