Zozue 5:6 - Bibeli do fee

⁶ A kù dasi ŋa bango si na iyi í jɔ̀ adɔ̃ ciijii à ce à waa nɛ si gbaau. Si anyii adɔ̃ ciijiu inɛ ŋa iyi à to igũ ku ce si waati iyi à fita wa hai ilɛi Ezibitiu fei à ku. Inɛ ŋau à kui si na iyi í jɔ̀ a kù jirima idei Aɔ̃ Lafɛ̃ɛ. Nɔ Aɔ̃ Lafɛ̃ɛ í ni nŋu kaa jɔ̀ a yɛ ilɛ iyi nŋu í wãò bala nŋa ŋa nŋu ku mu nŋau má. Ilɛu, amɔ do nyikɔ̃i í ya maa kɔ̃ bɛ.

Zozue 5:6 Iomraidhean Croise

Iri ku kɔ̃ 107:4

Inɛ gɔ ŋa à waa dabii si gbaau si isɛɛnɛ nŋa, a kù yɛ baa ilu gɔ bii inɛ ŋa à wa.

Kufita 3:17

Nɔ ǹ ni an nya ŋa hai ilɛi Ezibiti tengi bii à waa kpã ŋa iju n bɔò ŋa ilɛi inɛi Kanaã ŋa, do inɛi Hɛti ŋa, do inɛi Amɔre ŋa, do inɛi Ferɛzi ŋa, do inɛi Hɛvi ŋa, do inɛi Zebusi ŋa. Si ilɛu bɛ amɔ do nyikɔ̃ fei wa kɔ̃i.

Kufita 3:8

Ǹ kita wai ǹ naa n gba ŋa hai si awɔi inɛi Ezibiti ŋa nɔ n nya ŋa hai si ilɛu bɛ n bɔò ŋa si ilɛ jiida ku cĩ gɔ bii mii jiida fei í wa, amɔ do nyikɔ̃ fei wa kɔ̃ bɛi. Bɛi inɛi Kanaã ŋa à wa, do inɛi Hɛti ŋa, do inɛi Amɔre ŋa, do inɛi Ferɛzi ŋa, do inɛi Hɛvi ŋa, do inɛi Zebusi ŋa.

Zeremi 2:2

koo sɔ̃ inɛi Zeruzalɛmu ŋa i ni amu Aɔ̃ Lafɛ̃ɛ ǹ ni, awɔ Zeruzalɛmu, ǹ wa n ye gigii kubim iyi ì nɛ waati iyi ì wɛɛ mudɛ̃ɛ, do kubim iyi ì nɛ waati iyi ì waa jɛ abo titɔ̃. Waati bɛɛbɛi ì ya toom nii hee gbaa bii nkãma ci ya fitau.

Ezekiɛli 20:15

Ajɔ nŋu bɛ, si gbaau do kugbasi ǹ wu awɔ lele ǹ ni n kaa n gbã ŋa n bɔò ŋa ilɛ tengi bii ǹ ce nŋa kuwãɛu. Ilɛ gɔi iyi í sĩa í re ilɛ fei, amɔ do nyikɔ̃i wa kɔ̃ bɛ.

Ezekiɛli 20:6

Ajɔ nŋu bɛ, do kugbasi, ǹ wu awɔ lele ǹ ni an fitaò ŋa hai ilɛi Ezibiti n gbã ŋa n bɔò ŋa si ilɛ iyi ǹ cica nŋau. Ilɛ gɔi iyi í sĩa í re ilɛ fei nɔ amɔ do nyikɔ̃ wa kɔ̃ bɛ.

Kuka 26:63

Inɛ ŋa iyi Moizi do Eleazaa woo weeu à ka ŋau mbɛ si lɔɔmai Moabu kɔkɔi idoi Zuudɛ̃ɛ do wajui ilui Zerikou.

Wooda ku kɔsi 1:3

Si anyii kufita nŋa hai ilɛi Ezibiti, adɔ̃ ciijii í ce si cukpa maatakãsiaɛ ajɔ sintei cukpaui Moizi í sisia inɛi Izirɛli ŋau ide iyi Aɔ̃ Lafɛ̃ɛ í tako í sɔ̃ɔ wo fei.

Wooda ku kɔsi 2:14

Isɛɛnɛ iyi à ce hai Kadɛsi-Baanea ku bɔ Zerɛdi bii à kuau í wɛɛi adɔ̃ kuntaa do mɛɛjɔ, hee inɛ ŋa iyi à to igũ ku ce ŋau fei à kpa iri hai si asɔu si bɛi Aɔ̃ Lafɛ̃ɛ í tako í fɔ do kugbasiu.

Wooda ku kɔsi 2:7

Ntɔ ntɔ Aɔ̃ Lafɛ̃ɛ nŋɛ í wee nŋɛ si icɛi awɔ nŋɛ fei, nɔ í mà isɛɛnɛ nŋɛ si gbaa nlau ihɛ̃. Adɔ̃ ciijii ihɛ̃ bɛbɛi iyi Aɔ̃ Lafɛ̃ɛ nŋɛ í wɛɛ do iŋɛ nɔ i kù kua nkãma ŋa.

Wooda ku kɔsi 8:4

Ibɔ nŋɛ ŋa a kù gbo, nɔ kutɛ nŋɛ ŋa a kù wu si adɔ̃ ciijiu.

Ebɛɛ 3:11

Na nŋu, si idɔɔkɔ̃m ǹ fɔ do kugbasi ǹ ni, a kaa lɔ si bi kusĩmi iyi ǹ ce nŋa sɔɔluɛu ajɔ kãma.

Zozue 1:6

Jɔ̀ i nɛ gbugbã nɔ i nɛ wɔɔkɔ, domi awɔi aa jɔ̀ inɛ ŋau a lɔ si ilɛ iyi ǹ fɔ do kugbasi ǹ ni an mua bala nŋa ŋau.

Zozue 24:7

Ŋɔi bala nŋɛ ŋau à tɔɔ Aɔ̃ Lafɛ̃ɛ sobi, nɔ í jɔ̀ ilu kuku í ce si aninii aŋa do inɛi Ezibiti ŋau, nɔ í jɔ̀ inyii tenkuu í jɛ inɛi Ezibiti ŋau. Ijui bala nŋɛ ŋa í yɛ mii iyi Aɔ̃ Lafɛ̃ɛ í cea inɛi Ezibiti ŋau. Si anyiɛ à koo à buba à ce adɔ̃ nkpɔ nkpɔ si gbaau.

Zozue 5:7

Ama nŋa ŋai í sãsi agbɛ nŋa, nɔ Zozue í dasi ŋa bango, domi a kù ce bango wo si waatii isɛɛnɛ nŋau.