Zozue 24:5 - Bibeli do fee

⁵ Iyi í na í kpɛ, ŋɔi Aɔ̃ Lafɛ̃ɛ í bɛ Moizi do Arɔ̃ɔ Ezibiti bɛ, nɔ í jɔ̀ wahala ikã ikã baa yooma fei í naa si inɛi Ezibiti ŋau í bɛi í nyaò inɛ nŋɛ ŋau wa.

Zozue 24:5 Iomraidhean Croise

Iri ku kɔ̃ 105:43

Í jɔ̀ inɛɛ ŋau à fita wai do inɔ didɔ̃. Inɛɛ ŋa iyi í cicau, à fita wai do anu ku dɔ̃ do inɔ didɔ̃ nla nla.

Iri ku kɔ̃ 136:10

Nŋui í kpa ama yemma ŋa do mɛɛmu ŋa iyi à bí sinte si ilɛi Ezibiti fei. Kubiɛ í ya maa wɛɛi hee do ajɔ fei.

Kufita 12:37

Inɛi Izirɛli ŋau à fita hai ilui Ramusɛsi à waa bɔ ikpa ilui Sukɔtu. Jiai inɛmɔkɔ ŋau í wɛɛi zakai aŋa dubu cĩɔ cĩɔ mɛɛfa (600.000) baai inaabo ŋa do ama keeke ŋa baasi.

Kufita 12:41

Nɔ si anyii adɔ̃ cĩɔ mɛɛ do kuntaau (430), ajɔ nŋu bɛ, inɛi Aɔ̃ Lafɛ̃ɛ ŋau fei à fita hai ilɛi Ezibiti.

Kufita 12:51

Ajɔ nŋu, yaase bɛi Aɔ̃ Lafɛ̃ɛ í ce í nya inɛi Izirɛli ŋa mbɛ tuuba tuuba bɛi sooge ŋa hai ilɛi Ezibiti.

Kufita 3:10

Na nŋu, nsɛi ǹ wa n bɛɛi bi Faraɔ̃. Koo, nɔ i fitaò inɛm ŋa inɛi Izirɛli ŋa hai ilɛi Ezibiti.

Kufita 6:27

Aŋai à ba Faraɔ̃ ilaalui Ezibiti ide ku fɔ ku ba ku jɔ̀ a fitaò inɛi Izirɛli ŋa hai si ilɛɛ.

Zozue 24:6

Waati iyi bala nŋɛ ŋau à fita wa hai Ezibiti nɔ à to wa bi Tenkui Njeeu ŋɔi inɛi Ezibiti ŋau à jɔ̀ masa nŋa ŋa a da hãmɛ nŋa wa à na à ba ŋa hee bi Tenkui Njeeu do sarɛtii isɔ nŋa ŋa.