Zozue 3:14 - Bibeli do fee

¹⁴ Ŋɔi inɛ ŋau à dede à ka ilei acɔ nŋa ŋau à waa bɔ idoi Zuudɛ̃ɛu ku kua, nɔ woo wee ŋa iyi à waa so kpakoi akabuui Aɔ̃ Lafɛ̃ɛu à waa cua nŋa.

Zozue 3:14 Iomraidhean Croise

Iri ku kɔ̃ 132:8

Aɔ̃ Lafɛ̃ɛ, dede i naa si inyai bi kusĩmiɛu awɔ do kpakoi akabuuɛu, kpako si bii gbugbãɛ í wau.

Zeremi 3:16

Amu Aɔ̃ Lafɛ̃ɛ ǹ wa n fɔi ǹ ni, waati iyi aa bí ŋa nɔ akpɔ nŋɛ ku kɔ̃ɔsi si zamaai ilɛu bɛ ŋa, a kaa fɔ idei kpakoi akabuui amu Aɔ̃ Lafɛ̃ɛ má. Kaa nyi wa si lasabu nŋɛ má. A kaa ye gigiɛ má, nɔ a kaa mà baa mà kù wa bɛ má. Nɔ inɛ kãma kaa ce mmuɛ gɔ má.

Wooda ku kɔsi 31:26

i gba tiau ihɛ̃ ŋa si bii à kɔ woodai Aɔ̃ Lafɛ̃ɛu i jilɔɔ kɔkɔi kpakoi akabuui Aɔ̃ Lafɛ̃ɛ nŋɛu. Tengi bɛi á maa wa ku jɛ sɛɛda si gãmɛi inɛi Izirɛli ŋau.

Ebɛɛ 9:4

Bɛi bi kuwee iyi à ce do wura í wa, si antaiɛi à ya jo tuae. Bɛ mɔi kpakoi akabuui Ilaaɔ̃ í wa iyi à bii do wura. Si inɔ kpakoui, cakai wura í wa, bii à dasi mana. Nɔ si inɔ kpakou mɔi goloi Arɔ̃ɔ iyi Ilaaɔ̃ í jɔ̀ í da koko wo í wa, do kuta ku munga anu si bii à kɔ wooda.

Zozue 24:11

Si anyiɛ nɔ ì kua idoi Zuudɛ̃ɛu ì bɔ hee ilui Zeriko ŋa. Nɔ iŋɛò inɛi Zeriko ŋau ì ja ŋa. Bɛɛbɛ mɔi inɛi Amɔre ŋa do inɛi Ferɛzi ŋa do inɛi Kanaã ŋa do inɛi Hɛti ŋa do inɛi Girigasi ŋa do inɛi Hɛvi ŋa do inɛi Zebusi ŋa aŋa mɔ à ba ŋɛ ku ja. Nɔ Aɔ̃ Lafɛ̃ɛ í jɔ̀ ì jɛ aŋa fei igũ ŋa.

Zozue 3:3

à sɔ̃ ŋa à ni, waati iyi aa yɛ inɛi Levii woo wee ŋau à waa so kpakoi akabuui Aɔ̃ Lafɛ̃ɛ nŋɛu, i dede hai bii ì wau nɔ i too ŋa ŋa.

Zozue 3:6

Nɔ Zozue í sɔ̃ woo wee ŋau í ni a so kpakoi akabuui Aɔ̃ Lafɛ̃ɛu nɔ a nɛ a maa cuaa inɛ ŋau. Bɛɛbɛ mɔi inɛ ŋau à ce. À so kpakoi akabuuu nɔ à nɛ à waa cuaa zamaau.

Zozue 6:6

Iyi Aɔ̃ Lafɛ̃ɛ í fɔ bɛɛbɛ í tã, ŋɔi Zozue í kpe woo wee ŋau í sɔ̃ ŋa í ni, i so kpakoi akabuui Aɔ̃ Lafɛ̃ɛu ŋa, nɔ si inɔ nŋɛ inɛ mɛɛjei á so kuu iyi à ce do ngoi angudã kombo a maa cuaa kpakoi akabuu.