Zozue 24:2 - Bibeli do fee

² Ŋɔi Zozue í sɔ̃ zamaau fei í ni, ide iyi Aɔ̃ Lafɛ̃ɛ nŋɛ í fɔ wee. Í ni, tako wo bala nŋɛ ŋa à bubai do icei Efarata ido nlau do ikpa ihɔ̃, nɔ à ya maa tɔɔ iwɛ̃ ŋa. Nyaanzei Terai ǹ wa n fãa, nŋu iyi í jɛ baai Aburahamu do Nakɔɔ.

Zozue 24:2 Iomraidhean Croise

Kusintii Andunya 11:22

Serugu í nɛ adɔ̃ kuntaa í bɛi í bí Nakɔɔ.

Kusintii Andunya 11:24

Nakɔɔ í nɛ adɔ̃ kɔnfia do mɛɛsã, í bɛi í bí Tera.

Kusintii Andunya 11:26

Tera í nɛ adɔ̃ kitaò fɛɛwa, í bɛi í bí Aburamu do Nakɔɔ do Harãa.

Kusintii Andunya 11:27

Dimii amai Tera ŋa wee. Tera nŋui í bí Aburamu do Nakɔɔ do Harãa. Harãa mɔi í bí Lɔtu.

Kusintii Andunya 31:19

Wee í ko waati bɛɛbɛ Labãa í bɔ ntoi angudãɛ ŋa ku bu. Ŋɔi Rasɛli í koo í ce ilei iwɛ̃ɛ ŋa.

Kusintii Andunya 31:30

To, ì waa nɛ idei baaɛ si na iyi í jɔ̀ ì waa ce bɛgɛ nŋa, amma na mii í ce iyi ì waa nɛ, ì ce ilei iwɛ̃m ŋa.

Kusintii Andunya 31:32

Amma idei iwɛ̃ɛ ŋa iyi ì fɔu, wusɛ bii fei si wajui inɛ nwa ŋa. Bii ì yɛ ngɔgɔ iyi í jɛ tɛɛ, gbaa. Bi inɛm gɔ iyi ì yɛ iwɛ̃ɛ ŋa, kpa lafɛ̃ɛ. Wee Zakɔbu kù mà mà Rasɛlii í ce ilei iwɛ̃ ŋau.

Kusintii Andunya 31:53

Ilaaɔ̃ Lafɛ̃ɛi Aburahamu do iwɛ̃ iyi í jɛ Lafɛ̃ɛi Nakɔɔ a jɛ woo kiiti nwa ŋa. Nɔ Zakɔbu í gbasi do Ilaaɔ̃ iyi baaɛ Izaaki wa ce njo.

Kusintii Andunya 35:4

Nɔ à na Zakɔbu andi iwɛ̃ nŋa ŋa iyi à nɛ fei, hee do hanlaga nŋa ŋa fei, nɔ í tu isa í si ŋa si icui jĩi nla gɔ bɛ kɔkɔi Sikɛmu.

Bomma 1, 1:27

Aburamu iyi à na à waa kpe Aburahamu.

Ezai 51:2

I jɔ̀ iju nŋɛ ku koo si Aburahamu baa nŋɛ do si Sara iyi í bí ŋɛu. Ǹ kpe Aburahamui hai waati iyi kù nɛ ama, nɔ ǹ weea ǹ jɔ̀ í jɛ balai dimi nkpɔ nkpɔ.

Ezekiɛli 16:3

Sɔ̃ɔ i ni amu Aɔ̃ Lafɛ̃ɛ ǹ ni, awɔ Zeruzalɛmu, ilɛi Kanaãi í jɛ idei balaɛ ŋa. Tengi bɛi à bíɛ. Baaɛ inɛi Amɔrei nɔ iyeɛ mɔ inɛi Hɛtii.

Luku 3:34

do Zakɔbu do Izaaki do Aburahamu do Tera do Nakɔɔ,

Wooda ku kɔsi 26:5

Lafɛ̃ɛ á nyi ku fɔi má si wajui Aɔ̃ Lafɛ̃ɛ ku ni, balam inɛi Aramu woo dabii. Í dede í bɔ ilɛi Ezibitii do zamaa keeke gɔ, nɔ í buba bɛ. Hai bɛ nɔ í na í baa í ce zamaa nla nla. Akpɔ nŋau í kɔ̃ɔsi nɔ à jɛ ilu gbugbã ŋa.

Zozue 24:15

Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.