Zozue 3:10 - Bibeli do fee

^10-11 Kpakoi akabuui Ilaaɔ̃ Lafɛ̃ɛi ilɛu fei wee á cua nŋɛ ku kua idoi Zuudɛ̃ɛu. Nŋu bɛi á jɔ̀ i mà kãm kãm ŋa iyi Ilaaɔ̃, nŋu iyi í jɛ icui kuwɛɛ, í wa anini nŋɛ, nɔ á lele inɛi Kanaã ŋa hai si waju nŋɛ, do inɛi Hɛti ŋa do inɛi Hɛvi ŋa do inɛi Ferɛzi ŋa do inɛi Girigasi ŋa do inɛi Amɔre ŋa do inɛi Zebusi ŋa.

Zozue 3:10 Iomraidhean Croise

Kusintii Andunya 15:21

do ti inɛi Amɔre ŋa do ti inɛi Kanaã ŋa do ti inɛi Girigasi ŋa do ti inɛi Zebusi ŋa.

Ilaalu 1, 22:28

Ŋɔi Misee í sɔ̃ɔ í ni, bii ì baa do laakai ku sũ, kù jɛ Aɔ̃ Lafɛ̃ɛi í ni n fɔ ideu. Nɔ Misee í ni má zamaa fei ku gbɔ ideu.

Ilaalu 2, 19:4

Á yɔkɔ ku jɛ Aɔ̃ Lafɛ̃ɛɛ á gbɔ ide ŋa iyi inɛ ngboi soogei Asiri ŋau wa fɔ, nŋu iyi ilaalui Asiri lafɛ̃ɛɛ í bɛ wa ku naa ku bu Aɔ̃ Lafɛ̃ɛ iyi í wɛɛu. Á yɔkɔ ku jɛ Aɔ̃ Lafɛ̃ɛɛ á kpãa iju na ide ŋa iyi í fɔ nɔ í gbɔu. Na nŋu, ce kutɔɔ na zamaa iyi í gbeu.

Bomma 1, 1:14

do inɛi Zebusi ŋa do inɛi Amɔre ŋa do inɛi Girigasi ŋa,

Iri ku kɔ̃ 42:2

Bɛi kulu iyi agbɛ wa kpa ntɔ ntɔ í ya bɔ ido inyi ku dɛ, bɛɛbɛi amu mɔ ǹ wa n dɛdɛ Ilaaɔ̃ ntɔ ntɔ.

Iri ku kɔ̃ 9:16

Isɛ mmu ŋa à dasi isa iyi aŋa taka nŋa à tu. Cɛkũm iyi à leu í mu isɛi aŋa taka nŋa.

Kufita 17:7

Nɔ í sɔ tengi bɛ Masa do Meriba, waatɔ laakai ku cɔ do ija ku dɛdɛ. Í sɔ inyau bɛɛbɛi si na iyi í jɔ̀ inɛi Izirɛli ŋa à dɛdɛ ijaɛ nɔ à cɔ laakai Aɔ̃ Lafɛ̃ɛ, à waa ni, Aɔ̃ Lafɛ̃ɛ í wa bi tu wa mbɛ de mà kù wɛɛ.

Kufita 3:8

Ǹ kita wai ǹ naa n gba ŋa hai si awɔi inɛi Ezibiti ŋa nɔ n nya ŋa hai si ilɛu bɛ n bɔò ŋa si ilɛ jiida ku cĩ gɔ bii mii jiida fei í wa, amɔ do nyikɔ̃ fei wa kɔ̃ bɛi. Bɛi inɛi Kanaã ŋa à wa, do inɛi Hɛti ŋa, do inɛi Amɔre ŋa, do inɛi Ferɛzi ŋa, do inɛi Hɛvi ŋa, do inɛi Zebusi ŋa.

Kufita 33:2

An jɔ̀ amalekam gɔ ku maa cua nŋɛ, nɔ an lele inɛi Kanaã ŋa do inɛi Amɔre ŋa do inɛi Hɛti ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Ezai 7:14

Na nŋu, Aɔ̃ Lafɛ̃ɛ takaɛ á na ŋɛ nyinda gɔ. Nyindau wee. Ama mudɛ̃ɛ gɔ á nɛ asĩ nɔ ku bí ama inɛmɔkɔ. Waati iyi á na ku bí amau, Emanuɛlii á kpoo, waatɔ Ilaaɔ̃ í wɛɛ do awa.

Zeremi 10:10

Amma Aɔ̃ Lafɛ̃ɛi í jɛ Ilaaɔ̃ do ntɔ. Nŋui í jɛ ilu hunde, nɔ nŋui í jɛ ilaalu hee do ajɔ fei. Si idɔɔkɔ̃ɛ, ilɛ í ya yayai, nɔ inɛi andunya ŋa à ya kua gbugbãi si idɔɔkɔ̃ɛu.

Kuka 13:29

Inɛi Amalɛki ŋai à wa si ilɛu do ikpa awɔ njɛi kpãai inunu. Inɛi Hɛti ŋa mɔ, do inɛi Zebusi ŋa do inɛi Amɔre ŋa aŋai à wa ilui iri kuta ŋau. Inɛi Kanaã ŋa mɔi à wa kɔkɔi tenkuu do itĩi idoi Zuudɛ̃ɛu.

Matie 16:16

Nɔ Simɔɔ Piɛɛ í jɛaa í ni, awɔ Amai Ilaaɔ̃ nŋu iyi í jɛ irii kuwɛɛui. Awɔi ì jɛ inɛ iyi í cicau.

Laabaau jiida iyi Zãa í kɔ 6:69

Awa à dasi naanɛ nɔ à mà kãm kãm iyi awɔi ì jɛ Inɛ Kumá iyi í naa hai bi Ilaaɔ̃.

Wooda ku kɔsi 31:17

Nɔ na nŋu, an wɛɛò idɔɔkɔ̃ nla nlai na iri nŋa. An fũsi ŋa awɔi nɔ n sinda n to nŋa anyi. Aa dasi awɔi dimi mmu ŋai, nɔ wahala do inɔ kufɔ ku naa si ŋa. Waati bɛɛbɛi aa fɔ a maa ni, wahala ŋau ihɛ̃ wa ba wai si na iyi í jɔ̀ Aɔ̃ Lafɛ̃ɛ kù wa bi tu wa.

Wooda ku kɔsi 5:26

Ntɔ ntɔ, yooi í gbɔ imui Aɔ̃ Lafɛ̃ɛ ajɔ gɔ hai si aninii ina bɛi awa nɔ í kɔ í wɛɛ si hunde.

Wooda ku kɔsi 7:1

Moizi í nyi í ba zamaau ide ku fɔ má í ni, Aɔ̃ Lafɛ̃ɛ nŋɛi á gbã ŋɛ ku bɔò ŋɛ si ilɛ bii aa koo i buba si ŋau. Waati iyi ì maai bɛ ŋa, nŋui á lele nŋɛ zamaa nkpɔ nkpɔ gɔ ŋa. Zamaau, dimi ikã ikã mɛɛje gɔ ŋai iyi à re ŋɛò gbugbã, nɔ akpɔ nŋa í re ŋɛ. Inɛ ŋau inɛi Hɛti ŋai do inɛi Girigasi ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Wooda ku kɔsi 7:21

Debɛi i maà jɔ̀ njo ku mu ŋɛ na iri nŋa má ŋa, domi Aɔ̃ Lafɛ̃ɛ nŋɛ nŋu iyi í wa anini nŋɛ í la nɔ í to a ce njoɛ.

Tɛsalonika 1, 1:9

Inɛ ŋa à waa fɔ bɛi ì mu wa ŋa si waati iyi à naa bi tu ŋɛu, do bɛi ì jɔ̀ iwɛ̃ ku tɔɔ ŋa, ì kpaasi idɔ ì sinda si Ilaaɔ̃ ŋa ku ba i ceaa icɛ ŋa, nŋu akã iyi í jɛ Ilaaɔ̃ do ntɔ nɔ nŋui í jɛ icui kuwɛɛ.

Ebɛɛ 10:31

Ideu í to njo nla nla bii amanɛ í dasi awɔi Ilaaɔ̃, nŋu iyi í wɛɛ.

Zozue 11:3

Nɔ à ce anu tɔɔsi do inɛi Kanaã ŋa iyi à wa nunui daakɔ do nunui alɛi idoi Zuudɛ̃ɛu do inɛi Amɔre ŋa do inɛi Hɛti ŋa do inɛi Ferɛzi ŋa do inɛi Zebusi ŋa iyi à wa si iri kuta ŋau do inɛi Hɛvi ŋa iyi à wa ikpa geete iyi à ya kpe Hɛɛmɔɔ si ilɛi Misipa.

Zozue 12:8

Inya ŋau wee si iri kuta ŋai à wa, do si lɔɔma ŋa do si fatama ŋa do si geete ŋa. Gɔgɔ ŋa mɔ si gbaai à wa do ikpa awɔ cangai kpãai inunu. Ilɛu ilɛi inɛi Hɛti ŋai do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa.

Zozue 21:45

Ide didɔ̃ ŋa iyi Aɔ̃ Lafɛ̃ɛ í wãò inɛi Izirɛli ŋau fei kãma kù gbe iyi kù ce. Fei ndɛɛ í kɔ̃i mam mam.

Zozue 22:31

Ŋɔi Fineɛzi í sɔ̃ ŋa í ni, nsɛi bɛbɛi à mà iyi Aɔ̃ Lafɛ̃ɛ í wɛɛ do awa, domi i kù ce dulum kãma si wajuɛ ŋa bɛi à waa tamaau. Si bɛɛbɛ inɛi Izirɛli kãma kaa yɛ ijuukpãi Aɔ̃ Lafɛ̃ɛ na iri nŋɛ má.

Zozue 24:11

Si anyiɛ nɔ ì kua idoi Zuudɛ̃ɛu ì bɔ hee ilui Zeriko ŋa. Nɔ iŋɛò inɛi Zeriko ŋau ì ja ŋa. Bɛɛbɛ mɔi inɛi Amɔre ŋa do inɛi Ferɛzi ŋa do inɛi Kanaã ŋa do inɛi Hɛti ŋa do inɛi Girigasi ŋa do inɛi Hɛvi ŋa do inɛi Zebusi ŋa aŋa mɔ à ba ŋɛ ku ja. Nɔ Aɔ̃ Lafɛ̃ɛ í jɔ̀ ì jɛ aŋa fei igũ ŋa.

Zozue 3:9

Ŋɔi Zozue í sɔ̃ inɛi Izirɛli ŋau í ni, i sɛkɛɛ wa nɔ i gbɔ ide iyi Aɔ̃ Lafɛ̃ɛ nŋɛ wa fɔ ŋa.

Zozue 9:1

Ilaalui ilɛ ŋa iyi à wa ikpa nunui alɛi idoi Zuudɛ̃ɛu à gbɔ bɛi Zozue do inɛi Izirɛli ŋa à cea inɛi Ai ŋa. Laabaaui ideu í fangaa si ilu ŋa iyi à wa si iri kuta ŋau do ilu ŋa iyi à wa lɔɔma do ilu ŋa iyi à wa ikpa bi Tenku Nlau fei hee ku bɔ kɔkɔi ilɛi Libãa. Ŋɔi inɛi Hɛti ŋa do inɛi Amɔre ŋa do inɛi Kanaã ŋa do inɛi Ferɛzi ŋa do inɛi Hɛvi ŋa do inɛi Zebusi ŋa

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.

Samuɛli 1, 26:6

Ŋɔi Davidi í kpe Ahimelɛki inɛi Hɛtiu do Abisai ifɔi Zoabu amai Seruya í bee ŋa í ni, yoo nŋɛi i bi ku sim asɔi Saulu. Nɔ Abisai í ni, amu an siɛ.