Zozue 24:32 - Bibeli do fee

³² Kũkũi Zozɛfu iyi inɛi Izirɛli ŋa à so wa hai Ezibitiu, ilui Sikɛmui à na à suu si iko iyi Zakɔbu í ra wo kpɛkɛlɛ cĩɔ hai bi tɔkui Hamɔɔ ŋa, nŋu í iyi í jɛ baai Sikɛmuu. Ilɛu í baa í jɛ ti tɔkui Zozɛfu ŋa.

Zozue 24:32 Iomraidhean Croise

Kusintii Andunya 33:19

Zakɔbu í gũ ilei acɔɛ ŋa nɔ í na í ra ilɛ bii í gũ ilei acɔɛu bi amai Hamɔɔ ŋa do isɔ fũfũ kpɛkɛlɛ cĩɔ. Hamɔɔ nŋui í jɛ baai Sikɛmu.

Kusintii Andunya 48:22

Amui an muuɛ ilɛ ku re ti igbãɛ ŋa. An muuɛ ilui Sikɛmu má do ilɛɛkoɛ ŋa iyi ǹ gba hai bi inɛi Amɔre ŋa si waati iyi ǹ jɛ ŋa igũ do sobii taakubam do ti bioom.

Kusintii Andunya 50:24

Ajɔ nŋu gɔ Zozɛfu í sɔ̃ igbãɛ ŋau í ni, ǹ maai ku ku. Amma Ilaaɔ̃i á maa cɔ ŋɛ. Á na ku nya ŋɛ hai ilɛi Ezibitiu ihɛ̃ nɔ ku bɔò ŋɛ si ilɛ iyi í wãò Aburahamu do Izaaki do Zakɔbu.

Kusintii Andunya 50:25

Ǹ wa n tɔɔ ŋɛ i gbasi do irii Ilaaɔ̃ ŋa waati iyi á na ku nya ŋɛ hai ilɛu ihɛ̃ ŋa, i so kũkũm ŋa hai ihɛ̃ i nɛò ŋa.

Kufita 13:19

Ŋɔi Moizi í ko kũkũi Zozɛfu ŋau, domi bɛɛbɛi nŋu takaɛ í tako í jɔ̀ igbãɛ ŋau do ifɔɛ à ce kuwã do kugbasi wo si waati iyi í sɔ̃ ŋa í ni, Ilaaɔ̃ á na ku faaba ŋɛ nɔ ku nya ŋɛ hai ihɛ̃, amma bii ì na ì waa nɛ ŋa, i ko kũkũm ŋa i nɛò ŋa.

Laabaau jiida iyi Zãa í kɔ 4:5

Ŋɔi í to si ilui Samari gɔ iyi à ya kpe Sikaa, kɔkɔi iko iyi Zakɔbu í mua Zozɛfu amaɛu.

Woo bɛ ŋa 7:15

Bɛɛbɛi Zakɔbu í bɔò Ezibiti. Bɛi í ku, bɛ mɔi amaɛ ŋa bala nwa ŋau à ku.

Woo bɛ ŋa 7:16

Nɔ à so iku nŋa à bɔò Sikɛmu à koo à si ŋa si balɛ iyi Aburahamu í tako í ra bi amai Hamɔɔ ŋau.

Ebɛɛ 11:22

Na naanɛ ku dasii, Zozɛfu mɔ waati iyi í maai iku í fɔ idei kufitai inɛi Izirɛli ŋa hai ilɛi Ezibiti do bɛi aa cea kũkũi nŋu ŋa.