Zozue 4:24 - Bibeli do fee

²⁴ Í ce bɛɛbɛi ku ba inɛi andunya fei ku mà bɛi gbugbãɛ í la í to, nɔ iŋɛ taka nŋɛ i ya maa jirimaɛ ŋa hee do ajɔ fei.

Zozue 4:24 Iomraidhean Croise

Ilaalu 1, 8:40

Do yaase bɛɛbɛ, aa maa jirimaɛi si kuwɛɛ nŋa fei si ilɛ iyi ì mua bala nwa ŋa.

Ilaalu 1, 8:60

Nɔ inɛi andunya fei ku mà iyi Aɔ̃ Lafɛ̃ɛ nŋu akãi í jɛ Ilaaɔ̃, nɔ mmuɛ gɔ kù wɛɛ má.

Ilaalu 2, 19:19

Amma awɔ Aɔ̃ Lafɛ̃ɛ nwa, faaba wa bɛbɛi hai si awɔi Senakeribu. Do yaase bɛɛbɛ, si bommai andunya ŋau fei, Aɔ̃ Lafɛ̃ɛ, inɛ ŋa aa mà iyi awɔ akãi ì jɛ Ilaaɔ̃.

Ilaalu 2, 5:15

Ŋɔi Naama í nyi wa bi waliiu nŋu do inɛ ŋa iyi à waa tooɛ ŋau fei. Iyi í to wa, ŋɔi í koo í leekĩ wajuɛ nɔ í ni, bɛbɛi ǹ mà iyi iwɛ̃ kãma gɔ kù nɛ gbugbã bɛi Ilaaɔ̃ Lafɛ̃ɛi inɛi Izirɛli ŋa iyi í wa ilɛi Izirɛli. Nsɛi, ǹ wa n tɔɔɛi, i gba amua iyi ǹ wa n naɛ.

Bomma 1, 29:12

Hai bi tɛɛi amani do amboe wa naa. Awɔi ì kãmia mii fei. Si awɔɛi gbugbã fei í wa. Awɔɛi í ya jɔ̀ inɛ ku la nɔ ku nɛ gbugbã.

Zɔɔbu 40:9

Gbugbãɛ í to ti amu Ilaaɔ̃i? Imuɛ á yɔkɔ ku to titom?

Iri ku kɔ̃ 106:8

Amma í faaba ŋai na bɛɛrɛi nŋu takaɛ, ku ba ku nyisiò gbugbãɛ.

Iri ku kɔ̃ 89:13

Awɔi ì ce awɔ njɛi kpãai inunu do awɔ cangai kpãai inunu. Iri kutai Tabɔɔ do Hɛɛmɔɔ, à waa saabuɛ.

Iri ku kɔ̃ 89:7

Yooi í wa lele iyi aa wãò Aɔ̃ Lafɛ̃ɛ. Si inɔi inɛi lele ŋa, yooi aa wãò Aɔ̃ Lafɛ̃ɛ.

Kufita 14:31

Nɔ inɛi Izirɛli ŋa à yɛ yaase bɛi Aɔ̃ Lafɛ̃ɛ í nyaò aŋa hai si awɔi inɛi Ezibiti ŋau do gbugbãɛ. Nŋui í jɔ̀ à waa jirimaɛ nɔ à dasiɛ naanɛ, nŋu do Moizi woo ce icɛɛ.

Kufita 15:16

Njo nla nla í mu ŋa. Na gbugbãi awɔɛi njo í jɔ̀ à yɛ bɛi wɛɛgɛ hee inɛɛ ŋa à lɔ, aŋa iyi ì ra a jɛ tɛɛ.

Kufita 20:20

Ŋɔi Moizi í jɛ nŋa í ni, i maà jɔ̀ njo ku mu ŋɛ. Ilaaɔ̃ í naai ku cɔ laakai nŋɛ nɔ í bi i mà bɛɛrɛi nŋu ŋa ku ba i maà ya ce dulum ŋa.

Kufita 9:16

Amma ǹ jɔ̀ í wɛɛi ku ba ku yɛ gbugbãm nɔ inɛ ŋa a kpe irim si andunya fei.

Ezai 52:10

Aɔ̃ Lafɛ̃ɛ í nyisi gbugbãɛ si ijui inɛi ilɛ ŋau fei. Nɔ hee ku bɔ kɔɔi andunya fei, inɛ ŋa aa yɛ faaba iyi Aɔ̃ Lafɛ̃ɛ nwa í naaò wa.

Zeremi 32:40

An dĩ akabuu iyi kù nɛ ku tã do aŋa, n kaa n fũsi ŋa awɔ má. Jiidai an maa n ce nŋa. An jɔ̀ a maa jirimam nɔ a maà jĩim má.

Wooda ku kɔsi 28:10

Inɛi ilɛ mmu ŋa fei aa yɔɔ iyi à nya ŋɛ ikãi na icɛi Aɔ̃ Lafɛ̃ɛ, nɔ aa maa ce njo nŋɛ.

Wooda ku kɔsi 6:2

Do yaase bɛɛbɛi si kuwɛɛ nŋɛ fei aa jirimaò Aɔ̃ Lafɛ̃ɛ nŋɛ nɔ i ceò wooda ikã ikãɛ ŋa iyi ǹ na ŋɛu icɛ ŋa, iŋɛ do ama nŋɛ ŋa do tɔku nŋɛ ŋa ku ba hunde nŋɛ ku sɔ.

Samuɛli 1, 17:46

Nnyi mɔm Aɔ̃ Lafɛ̃ɛ á soɛ ku daam si awɔ, an kpaɛ nɔ n bu iriɛ. Nnyi an so ikui inɛi Filisi ŋa n na yɛi ŋa do mɛɛmui sako ŋa a jɛ. Nɔ inɛi andunya fei a mà iyi Ilaaɔ̃ í wɛɛ do inɛi Izirɛli ŋa.