Zozue 24:27 - Bibeli do fee

²⁷ Nɔ Zozue í sɔ̃ zamaau fei má í ni, i cɔ ŋa, kutau ihɛ̃i á jɛ sɛɛda nwa domi kutau takaɛ í gbɔ ide iyi awaɛ ŋa do Aɔ̃ Lafɛ̃ɛ fei à fɔ à waa sindoa njɛ. Nŋui á jɛ sɛɛda nŋɛ ku ba i maà kɔ̀si Aɔ̃ Lafɛ̃ɛ nŋɛ.

Zozue 24:27 Iomraidhean Croise

Zɔɔbu 31:23

Ntɔ ntɔ ǹ nɛ njoi ijuukpãi Ilaaɔ̃ hee í caa, n kaa n jɛ n leekĩ si wajui amanlu kú jɛɛ.

Zɔɔbu 31:28

Bii í jɛ ǹ coo wo, ǹ nɛ n ba ijuukpãi woo kiitim, domi an jɛ ilu muafiti bi Ilaaɔ̃.

Mɔnda ŋa 30:9

Á yɔkɔ ku jɛ bii ǹ na n jɛ ilu amani an na n kɔ̀siɛ nɔ n maa n ni, yooi í jɛ Aɔ̃ Lafɛ̃ɛ, walakɔ bii are í mantem an na n lɔsi ile ku ce nɔ n bɛjɛò iriɛ.

Ezai 1:2

Lele, sotĩ i gbɔ, ilɛ, sotĩ i gbɔ. Aɔ̃ Lafɛ̃ɛi wa fɔ ide, í ni, ǹ bíi amu ŋa, nɔ ǹ kɔ ŋa, amma wee à dedeò ide ku kɔ̀ si gãmɛm.

Ezai 59:13

À ce ide ku kɔ̀ bi tɛɛ Aɔ̃ Lafɛ̃ɛ nɔ à zambaɛ. À kɔ̀ ku tooɛ awɔ Aɔ̃ Lafɛ̃ɛ nwa. Ide kulele ŋai à ya ka maa fɔ nɔ à ya ka bɛjɛ mii jiida ŋa. À ya ka ce sɔɔlui ibo ŋa si idɔ nwai nɔ ka maa lasabu si.

Abakuku 2:11

Baa kutai ile nŋɛ ŋau fei aa dɔ̃ anu a yɛ taale nŋɛ nɔ jĩi ku kaakata ŋa aa jɛ nŋɛ.

Kuka 11:20

Amma aa ŋɔ iŋau ŋai cukpa akã hee ku na ku cé ŋɛ nɔ ku maa fita nŋɛ wa do imɔ ŋa, si na iyi í jɔ̀ ì fũsi Aɔ̃ Lafɛ̃ɛ nŋu iyi í wa anini nŋɛu awɔ ŋa, nɔ si na iyi í jɔ̀ ì kpata siɛ ì waa ni ŋa, debɛi na mii í jɔ̀ à fita wa hai ilɛi Ezibiti.

Matie 10:33

Amma inɛ iyi í kɔ̀sim si wajui amanɛ ŋa, amu mɔ an kɔ̀siɛ si wajui Baam iyi í wa lele.

Luku 19:40

Ŋɔi Jesu í ni, ǹ wa n sɔ̃ ŋɛi, baa bii inɛ ihɛ̃ ŋa à coko, kuta ŋa aa dɔ̃ anu.

Wooda ku kɔsi 30:19

Ntɔ ntɔ ǹ wa n na ŋɛ baauɛi hai nnyi, nɔ lele do ilɛi à jɛ sɛɛdam. Kuwɛɛ do ikui ǹ jilɛ nŋɛ, nɔ ǹ jilɛ nŋɛ kuwee mɔ do ikpe. Na nŋu, i cica kuwɛɛ ŋa ku ba i maa wɛɛ ŋa iŋɛ do tɔku nŋɛ ŋa.

Wooda ku kɔsi 31:19

Nsɛi, i kɔ iriu ihɛ̃ ŋa. Awɔ Moizi, awɔi aa kɔ inɛi Izirɛli ŋa si iriu. Kɔ ŋa si hee a màa, domi iriu bɛi á jɛ sɛɛdam si gãmɛ nŋa.

Wooda ku kɔsi 31:21

Nɔ wahala do inɔ kufɔ á na ku bii si ŋa. Waati bɛɛbɛ, iriu ihɛ̃i á jɛ nŋa sɛɛda, domi baa tɔku nŋa ŋa a kaa gbɛjɛ iriu ihɛ̃ ku kɔ̃ ajɔ kãma. Hai nnyi, hee n gbã ŋa n maa n bɔò ŋa si ilɛ iyi ǹ ce nŋa kuwãɛ do kugbasiu, ǹ mà mii iyi í wa si idɔ nŋa tã.

Wooda ku kɔsi 31:26

i gba tiau ihɛ̃ ŋa si bii à kɔ woodai Aɔ̃ Lafɛ̃ɛu i jilɔɔ kɔkɔi kpakoi akabuui Aɔ̃ Lafɛ̃ɛ nŋɛu. Tengi bɛi á maa wa ku jɛ sɛɛda si gãmɛi inɛi Izirɛli ŋau.

Wooda ku kɔsi 32:1

Lele, sotĩ i gbɔ idem ŋa. Ilɛ, gbɔ ide ŋa iyi ǹ wa n fɔ.

Wooda ku kɔsi 4:26

Hai nnyi ǹ wa n sɔ̃ ŋɛi, bii ì na ì waa ce dulum bɛɛbɛ ŋa, lele do ilɛ aŋai à jɛ sɛɛdam, nɔ i kaa na i kpɛ si ilɛ iyi ì waa bɔ ku buba si ŋa do icei idoi Zuudɛ̃ɛu. I kaa ba i buba si i kpɛ ŋa, domi aa kpa ŋɛi mam mam.

Titee 1:16

À waa fɔ do gɛlɛ à ni aŋa à mà Ilaaɔ̃, amma kookoosu nŋa wa jã ŋa ide. À jɛ inɛ laalɔ do woo kɔ̀ ide ŋa, a kaa yɔkɔ a ce mii jiida kãma má.

Zozue 22:34

Ŋɔi tɔkui Rubɛ̃ɛ ŋau do tɔkui Gadi ŋau à sɔ bi kuwee iyi à mau Sɛɛda, domi à ni, nŋui í jɛ sɛɛda si gãmɛi awaɛ iyi Aɔ̃ Lafɛ̃ɛi í jɛ Ilaaɔ̃.

Zozue 24:28

Iyi Zozue í fɔ bɛɛbɛ nɔ í jɔ̀ inɛ ŋau fei à nyi si ilɛ iyi à kpɛ̃ nŋau.

Kuyɛi Zãa 3:8

ǹ mà kuce nŋɛ. Ǹ mà iyi gbugbã nŋɛ kù la. Do nŋu fei, ì jirima idem nɔ i kù kɔ̀sim ŋa. Nŋui í jɔ̀ ǹ cĩ nŋɛ gambo iyi inɛ gɔ kaa yɔkɔ ku cĩmbo.

Samuɛli 1, 7:12

Ŋɔi Samuɛli í so kuta gɔ í jilɔɔ aninii Misipa do Seni nɔ í sɔɔ Ebenezɛɛ, waatɔ kutai sobi, nɔ í ni, hee ku naa tengi ihɛ̃, Aɔ̃ Lafɛ̃ɛ í sobi wa.