Zozue 5:13 - Bibeli do fee

¹³ Ajɔ nŋu gɔ Zozue í wa kɔkɔi ilui Zeriko, ŋɔi anu akã í yɛ inɛmɔkɔ gɔ wa leekĩ si wajuɛ. Lafɛ̃ɛ wa mu taakubaɛ si awɔ. Ŋɔi Zozue í tɛkɛɛ siɛ í beeɛ í ni, awɔ inɛ nwai de, mà awɔ inɛ akãi mbɛɛ nwa ŋai.

Zozue 5:13 Iomraidhean Croise

Kusintii Andunya 18:1

Ajɔ nŋu gɔ Aɔ̃ Lafɛ̃ɛ í faata wa si Aburahamu bii wa buba si inɔ agboi Maree andɛ koofai ilei acɔɛ zakai dasã.

Kusintii Andunya 18:2

Yaase bɛi í faataò wa bi tɛɛ wee. Aburahamu í wu iju í cɔ ilu nɔ í yɛ inɛmɔkɔ mɛɛta gɔ ŋa à waa leekĩ si wajui nŋu. Iyi í yɛ ŋa bɛɛbɛ ŋɔi í sɛi í bɔ bi tu ŋa. Í koo í sɛɛbata si waju nŋa.

Kusintii Andunya 28:16

Iyi Zakɔbu í jĩ ŋɔi í ni, Aɔ̃ Lafɛ̃ɛ í wa inyau ihɛ̃ ntɔ ntɔ amma n kù mà wo.

Kusintii Andunya 33:1

Si anyii nŋu ŋɔi Zakɔbu í wu iju lele nɔ í ba wee Esau wa to wa do amanɛ cĩɔ mɛɛ. Nɔ í kpɛ̃ kpɛ̃ kpɛ̃ amu ŋau, inɛ gɔ ŋa bi Lea, inɛ gɔ ŋa mɔ bi Rasɛli, inɛ gɔ ŋa mɔ bi woo ce icɛ inaabo minji ŋau.

Kusintii Andunya 33:5

Iyi Esau í cɔ do waju í yɛ abo ŋau do amu ŋau nɔ í beeɛ í ni, yoo ŋai à waa siɛ wau ihɛ̃. Nɔ Zakɔbu í jɛaa í ni, amu ŋa iyi Ilaaɔ̃ í muum nii mbɛ na didɔ̃ɛ amu woo ce icɛɛ.

Bomma 1, 12:22

Ŋɔi aŋa fei à sobi soogei Davidi ŋau ku ba a kãmia inɛi Amalɛki ŋa iyi à wa ba ŋa ijau, domi aŋa fei kaasãanɛ ŋai nɔ à jɛ inɛ ngboi sooge ŋa.

Bomma 1, 21:27

Ŋɔi Aɔ̃ Lafɛ̃ɛ í sɔ̃ amalekau ide nɔ í sindo taakubaɛu si inɔ ankɔ̃ɔɛ.

Bomma 1, 21:30

Amma Davidi kaa yɔkɔ koo tɔɔ Ilaaɔ̃ bɛ si na iyi í jɔ̀ taakubai amalekai Aɔ̃ Lafɛ̃ɛu í jɔ̀ zigiɛ í da.

Kufita 23:23

Amalekam nii á cua nŋɛ ku bɔò ŋɛ hee bi inɛi Amɔre ŋa do inɛi Hɛti ŋa do inɛi Ferɛzi ŋa do inɛi Kanaã ŋa do inɛi Hɛvi ŋa do inɛi Zebusi ŋa nɔ an kpa inɛ ŋau.

Daniɛli 10:5

Ŋɔi ǹ wu iju ǹ cɔ ilu, nɔ ǹ yɛ inɛ gɔ wa dasi jĩnɛ gɔ iyi à ce do acɔ ku nɛ sisima, nɔ wa dĩ santiiki iyi à ce do wura alala si kpakaɛ.

Daniɛli 8:3

Waati iyi ǹ wa n cɔ ilu, ǹ yɛ angudã kombo gɔ wa leekĩ itĩi idou. Angudãu í nɛ ngo nla nla minji. Amma iyi í na í fita do ankãanyiui í la í re inɛ ihɔ̃u.

Zakari 1:8

Í ni, idũ ajɔ nŋu ǹ ce kuyɛ. Ǹ yɛ masa gɔ wa gũ acĩ nkpa wa leekĩ si lɔɔma gɔ si inɔ jĩi ndii miitu ŋa. Nɔ acĩ gɔ ŋa mɔ à waa leekĩ do anyiɛ. Acĩ nkpa ŋa, do nkpa nkpa ŋa do fũfũ ŋa.

Kuka 22:23

Ŋɔi gbankɛlɛu í yɛ amalekai Aɔ̃ Lafɛ̃ɛ iyi wa leekĩ si kpãau, wa mu taakubaɛ gbugbãa, ŋɔi gbankɛlɛu í yaa hai si kpãau í dasi inɔ ilɛi inɛ ŋa. Ŋɔi Balamu í cã gbankɛlɛu ku ba ku baaɛ wa si kpãa.

Kuka 22:31

Ŋɔi Aɔ̃ Lafɛ̃ɛ í jɔ̀ ijui Balamu í cĩ nɔ í yɛ amaleka iyi wa leekĩ si kpãau do taakubaɛ si awɔ, ŋɔi í sɛɛbata si wajuɛ.

Woo bɛ ŋa 1:10

Waati iyi à waa cɔɔ wa nɛ ikpa lelei Aɔ̃, ŋɔi gbakã à yɛ woo dasi ibɔ fũfũ minji gɔ ŋa bɛ à waa leekĩ kɔkɔ nŋa.

Zozue 6:2

Ŋɔi Aɔ̃ Lafɛ̃ɛ í sɔ̃ Zozue má í ni, cɔ ǹ daaɛ Zeriko si awɔ do ilaaluɛ do sooge kaasãanɛɛ ŋa fei.

Kuyɛi Zãa 1:13

Nɔ ǹ yɛ inɛ gɔ í jɔ amanɛ wa leekĩ si aninii bi ku lesi fitila ŋau. Wa dasi ibɔ sisɔ nɔ wa dĩ santiikii wura si kpakaɛ.

Woo kiiti ŋa 13:11

Ŋɔi Manoa í dede í too aboɛ wa í koo bi inɛɛu nɔ í beeɛ í ni, awɔi ì ba abom nɔu ihɛ̃ ide ku fɔ? Ŋɔi í jɛaa í ni, oo. Amui.

Woo kiiti ŋa 13:22

nɔ í sɔ̃ aboɛ í ni, aa ka ku mbɛ, domi wee à yɛ Ilaaɔ̃.