Zozue 24:6 - Bibeli do fee

⁶ Waati iyi bala nŋɛ ŋau à fita wa hai Ezibiti nɔ à to wa bi Tenkui Njeeu ŋɔi inɛi Ezibiti ŋau à jɔ̀ masa nŋa ŋa a da hãmɛ nŋa wa à na à ba ŋa hee bi Tenkui Njeeu do sarɛtii isɔ nŋa ŋa.

Zozue 24:6 Iomraidhean Croise

Neemi 9:11

Ì jɔ̀ inyii tenkuu í kpɛ̃ si waju nŋa nɔ à nɛ si ilɛ ngbɛ à kua. Amma inɛi Ezibiti ŋa iyi à waa lele ŋa wau, ì jɔ̀ inyiu í jɛ ŋa. Nɔ à mile hee lɛlɛ bɛi kuta.

Iri ku kɔ̃ 78:13

Í kpɛ̃ inyii tenkuu, í jɔ̀ inyiu í ce bɛi idĩ nɔ í jɔ̀ à kua.

Kufita 12:37

Inɛi Izirɛli ŋau à fita hai ilui Ramusɛsi à waa bɔ ikpa ilui Sukɔtu. Jiai inɛmɔkɔ ŋau í wɛɛi zakai aŋa dubu cĩɔ cĩɔ mɛɛfa (600.000) baai inaabo ŋa do ama keeke ŋa baasi.

Kufita 12:51

Ajɔ nŋu, yaase bɛi Aɔ̃ Lafɛ̃ɛ í ce í nya inɛi Izirɛli ŋa mbɛ tuuba tuuba bɛi sooge ŋa hai ilɛi Ezibiti.

Misee 6:4

Amui ǹ nya bala nŋɛ ŋa wa hai ilɛi Ezibiti bii à waa jɛ aru, nɔ ǹ jɔ̀ Moizi do Arɔ̃ɔ do Mariama à gbã ŋa wa.

Woo bɛ ŋa 7:36

Moiziu nŋui í nya inɛi Izirɛli ŋa hai ilɛi Ezibiti nɔ í ce nyinda ŋa do maamaake ŋa si ilɛu do si Tenku Nkpau do si gbaa adɔ̃ ciiji.

Ebɛɛ 11:29

Na naanɛ ku dasii, inɛi Izirɛli ŋa à kua Tenku Nkpau si ilɛ ngbɛ. Amma waati iyi inɛi Ezibiti ŋa à bi a ce bɛɛbɛ, inyi í jɛ ŋa.