Zozue 5:4 - Bibeli do fee

^4-5 Mii iyi í jɔ̀ Zozue í dasi ŋa bango wee. Si waati iyi inɛi Izirɛli ŋau à fita wa hai ilɛi Ezibiti, andi inɛmɔkɔ ŋa iyi à to igũ ku ce ŋau fei à bu nŋa bango tã, amma inɛ nŋu ŋau fei à ku si gbaau. Si anyii nŋu, amu ŋa iyi à na à bí si gbaau bɛbɛi fei a kù dasi inɛ nŋu ŋa bango má.

Zozue 5:4 Iomraidhean Croise

Kuka 14:22

inɛi nsɛi ŋau ihɛ̃ kãma nŋa kaa lɔ si ilɛu, domi à yɛ amboem nɔ à yɛ maamaake ŋa iyi ǹ ce fei si ilɛi Ezibiti do si gbaau nɔ do nŋu fei a kù leekĩò laakaim ku cɔ nɔ a kù jirima idem. Na nŋu, inɛ ŋau bɛ kãma nŋa kaa yɛ ilɛ iyi ǹ wãò bala nŋa ŋau má. Inɛ ŋa iyi à yaakom ŋau a kaa yɔɔ do iju má pai.

Kɔrɛnti 1, 10:5

Do nŋu fei, Ilaaɔ̃ í jɔ̀ inɛ nkpɔ nŋa í ku si gbaa si na iyi í jɔ̀ daa nŋa kù sĩaa si.

Wooda ku kɔsi 2:14

Isɛɛnɛ iyi à ce hai Kadɛsi-Baanea ku bɔ Zerɛdi bii à kuau í wɛɛi adɔ̃ kuntaa do mɛɛjɔ, hee inɛ ŋa iyi à to igũ ku ce ŋau fei à kpa iri hai si asɔu si bɛi Aɔ̃ Lafɛ̃ɛ í tako í fɔ do kugbasiu.

Wooda ku kɔsi 2:16

Waati iyi inɛ ŋa iyi à to igũ ku ce ŋau fei à ku,

Zozue 5:3

Nɔ Zozue í ce kasɛi kuta ŋa nɔ í dasi inɛi Izirɛli ŋau bango si iri kuta iyi à ya kpe Aralɔtu.