Zozue 4:10 - Bibeli do fee

¹⁰ Woo wee ŋa iyi à waa so kpakoi akabuuu à leekĩ si aninii idoi Zuudɛ̃ɛu hee ide iyi Aɔ̃ Lafɛ̃ɛ í ni Zozue ku sɔ̃ inɛ ŋau fei í ce mam mam, si bɛi Moizi í tako í sɔ̃ Zozue fei. Nɔ inɛ ŋau à ce saasa à kua idou.

Zozue 4:10 Iomraidhean Croise

Iri ku kɔ̃ 119:60

Ǹ wa n saasa, n ci ya n ce atafii si woodaɛ ŋa ku jirima.

Kufita 12:39

À so iyafũi pɛ̃ɛ iyi à kpo hai ilɛi Ezibitiu à koo à sɔ̃ò pɛ̃ɛ hai nɛ levɛ̃ɛ, domi à lele ŋai hai ilɛu. A kù ba faya a degbeò pɛ̃ɛu ku dede nɔ a kù ba a kù so kosĩa nŋa ŋa.

Mɔnda ŋa 27:1

Maà maa tɔɔ fufu do mii iyi aa ce ala, domi i kù mà baa mii iyi á ce nnyi.

Woo lasabu 9:10

Nɔ mii iyi ì nɛ ku ce fei, coo do gbugbãɛ, domi icɛ do lasabu ku ce si ngɔgɔ do kumà do bisi kãma kaa wɛɛ bi kuwai iku ŋa tengi bii ì waa bɔ.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Kɔrɛnti 2, 6:2

Si tiai idei Ilaaɔ̃ à kɔɔ à ni, Ilaaɔ̃ í ni, ǹ gbɔ kutɔɔɛ nɔ ǹ jɛɛ si waati jiida. Ǹ sobiɛ si ajɔi faaba. To, nsɛii í jɛ waati jiidau, nnyii ajɔi faaba.

Wooda ku kɔsi 31:9

Ŋɔi Moizi í kɔ woodai Aɔ̃ Lafɛ̃ɛu nɔ í so í na woo wee ŋa do inɛ ngboi Izirɛli ŋau. Woo wee ŋau tɔkui Levii ŋai nɔ aŋai à jɛ woo so kpakoi akabuui Aɔ̃ Lafɛ̃ɛu.

Zozue 24:11

Si anyiɛ nɔ ì kua idoi Zuudɛ̃ɛu ì bɔ hee ilui Zeriko ŋa. Nɔ iŋɛò inɛi Zeriko ŋau ì ja ŋa. Bɛɛbɛ mɔi inɛi Amɔre ŋa do inɛi Ferɛzi ŋa do inɛi Kanaã ŋa do inɛi Hɛti ŋa do inɛi Girigasi ŋa do inɛi Hɛvi ŋa do inɛi Zebusi ŋa aŋa mɔ à ba ŋɛ ku ja. Nɔ Aɔ̃ Lafɛ̃ɛ í jɔ̀ ì jɛ aŋa fei igũ ŋa.

Zozue 3:13

Hai inɛ ŋa iyi à waa so kpakoi akabuui Aɔ̃ Lafɛ̃ɛu à lesi kutɛ nŋa ŋa si inɔ inyii idoi Zuudɛ̃ɛu gbakã, kucãi inyiu á dai, nɔ ku leekĩ ku tɔtɔɔ cingaa akã.

Zozue 4:11

Iyi inɛ fei í kua icei idou do ikpa ihɔ̃ í tã, ŋɔi Aɔ̃ Lafɛ̃ɛ í sɔ̃ Zozue í ni ku sɔ̃ woo wee ŋa iyi à waa so kpakoi akabuuu a fita wa hai inɔ idou. Nɔ Zozue í sɔ̃ ŋa í ni a fita wa hai inɔ idou. Nɔ à fita. Iyi à fita wa hai inɔ idou à naa à waa leekĩ ice si ilɛ ngbɛ, inyii idou í baa si agbɛɛ, nɔ í kɔ̃ wa cã bɛi tako má. Nɔ woo wee ŋau à so kpakoi akabuuu à waa lɔò si wajui zamaau. Inɛi Rubɛ̃ɛ ŋa do inɛi Gadi ŋa do dimi bubui Manasee ŋau mɔ à bɛi à lɔ do jĩnɛi igũ ŋa si wajui inɛi Izirɛli ŋau si bɛi Moizi í tako í sɔ̃ ŋa wo. Zakai amanɛ dubu ciijii (40.000) wa mu jĩnɛi igũ nɔ à tã sɔɔlu a ja igũ. Wajui Aɔ̃ Lafɛ̃ɛ bɛi aŋa mɔ à too à waa nɛ ikpa lɔɔmai Zerikou. Ajɔ nŋu bɛi Ilaaɔ̃ í jɔ̀ inɛi Izirɛli ŋau fei à mà bɛɛrɛi Zozue, nɔ à waa jirimaɛ bɛi à tako à jirima Moizi wo si kuwɛɛɛ fei.

Zozue 4:9

Nɔ Zozue í jɔ̀ à jilɛ kuta maateeji mmuɛ ŋa má si aninii idoi Zuudɛ̃ɛu tengi bii woo wee ŋa iyi à waa so kpakou à jilɛ kutɛ nŋa ŋa. Nɔ baa nnyi kuta ŋau à wa bɛ.