Zozue 24:25 - Bibeli do fee

²⁵ Ajɔ nŋu bɛi Zozue í dĩ akabuu do inɛ ŋau si ilui Sikɛmu, nɔ í na ŋa wooda ikã ikã ŋa iyi aa maa too si.

Zozue 24:25 Iomraidhean Croise

Kusintii Andunya 35:4

Nɔ à na Zakɔbu andi iwɛ̃ nŋa ŋa iyi à nɛ fei, hee do hanlaga nŋa ŋa fei, nɔ í tu isa í si ŋa si icui jĩi nla gɔ bɛ kɔkɔi Sikɛmu.

Ilaalu 2, 11:17

Si anyiɛ ŋɔi Yehoyada í dĩ akabuu do Aɔ̃ Lafɛ̃ɛ do ilaaluu do zamaau ku ba a jɛ zamaai Aɔ̃ Lafɛ̃ɛ. Nɔ í nyi í dĩ akabuu mmuɛ má si gãmɛi zamaau do ilaaluu.

Bomma 2, 15:12

Ŋɔi à ce kuwã aŋa a ya maa tɔɔ Aɔ̃ Lafɛ̃ɛi bala nŋa ŋau do idɔ nŋa fei do lasabu nŋa fei.

Bomma 2, 15:15

Ŋɔi inɛi Zudaa ŋau fei à wɛɛò inɔ didɔ̃ na kugbasiu, domi à cooi do idɔ nŋa fei. Nɔ à dɛ Aɔ̃ Lafɛ̃ɛ do idɔ nŋa fei nɔ í gba ŋa. Nɔ í mu nŋa laakai ku sũ si kɔɔi ilɛu fei.

Bomma 2, 23:16

Si anyiɛ, ŋɔi Yehoyada í dĩ akabuu do zamaau fei do ilaaluu ku ba a jɛ zamaai Aɔ̃ Lafɛ̃ɛ.

Bomma 2, 29:10

Amu de ǹ dasi idɔ n dĩ akabuu do Aɔ̃ Lafɛ̃ɛi Izirɛli ku ba idɔɔkɔ̃ nla nlaɛ iyi í dede si wau ku sũ.

Kufita 15:25

Nɔ Moizi í tɔɔ Aɔ̃ Lafɛ̃ɛ nɔ Aɔ̃ Lafɛ̃ɛ í nyisiɛ jĩi gɔ. Nɔ Moizi í so jĩi nɔu í sɔsi inɔ inyiu nɔ inyiu í baa í dɔ̃. Hai Mara bɛi Aɔ̃ Lafɛ̃ɛ í na inɛ ŋau wooda iyi aa maa mu, nɔ í sɔ̃ ŋa yaase bɛi aa maa jɛò kuwɛɛ nŋa. Tengi bɛ mɔi í cɔ laakai nŋa.

Kufita 24:3

Ŋɔi Moizi í koo í sisia inɛ ŋau ide iyi Aɔ̃ Lafɛ̃ɛ í fɔ fei do wooda ŋau fei. Nɔ inɛ ŋau fei à jɛaa do gɛlɛ akã à ni, aa ka ce bɛi Aɔ̃ Lafɛ̃ɛ í fɔ fei.

Wooda ku kɔsi 29:1

Moizi í kpe zamaai inɛi Izirɛli ŋa fei nɔ í ni, waati iyi ì tako ì wa ilɛi Ezibiti ŋa, iŋɛ taka nŋɛ ì yɔɔ do iju nŋɛ bɛi Aɔ̃ Lafɛ̃ɛ í cea Faraɔ̃ ilaalui Ezibiti do akaweɛ ŋa do ilɛɛu fei.

Zozue 24:1

Zozue í tɔtɔɔ dimii Izirɛli fei Sikɛmu, nɔ í kpe inɛ ngbo ŋau do amanlu ŋau do woo kiiti ŋau do inɛ ngboi sooge ŋau, nɔ aŋa fei à naa à tɔtɔɔ bɛ si wajui Ilaaɔ̃.

Zozue 24:26

Nɔ Zozue í kɔ ide ŋau si tiai woodai Ilaaɔ̃. Si anyiɛ nɔ í so kuta nla nla gɔ í gũu si abɛi jĩi ndii sɛni iyi í wa si bantumai ile kumái Aɔ̃ Lafɛ̃ɛu.