Zozue 3:16 - Bibeli do fee

¹⁶ ŋɔi kucãi inyiu í da hai bii à wau í nɛ hee jĩijĩ kɔkɔi ilu gɔ iyi à ya kpe Adamu iyi í wa kɔkɔi Zaataniu. Inyi kãma kù cã kù waa bɔ ikpa bi Tenku ku da Imuu má, nɔ inɛ ŋau à kua idoi Zuudɛ̃ɛu si tengii Zeriko suusuu.

Zozue 3:16 Iomraidhean Croise

Kusintii Andunya 14:3

Inɛ miiu ŋau bɛ à tɔtɔɔ si angbɔɔ gɔ iyi à ya kpe Sidimu. Amma si nsɛi angbɔɔu mɔ í baa í jɛ Tenku ku da imu.

Ilaalu 1, 4:12

Baana amai Ahiludui í nɛ Taanaki do Mɛgido do ilɛi Bɛti-Seãa fei iyi í wa kɔkɔi Saatãa do ilɛ ilɛi Yizireɛli, hai Bɛti-Seãa wa hee ku bɔ Abɛli-Mehola, hee koo kua Yokimeamu.

Ilaalu 1, 7:46

Ilaaluu í jɔ̀ à yɔ isɔ ŋau wai hai lɔɔmai idoi Zuudɛ̃ɛ, si ilɛi amà gɔ si afei Sukɔtu do Saritãa.

Iri ku kɔ̃ 114:3

Ŋɔi tenku í yɔɔ nɔ í sa. Idoi Zuudɛ̃ɛ mɔ í nyi do anyi.

Iri ku kɔ̃ 114:5

Tenku, mii í ce ì waa sa. Idoi Zuudɛ̃ɛ, mii í jɔ̀ ì waa nyi do anyi.

Iri ku kɔ̃ 29:10

Aɔ̃ Lafɛ̃ɛ wa bubai si kitãi bommaɛ si waati iyi inyi nla í jɛ andunyau. Wa bubai bɛi ilaalu hee do ajɔ fei.

Iri ku kɔ̃ 33:7

Í jɔ̀ inyii ido nla ŋa à tɔtɔɔ inya akã. Nŋui wa gɛɛ inyii ido nla ŋa.

Iri ku kɔ̃ 66:6

Í jɔ̀ tenku í kpɔò ilɛ ngbɛ, nɔ à kua ido nlau do kutɛ. Bɛi à nɛ siɛ inɔ didɔ̃ nla nla.

Iri ku kɔ̃ 74:15

Awɔi ì jɔ̀ isɔ̃ ŋa à waa sɔ̃, nɔ ì jɔ̀ inyii ido nla ŋa iyi a ci ya gbɛ, à gbɛ.

Iri ku kɔ̃ 77:19

Si ibai kulai ijĩɛ si fufu nlau, kuŋɔi ijĩ ŋau à má inyai si andunya, nɔ ilɛ í yaya nla nla.

Iri ku kɔ̃ 78:13

Í kpɛ̃ inyii tenkuu, í jɔ̀ inyiu í ce bɛi idĩ nɔ í jɔ̀ à kua.

Kufita 14:21

Ŋɔi Moizi í tɛ awɔɛ si tenkuu. Nɔ Aɔ̃ Lafɛ̃ɛ í jɔ̀ fufu nla gɔ í ce wa hai nunui daakɔ idũu fei ku ba inyiu ku kpɛ̃ nɔ ilɛu ku gbɛ. Iyi inyiu í kpɛ̃

Kufita 14:22

ŋɔi inɛi Izirɛli ŋau à kua tenkuu si ilɛ ngbɛ. Do cingaa cingaa fei inyiu í cei bɛi idĩ.

Kufita 14:29

Amma waati iyi inɛi Izirɛli ŋa à tako à lɔ, si ilɛ ngbɛi à nɛ. Hai do awɔ njɛ do awɔ canga nŋa ŋa fei inyiu í cei bɛi idĩ.

Kufita 15:8

Do fufui imɔɛi ì tɔtɔɔ inyiu cingaa do cingaa, nɔ í nɛ sisima í ce bɛi idĩ.

Ezai 50:2

Waati iyi ǹ naa, na mii í jɔ̀ n kù yɛ inɛ kãma. Waati iyi ǹ kpe ŋɛ, na mii í jɔ̀ inɛ kãma kù jɛ. Awɔm í kandaa bɛi n kaa n yɔkɔ n faaba ŋɛi? Gbugbã wa gaiziam bɛi n kaa n yɔkɔ n faaba ŋɛ? Bii ǹ la si tenku, í to tenku ku gbɛ, nɔ ido nla ŋau mɔ a baa a kpɔò gbaa. Waati bɛɛbɛ, inyi á gaizia, nɔ cɛ̃ɛ ŋa aa ku do agbɛ, nɔ a sãmi.

Ezekiɛli 47:8

Ŋɔi inɛɛu í sɔ̃m í ni, inyiu ihɛ̃ wa bɔi do ikpa nunui daakɔi ilɛu nɔ wa dasi lɔɔmai Zuudɛ̃ɛu, í koo wa lɔ si Tenku ku da Imuu. Waati iyi í lɔ si inyii tenkuu í ya kpaasi inyiui ku baa ku jɛ jiida.

Nahumu 1:4

Aɔ̃ Lafɛ̃ɛ í ya la si inyii tenkui nɔ ku gbɛ. Í ya jɔ̀ inyii ido nla ŋa fei a gbɛi. Nɔ Basãa bi ku jɛi mɛɛmu ŋa do lɔɔmai Kaamɛli ŋau fei à ya gbɛi. Kokoi jĩi ndii Libãa ŋau fei à ya gbɛi.

Abakuku 3:8

Aɔ̃ Lafɛ̃ɛ, idɔɛ wa kɔ̃i si ido ŋa? Mà si inyii tenku ŋai ì waa ce idɔɔkɔ̃ waati iyi ì wa lele si antaii sarɛti ku ja igũ iyi acĩɛ ŋa à waa fa ku ba i jɛ igũ.

Kuka 34:3

Do ikpa awɔ cangai kpãai inunu, ilɛu á sintii hai gbaai Siniu kɔkɔi ilɛi Edɔmu, nɔ kɔɔi ilɛu á sinti má hai bi Tenku ku da Imu hee ku bɔ ikpa nunui daakɔ,

Wooda ku kɔsi 1:1

Tiau ihɛ̃ wa sisi nwa ide ŋa iyi Moizi í sɔ̃ inɛi Izirɛli ŋau fei do icei idoi Zuudɛ̃ɛu ikpa nunui daakɔ, si gbaa iyi í wa si lɔɔmau kɔkɔi Sufu si aninii Parãa do Tofɛli do Labãa do Haserɔti do Di-Zahabu.

Wooda ku kɔsi 3:17

Do nunui alɛ, kɔɔu í too lɔɔmai Zuudɛ̃ɛui hai tenku iyi à ya kpe Kinerɛti hee ku bɔ Tenku ku da Imuu nɔ í koo í faata si isɛi kutai Pisigaa ikpa nunui daakɔu.

Zozue 12:3

Nŋui í nyi í nɛ hai lɔɔmau má hee ku bɔ ikpa tenkui Kinerɔti do ikpa nunui daakɔu hee ku koo si Tenku ku da Imu iyi í wa kɔkɔi Bɛti-Yesimɔti, do ilɛ iyi í wa ikpa awɔ cangai kpãai inunu kɔkɔi iri kuta gɔ iyi à ya kpe Pisigaa.

Zozue 16:7

Hai bɛ nɔ í bɔ ikpa Atarɔti do Naara nɔ í koo í kãsi Zeriko nɔ í kpa iri idoi Zuudɛ̃ɛ.

Zozue 3:13

Hai inɛ ŋa iyi à waa so kpakoi akabuui Aɔ̃ Lafɛ̃ɛu à lesi kutɛ nŋa ŋa si inɔ inyii idoi Zuudɛ̃ɛu gbakã, kucãi inyiu á dai, nɔ ku leekĩ ku tɔtɔɔ cingaa akã.

Zozue 4:22

aa sisi nŋa ŋai iyi kuta ŋau bɛ à waa ye inɛ ŋa gigii bɛi zamaai inɛi Izirɛli ŋa à kuaò idoi Zuudɛ̃ɛu wa si ilɛ ngbɛi.

Zozue 5:1

Ilaalui inɛi Amɔre ŋa iyi à wa ikpa nunui alɛi idoi Zuudɛ̃ɛu do ilaalui inɛi Kanaã ŋa iyi à wa kɔkɔi tenkuu à gbɔ iyi Aɔ̃ Lafɛ̃ɛ í jɔ̀ inyii idoi Zuudɛ̃ɛu í gbɛ si wajui inɛi Izirɛli ŋa hee à kua. Ŋɔi njo í mu ŋa hee a kaa yɔkɔ a leekĩ si waju nŋa má.

Woo kiiti ŋa 7:22

Ŋɔi Zedeɔ̃ do inɛ cĩɔ mɛɛta ŋau à fã kuu nŋa ŋau má. Waati iyi à waa fã kuu nŋa ŋau, ŋɔi Aɔ̃ Lafɛ̃ɛ í jɔ̀ inɛi Madiãa ŋau à lɔsi njɛ ku kpa. Ŋɔi inɛ ŋa iyi à gbe ŋau à sa à nɛ hee Bɛti-Sita ikpa Serera hee kɔkɔi ilu iyi à ya kpe Abɛli-Mehola kɔkɔi ilui Tabati.