Zozue 3:13 - Bibeli do fee

¹³ Hai inɛ ŋa iyi à waa so kpakoi akabuui Aɔ̃ Lafɛ̃ɛu à lesi kutɛ nŋa ŋa si inɔ inyii idoi Zuudɛ̃ɛu gbakã, kucãi inyiu á dai, nɔ ku leekĩ ku tɔtɔɔ cingaa akã.

Zozue 3:13 Iomraidhean Croise

Bomma 1, 29:11

Aɔ̃ Lafɛ̃ɛ, awɔi ì la, ì nɛ gbugbã, ì nɛ bɛɛrɛ, ì nɛ amboe nɔ hai bi tɛɛi inya kumá wa naa, domi mii iyi í wa lele do ilɛ fei titɛɛi. Awɔi ì jɛ ilaalu, nɔ awɔi ì wa antaii mii fei.

Iri ku kɔ̃ 33:7

Í jɔ̀ inyii ido nla ŋa à tɔtɔɔ inya akã. Nŋui wa gɛɛ inyii ido nla ŋa.

Iri ku kɔ̃ 74:15

Awɔi ì jɔ̀ isɔ̃ ŋa à waa sɔ̃, nɔ ì jɔ̀ inyii ido nla ŋa iyi a ci ya gbɛ, à gbɛ.

Iri ku kɔ̃ 78:13

Í kpɛ̃ inyii tenkuu, í jɔ̀ inyiu í ce bɛi idĩ nɔ í jɔ̀ à kua.

Kufita 15:8

Do fufui imɔɛi ì tɔtɔɔ inyiu cingaa do cingaa, nɔ í nɛ sisima í ce bɛi idĩ.

Ezai 54:5

Ntɔ ntɔ, inɛ iyi í takaɛ, lafɛ̃ɛi í jɛ mɔkɔɛ. Iriɛi í jɛ Aɔ̃ Lafɛ̃ɛi lele do ilɛ. Nŋui í jɛ woo yaɛ, nɔ nŋui í jɛ Inɛ Kumái Izirɛli. Nŋui à ya kpe Ilaaɔ̃ Lafɛ̃ɛi ilɛu fei.

Abakuku 3:15

Aɔ̃ Lafɛ̃ɛ, ì waa nɛ si tenku do acĩɛ ŋa, nɔ inyi wa tãngãm.

Zakari 4:14

Nɔ í sisiim í ni, aŋai à jɛ amanɛ minji ŋa iyi Aɔ̃ Lafɛ̃ɛ í cica í nya ikã a cea nŋu icɛ, nŋu iyi í jɛ Lafɛ̃ɛi andunya fei.

Zozue 4:7

i jɛ nŋa ŋa i ni, inyii idoi Zuudɛ̃ɛ í da si wajui kpakoi akabuui Aɔ̃ Lafɛ̃ɛu waati iyi à waa kua. Nɔ kuta ŋau ihɛ̃i aa jɔ̀ ka maa ye gigii mii iyi í ce ajɔ nŋu hee do ajɔ fei.