Zozue 3:3 - Bibeli do fee

³ à sɔ̃ ŋa à ni, waati iyi aa yɛ inɛi Levii woo wee ŋau à waa so kpakoi akabuui Aɔ̃ Lafɛ̃ɛ nŋɛu, i dede hai bii ì wau nɔ i too ŋa ŋa.

Zozue 3:3 Iomraidhean Croise

Samuɛli 2, 6:13

Iyi woo so kpako ŋau à nɛ agbãasɛ mɛɛfa, ŋɔi Davidi í jɔ̀ à ce kuwee do kɛtɛ kombo akã do ama kɛtɛ ku dɔ̃ ala gɔ.

Samuɛli 2, 6:3

Nɔ à koo à so kpakou wa do sarɛti titɔ̃ hai inɔ kpasɛ̃i Abinadabu iyi í wa si antaii geeteu. Nɔ Uza do Ahiyo, amai Abinadabu ŋau à waa mu imɔi kɛtɛ ŋau à waa nɛò.

Ilaalu 1, 8:3

Iyi inɛ ngboi Izirɛli ŋau fei à to wa, ŋɔi woo wee ŋau à so kpakou.

Zeremi 33:18

Inɛi Levii woo wee ŋau a kaa kua inɛ ŋa iyi aa ya sãsi agbɛ nŋa iyi aa maa ce kuwee iyi à ya jo si ina fei sãa sãa si wajum nɔu ajɔ kãma. Nɔ a kaa kua inɛ ŋa iyi aa ya jo tuae ku dɔ̃ inunu ŋa do amua ŋa, nɔ aa ya ce kuwee ti ajɔ feiui.

Kuka 10:33

Ŋɔi inɛi Izirɛli ŋau à nɛ hai iri kutai Aɔ̃ Lafɛ̃ɛu nɔ à ce isɛɛnɛ zakai ajɔ mɛɛta, nɔ kpakoi akabuui Aɔ̃ Lafɛ̃ɛu í wa do waju nŋa ku ba ku jɔ̀ a mà tengi bii aa buba.

Kuka 4:15

Waati iyi Arɔ̃ɔ do amaɛ ŋau à bii ile bi kukou do jĩnɛ ŋa iyi à wa inɔɛ ŋau à tã, amai Kehati ŋai aa naa a soo bii à waa nɛ hai bii à ce asɔu, amma a kaa lu mii iyi à nya ikã ŋau kãma do awɔ, ku ba a maà na a ku. Aso ku sou bɛi í jɛ icɛi amai Kehati ŋau si ile bi kukou.

Matie 16:24

Si anyii nŋu Jesu í sɔ̃ mɔcɔɛ ŋa í ni, inɛ iyi wa bi ku toom, ku jɔ̀ idɔɔbiɛ nɔ ku so jĩi ku gaauɛ ku toom wa.

Matie 8:19

Hee a maa nɛ ŋɔi woo kɔ inɛ ŋa si wooda gɔ í naa bi tɛɛ nɔ í ni, Mɛɛtu, an tooɛ bii ì waa bɔ fei.

Wooda ku kɔsi 31:25

waati bɛɛbɛi í ba inɛi Levii ŋa iyi à ya so kpakoi akabuui Aɔ̃ Lafɛ̃ɛu ide ku fɔ í na ŋa wooda í ni,

Wooda ku kɔsi 31:9

Ŋɔi Moizi í kɔ woodai Aɔ̃ Lafɛ̃ɛu nɔ í so í na woo wee ŋa do inɛ ngboi Izirɛli ŋau. Woo wee ŋau tɔkui Levii ŋai nɔ aŋai à jɛ woo so kpakoi akabuui Aɔ̃ Lafɛ̃ɛu.

Zozue 3:4

Si bɛɛbɛi aa mà kpãa iyi aa too ŋa domi i kù too bɛ ŋa ajɔ kãma. Amma i jɔ̀ i jĩò kpakou ŋa zakai agbãawɔ dubu minji, i maà ti i má kɔkɔɛ ŋa.

Zozue 3:6

Nɔ Zozue í sɔ̃ woo wee ŋau í ni a so kpakoi akabuui Aɔ̃ Lafɛ̃ɛu nɔ a nɛ a maa cuaa inɛ ŋau. Bɛɛbɛ mɔi inɛ ŋau à ce. À so kpakoi akabuuu nɔ à nɛ à waa cuaa zamaau.

Zozue 3:8

Sɔ̃ woo wee ŋa iyi à waa so kpakoi akabuum nɔu i ni a leekĩ si inyii idoi Zuudɛ̃ɛu waati iyi à lɔ si inɔɛ.

Zozue 4:10

Woo wee ŋa iyi à waa so kpakoi akabuuu à leekĩ si aninii idoi Zuudɛ̃ɛu hee ide iyi Aɔ̃ Lafɛ̃ɛ í ni Zozue ku sɔ̃ inɛ ŋau fei í ce mam mam, si bɛi Moizi í tako í sɔ̃ Zozue fei. Nɔ inɛ ŋau à ce saasa à kua idou.

Zozue 6:6

Iyi Aɔ̃ Lafɛ̃ɛ í fɔ bɛɛbɛ í tã, ŋɔi Zozue í kpe woo wee ŋau í sɔ̃ ŋa í ni, i so kpakoi akabuui Aɔ̃ Lafɛ̃ɛu ŋa, nɔ si inɔ nŋɛ inɛ mɛɛjei á so kuu iyi à ce do ngoi angudã kombo a maa cuaa kpakoi akabuu.

Kuyɛi Zãa 14:4

Inɛ ŋau, a kù sũò inaabo. À mu ara nŋa a kù mà inaabo titã. À waa too ama angudãu bii wa bɔ fei. À yá ŋa hai si inɔi amanɛ ŋa. À yɛi bɛi amaajɛ sinte iyi à na Ilaaɔ̃ do ama angudãu.

Samuɛli 1, 6:15

Inɛi Levii ŋau à tako à nya kpakoi Aɔ̃ Lafɛ̃ɛu titã do ama kpakou à lesi antaii kuta nlau. Ajɔ nŋu bɛi inɛi Bɛti-Semɛsi ŋau à cea Aɔ̃ Lafɛ̃ɛ kuwee ŋa iyi à ya jo si ina fei sãa sãa do kuwee mmu ŋa má.