Zozue 3:17 - Bibeli do fee

¹⁷ Woo wee ŋa iyi à waa so kpakoi akabuui Aɔ̃ Lafɛ̃ɛu à waa leekĩi si ilɛ ngbɛ si aninii idoi Zuudɛ̃ɛu, nɔ inɛi Izirɛli ŋau à waa nɛ si ilɛ ngbɛ hee aŋa fei à koo à kua à tãò.

Zozue 3:17 Iomraidhean Croise

Ilaalu 2, 2:8

Ŋɔi Elii í bɔ kumbooɛ í kaa nɔ í cãò inyiu. Nɔ inyiu í kpɛ̃ cingaa do cingaa. Ŋɔi aŋa minji fei à kua idou si ilɛ ngbɛ.

Iri ku kɔ̃ 66:6

Í jɔ̀ tenku í kpɔò ilɛ ngbɛ, nɔ à kua ido nlau do kutɛ. Bɛi à nɛ siɛ inɔ didɔ̃ nla nla.

Kufita 14:21

Ŋɔi Moizi í tɛ awɔɛ si tenkuu. Nɔ Aɔ̃ Lafɛ̃ɛ í jɔ̀ fufu nla gɔ í ce wa hai nunui daakɔ idũu fei ku ba inyiu ku kpɛ̃ nɔ ilɛu ku gbɛ. Iyi inyiu í kpɛ̃

Kufita 14:22

ŋɔi inɛi Izirɛli ŋau à kua tenkuu si ilɛ ngbɛ. Do cingaa cingaa fei inyiu í cei bɛi idĩ.

Kufita 14:29

Amma waati iyi inɛi Izirɛli ŋa à tako à lɔ, si ilɛ ngbɛi à nɛ. Hai do awɔ njɛ do awɔ canga nŋa ŋa fei inyiu í cei bɛi idĩ.

Ezai 25:8

Á leekĩ iku mɔi hee do ajɔ fei. Ilaaɔ̃ Lafɛ̃ɛ á gbã cikãajui waju ŋa fei. Á jɔ̀ anyɔ ku fita hai si inɛɛ ŋai si andunyau fei. Aɔ̃ Lafɛ̃ɛi í fɔ bɛɛbɛ.

Kuka 33:51

sɔ̃ inɛi Izirɛli ŋau i ni, bii ì na ì kua idoi Zuudɛ̃ɛu ŋa, nɔ ì lɔ si ilɛi Kanaãu ŋa,

Ebɛɛ 11:29

Na naanɛ ku dasii, inɛi Izirɛli ŋa à kua Tenku Nkpau si ilɛ ngbɛ. Amma waati iyi inɛi Ezibiti ŋa à bi a ce bɛɛbɛ, inyi í jɛ ŋa.

Zozue 4:1

Waati iyi inɛ ŋau fei à kua idoi Zuudɛ̃ɛu à tã, Aɔ̃ Lafɛ̃ɛ í sɔ̃ Zozue í ni,

Zozue 4:10

Woo wee ŋa iyi à waa so kpakoi akabuuu à leekĩ si aninii idoi Zuudɛ̃ɛu hee ide iyi Aɔ̃ Lafɛ̃ɛ í ni Zozue ku sɔ̃ inɛ ŋau fei í ce mam mam, si bɛi Moizi í tako í sɔ̃ Zozue fei. Nɔ inɛ ŋau à ce saasa à kua idou.

Zozue 4:11

Iyi inɛ fei í kua icei idou do ikpa ihɔ̃ í tã, ŋɔi Aɔ̃ Lafɛ̃ɛ í sɔ̃ Zozue í ni ku sɔ̃ woo wee ŋa iyi à waa so kpakoi akabuuu a fita wa hai inɔ idou. Nɔ Zozue í sɔ̃ ŋa í ni a fita wa hai inɔ idou. Nɔ à fita. Iyi à fita wa hai inɔ idou à naa à waa leekĩ ice si ilɛ ngbɛ, inyii idou í baa si agbɛɛ, nɔ í kɔ̃ wa cã bɛi tako má. Nɔ woo wee ŋau à so kpakoi akabuuu à waa lɔò si wajui zamaau. Inɛi Rubɛ̃ɛ ŋa do inɛi Gadi ŋa do dimi bubui Manasee ŋau mɔ à bɛi à lɔ do jĩnɛi igũ ŋa si wajui inɛi Izirɛli ŋau si bɛi Moizi í tako í sɔ̃ ŋa wo. Zakai amanɛ dubu ciijii (40.000) wa mu jĩnɛi igũ nɔ à tã sɔɔlu a ja igũ. Wajui Aɔ̃ Lafɛ̃ɛ bɛi aŋa mɔ à too à waa nɛ ikpa lɔɔmai Zerikou. Ajɔ nŋu bɛi Ilaaɔ̃ í jɔ̀ inɛi Izirɛli ŋau fei à mà bɛɛrɛi Zozue, nɔ à waa jirimaɛ bɛi à tako à jirima Moizi wo si kuwɛɛɛ fei.

Zozue 4:22

aa sisi nŋa ŋai iyi kuta ŋau bɛ à waa ye inɛ ŋa gigii bɛi zamaai inɛi Izirɛli ŋa à kuaò idoi Zuudɛ̃ɛu wa si ilɛ ngbɛi.

Zozue 4:3

Nɔ i sɔ̃ ŋa i ni aŋa fei a so kuta akã akã wa hai si aninii idoi Zuudɛ̃ɛu tengi bii woo wee ŋau à leekĩ si ilɛ ngbɛu. Kuta maateeji ŋau aa nɛò ŋai tengi bii aa koo i sũ nnyi ŋa.

Zozue 5:1

Ilaalui inɛi Amɔre ŋa iyi à wa ikpa nunui alɛi idoi Zuudɛ̃ɛu do ilaalui inɛi Kanaã ŋa iyi à wa kɔkɔi tenkuu à gbɔ iyi Aɔ̃ Lafɛ̃ɛ í jɔ̀ inyii idoi Zuudɛ̃ɛu í gbɛ si wajui inɛi Izirɛli ŋa hee à kua. Ŋɔi njo í mu ŋa hee a kaa yɔkɔ a leekĩ si waju nŋa má.