Zozue 5:10 - Bibeli do fee

¹⁰ Inɛi Izirɛli ŋa à koo à ce asɔ Giligali si lɔɔma iyi í wa kɔkɔi Zeriko, nɔ à jɛ jingaui Iku ku kua alɛi ajɔ maatɛ̃ɛsiai cukpau.

Zozue 5:10 Iomraidhean Croise

Samuɛli 2, 15:28

An koo n wa si lɔɔmai gbaa ŋau n maa n letĩ laabaau ŋa wa hai bi tu ŋɛ.

Kufita 12:11

Yaase bɛi aa ŋɔɔò ŋa wee. Aa tã sɔɔlui isɛɛnɛ, nɔ i dasi jĩnɛ iyi i ya bɔò ilu ŋai, nɔ i dasi baata nŋɛ ŋa, nɔ i máa mu golo nŋɛ ŋa, nɔ i ŋɔɔ do saasa ŋa. Nŋui í jɛ jingaui Aɔ̃ Lafɛ̃ɛ iyi à ya kpe Iku ku kua.

Kufita 12:18

Pɛ̃ɛ hai nɛ levɛ̃ɛ ŋai aa jɛ ŋa hai alɛi ajɔ maatɛ̃ɛsiai cukpa sinteu hee ku bɔ si alɛi ajɔ kɔnfia do akãsia.

Kufita 12:6

Aa máa mu ŋa ŋai hee ajɔ maatɛ̃ɛsiai cukpau ihɛ̃, nɔ alɛ ajɔ nŋu bɛi, aa kpa ŋa ŋa.

Zeremi 39:5

Amma soogei inɛi Kaladee ŋau à da hãmɛ nŋa nɔ à koo à mu Sedesiasi hee si lɔɔmai Zerikou. Ŋɔi à muu à nɛòɛ bi Nebukanɛsaa ilaalui Babilɔni ikpa Ribula si ilɛi Amati. Tengi bɛi Nebukanɛsaa í kiiti Sedesiasi.

Ezekiɛli 12:3

Na nŋu, ce sɔɔlu i fita dasã nkpa hai bii ì wau si wajui aŋa fei i nɛ inya mmu. Á yɔkɔ ku jɛ aa mà iyi aŋa à jɛ woo kɔ̀ ide ŋa.

Kuwee 23:5

Si ajɔ maatɛ̃ɛsiai cukpa sintei adɔ̃, hai alɛɛ gbakã aa jɛ jingaui Iku ku kua i naò irii amu Aɔ̃ Lafɛ̃ɛ nŋɛ bɛɛrɛ ŋai.

Misee 6:5

Iŋɛ inɛm ŋa, i ye gigii laalɔ iyi Balaki ilaalui Moabu í lasabu ku cea bala nŋɛ ŋa wo, nɔ i ye gigii ide iyi Balamu amai Beɔɔ í jɛɛa wa. Hai Sitimu hee ku naa Giligali, bala nŋɛ ŋa à yɛ jiida ŋa iyi amu Aɔ̃ Lafɛ̃ɛ ǹ ce nŋa.

Zozue 4:19

Inɛi Izirɛli ŋau à fita wa hai inɔ idoi Zuudɛ̃ɛui si ajɔ mɛɛwasiai cukpa sinteu nɔ à koo à ce asɔ Giligali ikpa nunui daakɔi Zeriko.

Zozue 5:11

Iyi iju í má nɔ à jɛ pɛ̃ɛ hai nɛ levɛ̃ɛ iyi à ce do amaajɛi ilɛi Kanaã do bileei ilɛu iyi à sɔ̃. Ajɔ akãu bɛi à jɔɔ.

Zozue 9:6

Ŋɔi à bɔ Giligali bi asɔi Zozue do inɛi Izirɛli ŋau nɔ à sɔ̃ ŋa à ni, hai ilɛ jĩijĩi à naa ihɛ̃, nɔ à bi awaɛ ŋa ka dĩ akabuu.

Samuɛli 1, 7:16

Adɔ̃ fei í ya too too si ilui Betɛli do Giligali do Misipa ku maa kaako inɛi Izirɛli ŋa si ilu ŋau bɛ fei.