Zozue 4:7 - Bibeli do fee

⁷ i jɛ nŋa ŋa i ni, inyii idoi Zuudɛ̃ɛ í da si wajui kpakoi akabuui Aɔ̃ Lafɛ̃ɛu waati iyi à waa kua. Nɔ kuta ŋau ihɛ̃i aa jɔ̀ ka maa ye gigii mii iyi í ce ajɔ nŋu hee do ajɔ fei.

Zozue 4:7 Iomraidhean Croise

Iri ku kɔ̃ 111:4

Í bi a ya maa ye gigii maamaake ŋa iyi í ce. Aɔ̃ Lafɛ̃ɛ í ya cea inɛ didɔ̃ nɔ í nɛ araare.

Kufita 12:14

Na nŋu, i ya ye gigii ajɔu ihɛ̃ ŋa nɔ i ya jɛ jingau i jirimam do ŋa, amu Aɔ̃ Lafɛ̃ɛ. Jingau bɛi á jɛa iŋɛ do ama nŋɛ ŋa wooda iyi aa maa too si ŋa adɔ̃ do adɔ̃ hee do ajɔ fei.

Kufita 28:12

nɔ aa másii si kɔngɔi ibɔi efoduu ku ba iri nŋa ku maa wa si kɔngɔi ibɔi Arɔ̃ɔ nɔ n maa n ye gigi nŋa waati kãma fei.

Kufita 30:16

Fia iyi à gba hai si awɔi inɛi Izirɛli ŋau fei, nŋui aa ceò icɛi ile bi kukou. Si bɛɛbɛi amu Aɔ̃ Lafɛ̃ɛ an maa n yeò gigii inɛi Izirɛli ŋa nɔ n maa n mu kuwɛɛ nŋa.

Ezai 66:3

Amma bii inɛ ŋa à waa ce kuwee, kɛtɛ komboi à ya saka, nɔ à ya kpa amanɛ mɔ má. Inɛ iyi wa ce kuwee do angudã walakɔ do iwo, í ya lɛgɛ kpakɔi aja mɔ má. Inɛ iyi wa ce kuwee do iyafũ, í ya kooò njɛi kuusɔɔ mɔ má. Inɛ iyi wa ce kuwee do tuae iyi í jɛ ti gigi ku ye, í ya maa weea iwɛ̃ ŋai. Inɛ ŋau bɛ fei, à cica kpãa nŋai, nɔ à ya nɛ inɔ didɔ̃i si laalɔ nŋau.

Kuka 17:5

Iyi bɛi á maa ye inɛi Izirɛli ŋa gigi a ba a mà iyi inɛ mmu kãma iyi kù jɛ tɔkui Arɔ̃ɔ kù nɛ kpãai koo jo tuae si wajui Aɔ̃ Lafɛ̃ɛ. Inɛ iyi í nɔ í coo fei, dimii mii iyi í ba Kore do inɛi anyiɛ ŋau, dimi nŋui á ba lafɛ̃ɛ mɔ, si bɛi Aɔ̃ Lafɛ̃ɛ í tako í jilɔɔ si Arɔ̃ɔ wo na saabui Moizi.

Kɔrɛnti 1, 11:24

í saabu Ilaaɔ̃, nɔ í bububuɛ. Nɔ í ni, iyi ihɛ̃i í jɛ aram iyi ǹ na na iri nŋɛ. I ya ce iyi ihɛ̃ i maa yeò gigim ŋa.

Wooda ku kɔsi 16:3

Si waatii jingauu, i maà jɛ sɔnda iyi í nɛ levɛ̃ɛ ŋa. Si ajɔ mɛɛjeu, sɔnda iyi aa jɛ ŋa kãma ku maà nɛ levɛ̃ɛ. Iyi bɛi á ye ŋɛ gigii yaase bɛi ì fitaò wa hai ilɛi Ezibiti do saasa ŋa. Waati iyi ì waa jɛ pɛ̃ɛi wahalau bɛ ŋa, waati bɛɛbɛ aa ya ye gigii ajɔ iyi ì fita wa hai ilɛi Ezibitiu ŋai si kuwɛɛ nŋɛ fei.

Zozue 4:6

Kuta ŋau bɛi aa jɛ nyinda si anini nŋɛ. Bii ama nŋɛ ŋa à na à waa bee ŋɛ à waa ni, mii kuta ŋau bɛ à jɛ nŋɛ,