Zozue 3:5 - Bibeli do fee

⁵ Ŋɔi Zozue í sɔ̃ inɛ ŋau í ni, i jɔ̀ i ce buki iyi á jɔ̀ i maaju ŋa, domi ala Aɔ̃ Lafɛ̃ɛ á ce maamaake ŋa si anini nŋɛ.

Zozue 3:5 Iomraidhean Croise

Zɔɔbu 1:5

Nɔ waati iyi à jɛ jingau nŋa à tã fei, Zɔɔbu í ya bɛ inɛ gɔi koo kpe amu ŋau wa ku ba ku ce buki ku nyaò riisi nŋa. Í ya dedei daadaakɔ ku cea inɛ akã nŋa fei kuwee iyi à ya jo si ina fei sãa sãa ku kpa idei dulum du ŋa, domi Zɔɔbu í ya fɔi si inɔɛ ku maa ni, á yɔkɔ ku jɛ amam ŋau à ce dulum à bu Ilaaɔ̃ si idɔ nŋa waatii jingau nŋa. Nɔ bɛɛbɛi Zɔɔbu í ya maa ce waati kãma fei.

Iri ku kɔ̃ 77:15

Awɔi ì jɛ Ilaaɔ̃ iyi í ya ce maamaake. Ì jɔ̀ inɛi andunya ŋa à mà gbugbãɛ.

Iri ku kɔ̃ 86:10

Ntɔ ntɔ, awɔ akãi ì jɛ Ilaaɔ̃ iyi í la, nɔ awɔi ì ya ce maamaake ŋa.

Zoɛli 2:16

I kpe zamaai iluu i ce kutɔtɔɔ nla nla ŋa. I tɔtɔɔ inɛ ngbo ŋa do ama keeke ŋa, hee do ama ku mɔmɔ ŋa fei. Mɔkɔ titɔ̃ ku fita wa hai inɔ ileɛ, nɔ abo titɔ̃ mɔ ku fita wa hai si ilei acɔɛ.

Kuwee 10:3

Ŋɔi Moizi í sɔ̃ Arɔ̃ɔ í ni, bɛɛbɛi Aɔ̃ Lafɛ̃ɛ í fɔ si waati iyi í ni, ǹ bi inɛ ŋa iyi à waa sɛkɛɛ sim wa ku ba a ceem kuwee a mà iyi amu inɛ kumái, nɔ a ya naa do jirima, nɔ a ya jɔ̀ zamaau fei ku mà bɛɛrɛm. Ŋɔi Arɔ̃ɔ wa coko.

Kuwee 20:7

I nya ara nŋɛ ikã ku ba i jɛ inɛ kumá ŋa, domi amui ǹ jɛ Aɔ̃ Lafɛ̃ɛ nŋɛ.

Kuka 11:8

Inɛ ŋau à ya fangaai à bɔ ku tasi wa. À ya lɔlɔɛi, walakɔ à tutuɛ si ido. À ya kaai si caka nɔ à ce kaaɛ. Bii inɛ í tiɛɛ í ya yɛi bɛi kaa iyi à sɔ̃ si ikpo.

Laabaau jiida iyi Zãa í kɔ 17:19

Na iri nŋai ǹ so aram ǹ naɛ ku ba aŋa mɔ a jɛ titɛɛ mam mam.

Zozue 3:13

Hai inɛ ŋa iyi à waa so kpakoi akabuui Aɔ̃ Lafɛ̃ɛu à lesi kutɛ nŋa ŋa si inɔ inyii idoi Zuudɛ̃ɛu gbakã, kucãi inyiu á dai, nɔ ku leekĩ ku tɔtɔɔ cingaa akã.

Zozue 3:15

Wee waatii amaajɛ ŋa ku dai. Si waati bɛɛbɛi idoi Zuudɛ̃ɛu í ya kɔ̃ hee ku nikã wa itĩɛ ŋa. Iyi woo wee ŋau à to bɛ à lesi kutɛ nŋa ŋa si inɔ inyiu,

Zozue 3:4

Si bɛɛbɛi aa mà kpãa iyi aa too ŋa domi i kù too bɛ ŋa ajɔ kãma. Amma i jɔ̀ i jĩò kpakou ŋa zakai agbãawɔ dubu minji, i maà ti i má kɔkɔɛ ŋa.

Zozue 3:6

Nɔ Zozue í sɔ̃ woo wee ŋau í ni a so kpakoi akabuui Aɔ̃ Lafɛ̃ɛu nɔ a nɛ a maa cuaa inɛ ŋau. Bɛɛbɛ mɔi inɛ ŋau à ce. À so kpakoi akabuuu nɔ à nɛ à waa cuaa zamaau.

Zozue 7:13

Nsɛi, dede i koo i cea inɛ ŋau sɔɔlu a naa a kom ala. Sɔ̃ ŋa i ni a ce buki iyi á jɔ̀ a maaju, domi amu Aɔ̃ Lafɛ̃ɛi inɛi Izirɛli ŋa ǹ sɔ̃ ŋa ǹ ni à so mii ŋa iyi ǹ ganji ŋa si ku so. Na ŋɔi í jɔ̀ a kaa yɔkɔ a leekĩ si wajui mbɛɛ nŋa ŋa, í gbe hee bii à fũsi mii ŋau awɔ.

Samuɛli 1, 16:5

Nɔ í ni, oo. Ǹ naa ku cea Aɔ̃ Lafɛ̃ɛ kuweei. I wɛ ku ba i má ŋa nɔ i naa wa do amu ajɔ káa ce kuweeu. Nɔ í sɔ̃ Izai do amaɛ ŋa mɔ í ni a wɛ ku ba a má a bɛi a naa bi kuweeu.