Zozue 4:9 - Bibeli do fee

⁹ Nɔ Zozue í jɔ̀ à jilɛ kuta maateeji mmuɛ ŋa má si aninii idoi Zuudɛ̃ɛu tengi bii woo wee ŋa iyi à waa so kpakou à jilɛ kutɛ nŋa ŋa. Nɔ baa nnyi kuta ŋau à wa bɛ.

Zozue 4:9 Iomraidhean Croise

Kusintii Andunya 26:33

Nɔ Izaaki í sɔ lɔgɔu Sibea, waatɔ kugbasi. Na ŋɔi í jɔ̀ baa nnyi à waa kpe iluu Bɛɛseba, waatɔ lɔgɔi kugbasi.

Kusintii Andunya 28:18

Ŋɔi Zakɔbu í dede daadaakɔ í so kuta iyi í lesi iriu, í lɔɔ ilɛ bɛ, nɔ í nikã ikpo si antaiɛ.

Samuɛli 2, 4:3

Wee à waa ka ilui Berɔti mɔi si ilɛi dimii Bɛnzamɛɛ si na iyi í jɔ̀ inɛ ŋa iyi à tako à wa bɛ ŋau à sa à nɛ ilui Gitaimu tengi bii tɔku nŋa ŋa à wa hee ku baa nnyi.

Ilaalu 1, 18:31

Í so kuta maateeji zaka bɛi dimii amai Zakɔbu ŋau í to, nŋu iyi Aɔ̃ Lafɛ̃ɛ í weea í ni, Izirɛlii á jɛ iriɛ.

Bomma 2, 5:9

Kusɔi jĩi ŋau í jɔ̀ à ya maa yɛ ŋa wa hai ile kumá iyi í wa wajui ile iyi í má í reu. Amma a kaa yɔɔ wa hai waduude. Nɔ à wa bɛ hee ku baa nnyi.

Kufita 24:12

Si anyiɛ nɔ Aɔ̃ Lafɛ̃ɛ í sɔ̃ Moizi má í ni, gũ i naa wa bi tom si antaii iri kutau ihɛ̃ nɔ i leekĩ bɛ. An naɛ kuta ku munga anu minji gɔ ŋa si bii ǹ kɔ wooda ŋau ku ba a kɔ inɛ ŋau si.

Kufita 28:21

Kutau maateejii á jɛ bɛi kukpɔi amai Izirɛli ŋau í to. Kuta akã fei aa kɔsi irii dimii Izirɛli akãi. Aa jɔ̀ a cooi bɛi inɛ ŋa à ya gbe mii ku ce sɛɛda.

Matie 27:8

Na ŋɔi í jɔ̀ à ya kpe ikou ikoi njɛ baa nnyi.

Matie 28:15

Sooge ŋau à gba fiau nɔ à ce bɛi à tɔɔ ŋau. Ŋɔi í jɔ̀ ideu í fangaa si inɔi Zuifu ŋa hee do nnyi fei.

Wooda ku kɔsi 34:6

Aɔ̃ Lafɛ̃ɛ takaɛi í suu si lɔɔmai Moabu gɔ si tengii Bɛti-Peɔɔ suusuu. Inɛ kãma kù mà dee dee tengi bii balɛɛu í wa hee ku baa nnyi.

Zozue 24:26

Nɔ Zozue í kɔ ide ŋau si tiai woodai Ilaaɔ̃. Si anyiɛ nɔ í so kuta nla nla gɔ í gũu si abɛi jĩi ndii sɛni iyi í wa si bantumai ile kumái Aɔ̃ Lafɛ̃ɛu.

Zozue 4:10

Woo wee ŋa iyi à waa so kpakoi akabuuu à leekĩ si aninii idoi Zuudɛ̃ɛu hee ide iyi Aɔ̃ Lafɛ̃ɛ í ni Zozue ku sɔ̃ inɛ ŋau fei í ce mam mam, si bɛi Moizi í tako í sɔ̃ Zozue fei. Nɔ inɛ ŋau à ce saasa à kua idou.

Woo kiiti ŋa 1:26

Nɔ inɛɛu í nɛ ilɛi inɛi Hɛti ŋa í koo í ce ilu bɛ, nɔ í sɔɔ Luzi, nɔ bɛɛbɛ mɔi à ya kpoo hee ku baa nnyi.

Samuɛli 1, 30:25

Nɔ bɛɛbɛi à ya maa ce hai ajɔ nŋu bɛ hee ku baa nnyi. Nɔ iyi bɛ í baa í jɛ woodai inɛi Izirɛli ŋa.

Samuɛli 1, 7:12

Ŋɔi Samuɛli í so kuta gɔ í jilɔɔ aninii Misipa do Seni nɔ í sɔɔ Ebenezɛɛ, waatɔ kutai sobi, nɔ í ni, hee ku naa tengi ihɛ̃, Aɔ̃ Lafɛ̃ɛ í sobi wa.