Zozue 5:1 - Bibeli do fee

¹ Ilaalui inɛi Amɔre ŋa iyi à wa ikpa nunui alɛi idoi Zuudɛ̃ɛu do ilaalui inɛi Kanaã ŋa iyi à wa kɔkɔi tenkuu à gbɔ iyi Aɔ̃ Lafɛ̃ɛ í jɔ̀ inyii idoi Zuudɛ̃ɛu í gbɛ si wajui inɛi Izirɛli ŋa hee à kua. Ŋɔi njo í mu ŋa hee a kaa yɔkɔ a leekĩ si waju nŋa má.

Zozue 5:1 Iomraidhean Croise

Kusintii Andunya 12:6

Aburamu wa dabii si ilɛu fei hee í koo í tosiò ilu iyi à ya kpe Sikɛmu hee bi agboi Mɔre. Waati bɛɛbɛ inɛi Kanaã ŋa mɔi à wa si ilɛu.

Kusintii Andunya 48:22

Amui an muuɛ ilɛ ku re ti igbãɛ ŋa. An muuɛ ilui Sikɛmu má do ilɛɛkoɛ ŋa iyi ǹ gba hai bi inɛi Amɔre ŋa si waati iyi ǹ jɛ ŋa igũ do sobii taakubam do ti bioom.

Samuɛli 2, 21:2

Ŋɔi ilaaluu í kpe inɛi Gabaɔ̃ɔ ŋau ku sɔ̃ ŋa ide. Inɛi Gabaɔ̃ɔ ŋa a kù bɛi a kù jɛ inɛi Izirɛli ŋa, amma mbɔi inɛi Amɔre ŋai. Aŋaò inɛi Izirɛli ŋa à nɛ akabuu. Do nŋu fei Saulu í bi nŋu ku kpa aŋa fei na kookaai iyi wa ce na aranfãanii inɛi Izirɛli ŋa do inɛi Zudaa ŋa.

Ilaalu 1, 10:5

do sɔndaɛ do bi kuwai akaweɛ ŋa do icɛi woo ce icɛɛ ŋa do jĩnɛ ŋa iyi à ya maa dasi, do woo buã atɛ̃ ŋau, do kuwee ŋa iyi í ya jo si ina fei sãa sãa si inɔ kpasɛ̃i Aɔ̃ Lafɛ̃ɛu. Fei ndɛɛ í muu biti hee í caa.

Ɛsidarasi 9:1

Si anyii mii ŋau bɛ fei ŋɔi inɛ ngbo gɔ ŋa à naa à sɔ̃m à ni, inɛi Izirɛli ŋa hee do woo wee ŋau do inɛi Levii ŋau a kù fɛɛfɛ ara nŋa do inɛi ilɛ ŋau ihɛ̃. À waa ce laalɔ bɛi inɛi Kanaã ŋa do inɛi Hɛti ŋa do inɛi Ferɛzi ŋa do inɛi Yebusi ŋa do inɛi Amɔɔ ŋa do inɛi Moabu ŋa do inɛi Ezibiti ŋa do inɛi Amɔre ŋa.

Iri ku kɔ̃ 135:11

Nŋui í jɔ̀ à kpa Sioni ilaalui inɛi Amɔre ŋa, do Ɔgu ilaalui ilɛi Basãa, do ilaalui ilɛi Kanaã ŋa fei.

Kufita 23:28

Zigiidaui á ya lele inɛi Hɛvi ŋa do inɛi Kanaã ŋa do inɛi Hɛti ŋau hee i maa to wa ŋa.

Ezai 41:5

Inɛ ŋa iyi à wa si gũngũm ŋa à yɔɔ nɔ njo í mu ŋa. Inɛ ŋa iyi à wa si kɔɔ ŋa si ilɛu, à waa yaya. Aŋa fei à tɛkɛɛ à waa naa.

Ezekiɛli 16:3

Sɔ̃ɔ i ni amu Aɔ̃ Lafɛ̃ɛ ǹ ni, awɔ Zeruzalɛmu, ilɛi Kanaãi í jɛ idei balaɛ ŋa. Tengi bɛi à bíɛ. Baaɛ inɛi Amɔrei nɔ iyeɛ mɔ inɛi Hɛtii.

Ezekiɛli 21:7

awɔ amanɛ, sinda i cɔ ikpa ilui Zeruzalɛmu nɔ i fɔ idei ijuukpã iyi á naa si bi kuweeɛ ŋau. Ce waliii ideu si ilɛi Izirɛli.

Daniɛli 5:6

Nɔ gbakã wajuɛ í kpaasi, nɔ zigiida í jɔ̀ lasabuɛ ŋa í fɔtɔtɔ. Ikɔ̃i bũuɛ ŋa mɔ à sesi, nɔ ilugũɛ ŋa mɔ à waa cã si njɛ.

Amɔsu 2:9

Si waju nŋɛi ǹ ce nfei inɛi Amɔre ŋa iyi kugboka nŋa í yɛ bɛi jĩi ndii sɛɛdi nɔ gbugbã nŋa í yɛ bɛi jĩi ndii sɛni. Ǹ ce nfei iso nŋa lele do icã nŋa mɔ si ilɛ.

Kuka 13:29

Inɛi Amalɛki ŋai à wa si ilɛu do ikpa awɔ njɛi kpãai inunu. Inɛi Hɛti ŋa mɔ, do inɛi Zebusi ŋa do inɛi Amɔre ŋa aŋai à wa ilui iri kuta ŋau. Inɛi Kanaã ŋa mɔi à wa kɔkɔi tenkuu do itĩi idoi Zuudɛ̃ɛu.

Zozue 17:12

Amma inɛi Manasee ŋau a kù yɔkɔ a kù lele inɛi ilu ŋau bɛ. Inɛi Kanaã ŋau à kɔ̀ à waa wɛɛ nŋa.

Zozue 17:18

Amma iri kutaui á na ku jɛ tu ŋɛ má, domi baa do iyi í nɛ agbo fei, aa daa ŋa nɔ bantumaɛ ku jɛ tu ŋɛ. Nɔ i lele inɛi Kanaã ŋau ŋa baa do iyi à nɛ gbugbã nɔ à nɛ sarɛtii igũ iyi à ce do isɔu.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.

Zozue 3:16

ŋɔi kucãi inyiu í da hai bii à wau í nɛ hee jĩijĩ kɔkɔi ilu gɔ iyi à ya kpe Adamu iyi í wa kɔkɔi Zaataniu. Inyi kãma kù cã kù waa bɔ ikpa bi Tenku ku da Imuu má, nɔ inɛ ŋau à kua idoi Zuudɛ̃ɛu si tengii Zeriko suusuu.

Zozue 3:17

Woo wee ŋa iyi à waa so kpakoi akabuui Aɔ̃ Lafɛ̃ɛu à waa leekĩi si ilɛ ngbɛ si aninii idoi Zuudɛ̃ɛu, nɔ inɛi Izirɛli ŋau à waa nɛ si ilɛ ngbɛ hee aŋa fei à koo à kua à tãò.

Kuyɛi Zãa 18:10

Aa leekĩ a jĩòɛ si na iyi í jɔ̀ à waa ce njoi ijuukpã iyi í baa, nɔ aa ni, waiyooi, waiyooi, Babilɔni ilu nla ilu gbugbã, si isɔ akãi kiiti í jɛɛ.

Woo kiiti ŋa 1:1

Si anyii ikui Zozue, inɛi Izirɛli ŋau à bee Aɔ̃ Lafɛ̃ɛ à ni, si inɔi dimi ikã ikã nwa ŋau dimi yoomai á tako ku koo si inɛi Kanaã ŋau.

Woo kiiti ŋa 11:23

Aɔ̃ Lafɛ̃ɛi Izirɛlii í jɔ̀ à gba ilɛi inɛi Amɔre ŋau nɔ awɔ ì waa bi i gbaa si wa?

Woo kiiti ŋa 3:3

Inɛ ŋa iyi à gbe si ilɛu, ilaalu miiui inɛi Filisi ŋaui do inɛi Kanaã ŋau fei do inɛi Sidɔ̃ɔ ŋa do inɛi Hɛvi ŋa iyi à wa bi iri kutai Libãau, hai bi iri kutai Baali-Hɛɛmɔɔu hee ku bɔ Lebo-Amati.

Woo kiiti ŋa 4:2

Nɔ Aɔ̃ Lafɛ̃ɛ í jɔ̀ à dasi awɔi Yabɛ̃ɛ ilaalui Kanaã gɔ iyi kabai bommaɛ í wa Hasɔɔ. Siserai í jɛ inɛ ngboi soogeɛ ŋa nɔ í wai Harosɛti-Goimu.

Samuɛli 1, 25:37

Amma iyi iju í má atɛ̃u í fo siɛ, ŋɔi Abigali aboɛ í naa í sɔ̃ɔ ide ŋa iyi í ce fei. Ŋɔi ideu í gũu hee í kasãm.