Zozue 5:9 - Bibeli do fee

⁹ Ŋɔi Aɔ̃ Lafɛ̃ɛ í sɔ̃ Zozue í ni, nnyi ǹ nya nŋɛ anyɔ iyi ì fitaò wa hai ilɛi Ezibitiu ŋa. Nɔ à sɔ inyau Giligali. Bɛɛbɛ mɔi à ya maa kpoo hee do nnyi fei.

Zozue 5:9 Iomraidhean Croise

Kusintii Andunya 34:14

à ni, a kaa ka so wecĩ nwa ka na inɛmɔkɔ iyi kù ce bango, domi bi tu wa, bii à ce bɛɛbɛ anyɔi.

Samuɛli 2, 19:15

Ŋɔi Davidi í sinda idɔi inɛi Zudaa ŋau fei si nŋu takaɛ bɛi idɔi inɛ akã. Nɔ à bɛ inɛ gɔ koo sɔ̃ɔ ku ni, baa wa awɔ do zamaaɛu fei.

Iri ku kɔ̃ 119:39

Jɔ̀ n fita hai si anyɔ iyi wa da zigim, domi asaiyaɛ ŋai à jɛ jiida.

Zeremi 9:25

Inɛ ŋau, inɛi Ezibiti ŋai do inɛi Zudaa ŋa do inɛi Edɔmu ŋa do inɛi Amɔɔ ŋa do inɛi Moabu ŋa hee do inɛ ŋa iyi à wa si gbaa iyi à ya maa wa agbã nŋa ŋau. Ntɔ ntɔ inɛi ilɛ ŋau bɛ fei hee do inɛi Izirɛli ŋau fei, a kù ce bango, domi a kù ce bangoi idɔ.

Ezekiɛli 23:3

Ama inaabo ŋau, waati iyi à wɛɛ mudɛ̃ɛ, icui à ya maa ta Ezibiti. Bɛi inɛ ŋa à tɛ amɔ nŋa ŋa nɔ à baabaa gɛnda nŋa ŋa.

Ezekiɛli 23:8

Hai Ezibiti bɛi í sinti icu ku tau, domi hai bɛi awaasũ ŋa à ya maa sũòɛ hai mudɛ̃ɛɛ à maa baabaa amɔɛ ŋa nɔ à faa si daa laalɔ nŋau.

Ozee 4:15

Iŋɛ inɛi Izirɛli ŋa, sakarai ì waa ce ŋa. Amma iŋɛ inɛi Zudaa ŋa, i maà dasi ara nŋɛ kurara dimi bɛɛbɛ ŋa. I maà bɔ Giligali bi kutɔɔ iwɛ̃u ŋa, nɔ i maà bɔ Bɛti-Avɛni ŋa. Nɔ i maà ya fɔ ide do kugbasi i ni ŋa, hee do kuwɛɛi Aɔ̃ Lafɛ̃ɛ fei.

Kuwee 24:14

i fitaò inɛ iyi i bum nɔu hai asɔ nŋɛ, nɔ inɛ ŋa iyi à gbɔ bɛi í dɔ̃ɔm nɔu fei a lea awɔ si iri, si anyiɛ zamaau ku bɛi ku taa kuta.

Amɔsu 5:5

I maà bɔ ku dɛdɛɛm Betɛli ŋa walakɔ Giligali, nɔ i maà bɔ ku tɔɔm Bɛɛseba ŋa, domi aa na a mu inɛi Giligali ŋa a nɛò ŋa nɔ a ce nfei ilui Betɛli.

Misee 6:5

Iŋɛ inɛm ŋa, i ye gigii laalɔ iyi Balaki ilaalui Moabu í lasabu ku cea bala nŋɛ ŋa wo, nɔ i ye gigii ide iyi Balamu amai Beɔɔ í jɛɛa wa. Hai Sitimu hee ku naa Giligali, bala nŋɛ ŋa à yɛ jiida ŋa iyi amu Aɔ̃ Lafɛ̃ɛ ǹ ce nŋa.

Sofoni 2:8

Ǹ gbɔ iyi inɛi Moabu ŋa do inɛi Amɔɔ ŋa à waa nyaanyi inɛm ŋa, nɔ à fɔ ide à waa yaako ŋa. À wasi ku bu ŋa. À gba ilɛi inɛm ŋa à waa kɔ̃ɔsiò kucĩi tu ŋa.

Zozue 24:14

Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.

Zozue 4:19

Inɛi Izirɛli ŋau à fita wa hai inɔ idoi Zuudɛ̃ɛui si ajɔ mɛɛwasiai cukpa sinteu nɔ à koo à ce asɔ Giligali ikpa nunui daakɔi Zeriko.

Zozue 5:8

Waati iyi à dasi aŋa fei bango à tã, asɔ bɛi à ya maa wa hee juju nŋa ŋau à koo à tãò.

Samuɛli 1, 14:6

Ŋɔi Zonatãa í sɔ̃ amaacɛɛ í ni, nɛ wa ka bɔ bi hai ce bango ŋau ihɛ̃. Á yɔkɔ ku jɛ Aɔ̃ Lafɛ̃ɛ á sobi wa, domi nkãma kàa ganjiɛ ku sobi wa baa bii a kù kpɔ.

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.

Samuɛli 1, 17:36

Si bɛi ǹ kpa iŋa laalɔ ŋau, bɛɛbɛ mɔi an yɔkɔ n kpa inɛi Filisi hai bu bangou bɛ, nŋu iyi wa nyaanyi inɛi Ilaaɔ̃ ŋa.

Samuɛli 1, 7:16

Adɔ̃ fei í ya too too si ilui Betɛli do Giligali do Misipa ku maa kaako inɛi Izirɛli ŋa si ilu ŋau bɛ fei.