Zozue 24:23 - Bibeli do fee

²³ Ŋɔi Zozue í ni, to. I nyɔ iwɛ̃ ŋa iyi à wa si anini nŋɛ ŋau nɔ i na Aɔ̃ Lafɛ̃ɛ nwa ara nŋɛ mam mam ŋa.

Zozue 24:23 Iomraidhean Croise

Ilaalu 1, 8:57

Aɔ̃ Lafɛ̃ɛ nwa ku wɛɛ do awa bɛi í wɛɛ do bala nwa ŋa tako. Ku maà kɔ̀si wa má nɔ ku maà fũsi wa awɔ,

Ilaalu 1, 8:58

amma ku sinda idɔ nwa ŋa bi tɛɛ ku ba ka ce isɛɛnɛ nwa bɛi í bi, nɔ ka maa jirima ideɛ ŋa do woodaɛ ŋa do asaiya ŋa iyi í jilɛa bala nwa ŋau.

Iri ku kɔ̃ 119:36

Jɔ̀ idɔm ku wa si ideɛ ŋa. Maà jɔ̀ ku wa si amani.

Iri ku kɔ̃ 141:4

Maà jɔ̀ n nɛ lasabui laalɔ ku ce, maà jɔ̀ n maa n too kucei ilu inɔ kukã ŋa, maà jɔ̀ n jɛ jingau do aŋa.

Iri ku kɔ̃ 81:10

i kù nɛ i jɔ̀ iwɛ̃ gɔ ku wa bi tu ŋɛ hee i gulɛ i maa tɔɔɛ ŋa.

Kufita 20:23

I maà ya cea ara nŋɛ iwɛ̃ do wura walakɔ do isɔ fũfũ i maà tɔɔ ŋa si agbɛm ŋa.

Mɔnda ŋa 2:2

Jɔ̀ i de itĩ si laakai iyi ǹ wa n kɔɛ, nɔ i ce kookaai i gbɔ yaaseɛ.

Ozee 14:8

Inɛ ŋa iyi à ya maa buba si jĩjĩɛ ŋau, aa sinda a baai. Aa ya nyi a gbɛ̃ bilee ŋa má, nɔ kuwɛɛ nŋa á maa bɔ wajui bɛi jĩi ndii rezɛ̃ɛ. Iri nŋa á bɔ bii feii bɛi ti vɛ̃ɛi Libãa.

Zozue 24:14

Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.