Zozue 5:7 - Bibeli do fee

⁷ Ama nŋa ŋai í sãsi agbɛ nŋa, nɔ Zozue í dasi ŋa bango, domi a kù ce bango wo si waatii isɛɛnɛ nŋau.

Zozue 5:7 Iomraidhean Croise

Kusintii Andunya 34:14

à ni, a kaa ka so wecĩ nwa ka na inɛmɔkɔ iyi kù ce bango, domi bi tu wa, bii à ce bɛɛbɛ anyɔi.

Kuka 14:31

Nɔ ama nŋɛ ŋa iyi ì ni mbɛɛ nŋɛ ŋa aa naa a gba bii à jɛ ŋɛ igũ ŋau, aŋai an jɔ̀ a to si ilɛ iyi iŋɛ ì cé ŋau.

Wooda ku kɔsi 1:39

Nɔ ama nŋɛ ŋa iyi ì ni aa na a jɛ arui inɛ ŋau, ama nŋɛ ŋa iyi a kù mà jiida nnyi hee má jɛ laalɔ, aŋai aa lɔ si ilɛu, aŋai an mua nɔ tu ŋai á jɛ.

Zozue 5:6

A kù dasi ŋa bango si na iyi í jɔ̀ adɔ̃ ciijii à ce à waa nɛ si gbaau. Si anyii adɔ̃ ciijiu inɛ ŋa iyi à to igũ ku ce si waati iyi à fita wa hai ilɛi Ezibitiu fei à ku. Inɛ ŋau à kui si na iyi í jɔ̀ a kù jirima idei Aɔ̃ Lafɛ̃ɛ. Nɔ Aɔ̃ Lafɛ̃ɛ í ni nŋu kaa jɔ̀ a yɛ ilɛ iyi nŋu í wãò bala nŋa ŋa nŋu ku mu nŋau má. Ilɛu, amɔ do nyikɔ̃i í ya maa kɔ̃ bɛ.

Zozue 5:8

Waati iyi à dasi aŋa fei bango à tã, asɔ bɛi à ya maa wa hee juju nŋa ŋau à koo à tãò.