Zozue 6:1 - Bibeli do fee

¹ Wee inɛi Zeriko ŋa à cĩmbo anu koofai ilu nŋa fei dim dim na irii inɛi Izirɛli ŋa. Inɛ kãma ci ya lɔ nɔ inɛ kãma mɔ ci ya fita.

Zozue 6:1 Iomraidhean Croise

Samuɛli 2, 10:5

Ŋɔi Davidi í gbɔ ideu, nɔ í bɛ inɛ ŋa a bɔ ku kò nŋa, domi inɛ ŋau à wa si anyɔ nla nla. Nɔ í ni a sɔ̃ ŋa a wa ilui Zeriko titã hee agbã nŋa ŋau a wu, si anyiɛ nɔ a baa wa.

Ilaalu 2, 17:4

Amma ilaalui Asiriu í na í yɛ iyi Ozee wa dĩa nŋu sɔɔlui zamba wa, domi í bɛ inɛ ŋa bi So ilaalui Ezibitiu, nɔ kù waa sãa fiai adɔ̃u má. Ŋɔi í jɔ̀ à muu à dũu do sesee nɔ í cĩmboɛ si ile piisɔ̃ɔ.

Ilaalu 2, 2:4

Ŋɔi Elii í sɔ̃ɔ má í ni, Elizee, leekĩ ihɛ̃, domi Aɔ̃ Lafɛ̃ɛ í bɛm Zeriko. Ŋɔi Elizee í jɛaa í ni, bii Aɔ̃ Lafɛ̃ɛ í wɛɛ nɔ awɔ mɔ ì wɛɛ, n kaa n tɛkɛɛ n jɔ̀ɛ pai. Nɔ à to Zeriko.

Iri ku kɔ̃ 127:1

Iri ku kɔ̃i kutɔɔ ku bɔ ku ce. Iriu ihɛ̃ ti Salomɔɔi. Bii Aɔ̃ Lafɛ̃ɛ kù ma kpasɛ̃, inɛ ŋa iyi à waa maa, icɛ ngbɛi à waa ce. Bii kù jɛ Aɔ̃ Lafɛ̃ɛi wa degbe ilu, inɛ ŋa iyi à waa degbeɛ, aa maa wɔ njooi ngbɛ ngbɛ.

Zozue 16:7

Hai bɛ nɔ í bɔ ikpa Atarɔti do Naara nɔ í koo í kãsi Zeriko nɔ í kpa iri idoi Zuudɛ̃ɛ.

Zozue 18:21

Ilu ŋa iyi à jɛ ti nyaanzei dimii Bɛnzamɛɛ ŋa wee. Zeriko do Bɛti-Hogula do Emɛki-Kesisi

Zozue 2:1

Zozue amai Nunu í bɛ inɛ minji gɔ ŋa do asii hai ilui Sitimu í sɔ̃ ŋa í ni a koo a cɔ yaasei ilɛ iyi í wa icei idou wa, nɔ iyi í re mɔm nŋui í jɛ ilui Zeriko. Ŋɔi inɛ ŋau à koo. Iyi à to Zeriko nɔ à bɔ kpasɛ̃i abo à ta icu gɔ iyi à ya kpe Rahabu, nɔ à sɔ bɛ.

Zozue 2:24

Nɔ à sɔ̃ Zozue à ni, ntɔ ntɔ Aɔ̃ Lafɛ̃ɛ í da nwa ilɛu fei si awɔi, nɔ inɛi ilɛ ŋau fei zigi nŋa í da hee à waa yaya do njo na iri nwa.

Zozue 2:7

Ŋɔi woo bɛi ilaalu ŋau à waa da hãmɛi inɛ ŋau à too kpãai waawaai idoi Zuudɛ̃ɛu, nɔ à cĩmbo gamboi iluu waati iyi à fita à nɛ.

Zozue 5:15

Ŋɔi inɛ ngboi soogei Aɔ̃ Lafɛ̃ɛ ŋau í jɛaa í ni, bɔ baataɛ ŋa, domi inya bii ì waa leekĩu ihɛ̃ inya kumái. Nɔ Zozue í ce bɛi í fɔu.

Zozue 6:2

Ŋɔi Aɔ̃ Lafɛ̃ɛ í sɔ̃ Zozue má í ni, cɔ ǹ daaɛ Zeriko si awɔ do ilaaluɛ do sooge kaasãanɛɛ ŋa fei.