Zozue 5:14 - Bibeli do fee

¹⁴ Ŋɔi inɛɛu í jɛaa í ni, aawo, n kù jɛ ti kãma nŋɛ gɔ. Inɛ ngboi soogei Aɔ̃ Lafɛ̃ɛ ŋai ǹ jɛ, nɔ kutom wa mɔ mbɛ. Ŋɔi Zozue í sɛɛbata si wajui inɛɛu nɔ í sɔ̃ɔ í ni, amu woo ce icɛɛi, mii ì ni n ce.

Zozue 5:14 Iomraidhean Croise

Kusintii Andunya 17:17

Ŋɔi Aburahamu í sɛɛbata si wajuɛ í kɔmba iriɛ nɔ wa nyaanyi, domi í fɔ si idɔɛ í ni, inɛ iyi í nɛ adɔ̃ cĩɔ nŋui aa maa bía ama má? Sara mɔ wee í nɛ adɔ̃ cinɛò fɛɛwa, nŋui á bí má?

Kusintii Andunya 17:3

Ŋɔi Aburamu í sɛɛbata í kɔmba iriɛ ilɛ ŋɔi Ilaaɔ̃ í baa ide ku fɔ í ni,

Samuɛli 2, 7:19

Amma ì waa cɔɔ mii keeke bi tɛɛ, nɔ ì nyi ì jɔ̀ ǹ mà bɛi tɔkum ŋa aa na a jɛ ala má. Nɔ amu amanɛ, amui ì waa sɔ̃ ide ŋau ihɛ̃.

Samuɛli 2, 7:20

Mii ǹ nɛ an sɔ̃ɛ má. Ì màm tã, amu woo ce icɛɛ.

Iri ku kɔ̃ 110:1

Iriu ihɛ̃ ti Davidii. Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Iri ku kɔ̃ 24:10

Yooi í jɛ ilaalu ilu bɛɛrɛ, Aɔ̃ Lafɛ̃ɛi lele do ilɛui. Nŋui í jɛ ilaalu ilu bɛɛrɛu. Kusĩmi.

Kufita 4:10

Moizi í sɔ̃ Aɔ̃ Lafɛ̃ɛ í ni, Lafɛ̃ɛ, n kù jɛ inɛ iyi ide ku fɔ í faalaa, domi gɛlɛm í wo si ide ku fɔ, nɔ iyi bɛi kù jɛ ana, kù jɛ ajuɛ, kù nɔ kù jɛ baa hai waati iyi ì waa ba amu woo ce icɛɛ ide ku fɔ.

Kufita 4:13

Amma Moizi í ni, Lafɛ̃ɛm, cica inɛ mmu gɔ i bɔɔ.

Ezai 55:4

Nŋui ǹ jɔ̀ í jɛ sɛɛdam bi inɛ ŋa, nɔ nŋui í jɛ ilaalu iyi wa gbã zamaau wo.

Ezai 6:8

Si anyii nŋu, ŋɔi ǹ gbɔ Aɔ̃ Lafɛ̃ɛ wa ni, yooi an bɛ. Yooi á jɛ inɛ iyi á koo ku fɔ nwa ide. Ŋɔi ǹ jɛaa ǹ ni, ǹ tã sɔɔlu, bɛm.

Ezekiɛli 3:23

Nɔ ǹ fita ǹ bɔ si lɔɔmau. Ŋɔi ǹ yɛ amboei Aɔ̃ Lafɛ̃ɛ bɛi ǹ tako ǹ yɔɔ wo si itĩi idoi Kebaau. Ŋɔi ǹ sɛɛbata ilɛ.

Daniɛli 10:13

Amma amaleka iyi í jɛ woo degbei bommai Pɛɛsiu í bam do ijai ajɔ kɔnfia do akã. Ŋɔi Misɛli inɛ akãi inɛ ngboi amaleka ŋau í naa í sobim, nɔ ǹ gbe bi ilaalui Pɛɛsi ŋau bɛ.

Daniɛli 12:1

Ŋɔi amalekau í bam ide ku fɔ má í ni, si waatiu bɛi Misɛli inɛ ngboi amaleka ŋau á faata wa, nŋu iyi í jɛ inɛ iyi á kɔ̀ò zamaaɛu. Waatiu, waatii wahalai á jɛ iyi a kù yɛ dimiɛ bii kãma hee ku naa si waatiu bɛ. Si waatiu bɛ, inɛɛ ŋa iyi à kɔ iri nŋa si tiai kuwɛɛu fei, aa ba a fita si.

Daniɛli 8:11

Ngou bɛi í ya baò baa inɛ ngboi inɛ ŋa iyi à wa lelei Aɔ̃ ŋau ija. Í ya ganji kuwee iyi à nɛ a ya ceaa ajɔ feiu, nɔ í ya riisi ile kumáɛu.

Kuwee 9:24

Ŋɔi Aɔ̃ Lafɛ̃ɛ í jɔ̀ ina í dede nɔ í jo kuwee ŋa iyi à ya jo si ina fei sãa sãau do ikpoi iŋai kuwee mmu ŋau fei. Iyi inɛ ŋau fei à yɔɔ, ŋɔi à wasi ku dɔ̃ anu do inɔ didɔ̃, nɔ aŋa fei à sɛɛbata.

Kuka 16:22

Ŋɔi Moizi do Arɔ̃ɔ à sɛɛbata hee ilɛ à waa ni, Ilaaɔ̃ awɔ iyi í jɔ̀ ilu hunde fei í wɛɛ, ŋɔi na dulum dii inɛ akã aa ce idɔɔkɔ̃ si zamaau ihɛ̃ fei?

Kuka 22:31

Ŋɔi Aɔ̃ Lafɛ̃ɛ í jɔ̀ ijui Balamu í cĩ nɔ í yɛ amaleka iyi wa leekĩ si kpãau do taakubaɛ si awɔ, ŋɔi í sɛɛbata si wajuɛ.

Matie 22:44

Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃, hee n ce mbɛɛɛ ŋa bi ku lesi isɛɛ.

Matie 8:2

Nɔ dintɛ gɔ í naa í sɛɛbata si wajuɛ í ni, Lafɛ̃ɛ, bii ì bi, aa yɔkɔ i jɔ̀ n ba iri n jɛ inɛ iyi í maaju.

Luku 1:43

Yooi ǹ jɛ hee iyei Lafɛ̃ɛm í naa bi tom.

Luku 20:42

Davidi takaɛ í fɔ si tiai iri ku kɔ̃ ŋa í ni, Aɔ̃ Lafɛ̃ɛ í sɔ̃ Lafɛ̃ɛm í ni, buba do ikpa awɔ njɛm ihɛ̃,

Luku 5:12

Si anyii nŋu Jesu í wa si ilu gɔ bɛ, nɔ mɔkɔ gɔ í naa bi tɛɛ. Mɔkɔu wa ce bɔ̃ɔi dintɛ ntɔ ntɔ. Iyi í yɛ Jesu ŋɔi í naa í sɛɛbata si wajuɛ í tɔɔɛ suuru í ni, Lafɛ̃ɛ, bii ì bi, aa yɔkɔ i jɔ̀ n ba iri n jɛ inɛ iyi í maaju.

Laabaau jiida iyi Zãa í kɔ 20:28

Ŋɔi Tomaa í jɛaa í ni, awɔi ì jɛ Aɔ̃ Lafɛ̃ɛm.

Woo bɛ ŋa 9:6

Dede i bɔ inɔ iluu, bɛi aa sɔ̃ɛ mii iyi aa ce.

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Ebɛɛ 2:10

Do ntɔ, Ilaaɔ̃, nŋu iyi í taka mii fei nɔ wa mu fei ndɛɛ, í yɔɔ iyi í sĩa Jesu ku yɛ ijuukpã ku ba ku jɛ amanɛ iyi í kɔ̃ nɔ ku gbã amanɛ nkpɔ nkpɔ ku naaò ŋa wa si amboeɛ, domi Jesui í jɛ icui faaba nŋa.

Zozue 20:1

Si anyii nŋu ŋɔi Aɔ̃ Lafɛ̃ɛ í sɔ̃ Zozue í ni,

Kuyɛi Zãa 12:7

Ŋɔi igũ í dede lele bɛ. Misɛli inɛ ngboi amaleka ŋau do amalekaɛ ŋa à ce igũ do akandamau do amalekaɛ ŋa.