Zozue 24:19 - Bibeli do fee

^19-20 Ŋɔi Zozue í sɔ̃ inɛ ŋau í ni, i kaa yɔkɔ i cea Aɔ̃ Lafɛ̃ɛ icɛ ŋa domi Aɔ̃ Lafɛ̃ɛ í má, nɔ nŋu akãi ì nɛ i tɔɔ ŋa. Na nŋu, bii ì fũsiɛ awɔ nɔ ì koo ì waa cea iwɛ̃ ŋa icɛ ŋa, kaa ce nŋɛ suurui dulum du ŋɛ, amma á sinda si ŋɛi ku ce nŋɛ laalɔ nɔ ku kpa iri nŋɛ baa do iyi í ce nŋɛ jiida nkpɔ nkpɔ tã.

Zozue 24:19 Iomraidhean Croise

Bomma 2, 36:16

Amma a kù saalu woo bɛi Ilaaɔ̃ ŋau. À donda waliiɛ ŋau nɔ à ce atafii si ideɛ ŋau. Ŋɔi idɔɔkɔ̃i Aɔ̃ Lafɛ̃ɛ í dede si inɛɛ ŋau hee a kaa yɔkɔ a fita si.

Iri ku kɔ̃ 99:3

Awɔ Aɔ̃ Lafɛ̃ɛ, ì to a maa cĩɛ, awɔ iyi ì la nɔ à nɛ a ce njoɛ. Ntɔ ntɔ awɔ akãi ì má.

Iri ku kɔ̃ 99:5

I fɔ kulai Aɔ̃ Lafɛ̃ɛ nwa ŋa. I gulɛ si wajui bi ku lesi kutɛɛ ŋa, domi Aɔ̃ Lafɛ̃ɛu í má.

Iri ku kɔ̃ 99:9

I fɔ kulai Aɔ̃ Lafɛ̃ɛ nwa ŋa. I gulɛ si wajui iri kuta kumáɛu domi Aɔ̃ Lafɛ̃ɛ nwau í má.

Kufita 20:5

I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

Kufita 23:21

I ce laakai i maa jirimaɛ ŋa nɔ i maà kɔ̀ ideɛ ku gbɔ ŋa. Bii ì kɔ̀ ideɛ ku gbɔ ŋa kaa ce nŋɛ suuru domi do irim nii wa ce icɛ.

Kufita 34:14

I maà gulɛ i tɔɔ iwɛ̃ kãma gɔ má ŋa, domi amu Aɔ̃ Lafɛ̃ɛ irim nii í jɛ igu, nɔ amu akãi ǹ jɛ Aɔ̃ Lafɛ̃ɛ nŋɛ.

Kufita 34:7

An nyisi inɛ ŋa kubim hee ku koo si tɔku dubusia. An kpa idei kurara nŋa ŋa do laalɔ ku ce nŋa ŋa do dulum du ŋa, amma n kaa n cɔ inɛ laalɔ bɛi inɛ iyi kù ce laalɔ kãma. An kpã amu ŋa iyi baa nŋa ŋa à ce dulum iju hee ku koo si tɔku gbɛɛtasia do gbɛ̃ɛsia nŋa.

Ezai 2:9

Na ŋɔi í jɔ̀ inɛ fei á gulɛ, nɔ ku kaye araɛ, amma Aɔ̃ Lafɛ̃ɛ, maà ce nŋa suuru.

Ezai 27:11

Waati iyi amaawɔi jĩi ŋau à gbɛ, à ya cɛi. Inaabo ŋa à ya naa a kooi a koo a koò ina. Ntɔ ntɔ inɛ ŋau a kù nɛ bisi kãma. Nɔ na ŋɔi í jɔ̀ inɛ iyi í taka ŋau kù nɛ araare nŋa má, nɔ kù bi ku ce nŋa didɔ̃ gɔ má.

Ezai 30:11

À ya sɔ̃ walii ŋai a maa ni a tɛkɛɛ a jĩò kpãa iyi í tɛ, nɔ a jɔ̀ kpãa iyi í jɛ ntɔ iyi à nɛ a maa toou. À ya ni, i maà sɔ̃ wa idei Aɔ̃ Lafɛ̃ɛ Inɛ Kumái Izirɛliu má ŋa.

Ezai 30:15

Ŋɔi Aɔ̃ Lafɛ̃ɛ, nŋu iyi í jɛ Inɛ Kumái Izirɛliu í fɔ í ni aa ba faaba ŋai, bii ì sinda ì nyi wa bi ti nŋu, nɔ ì wɛɛ sɛ̃ɛ ŋa. Si sɛ̃ɛ ku ce nŋɛ do si naanɛ ku dasi nŋɛ si nŋu Aɔ̃ Lafɛ̃ɛi aa ba gbugbã ŋa. Amma i kù bi iyi bɛ ŋa.

Ezai 5:16

Aɔ̃ Lafɛ̃ɛi lele do ilɛ á nyisi kulaɛ, nɔ ku teese ku jilɛ kpãai dee dee ku jɛ. Nŋu Ilaaɔ̃ inɛ kumá, á nyisi kumáɛi si dee dee ku jɛɛ.

Kuwee 10:3

Ŋɔi Moizi í sɔ̃ Arɔ̃ɔ í ni, bɛɛbɛi Aɔ̃ Lafɛ̃ɛ í fɔ si waati iyi í ni, ǹ bi inɛ ŋa iyi à waa sɛkɛɛ sim wa ku ba a ceem kuwee a mà iyi amu inɛ kumái, nɔ a ya naa do jirima, nɔ a ya jɔ̀ zamaau fei ku mà bɛɛrɛm. Ŋɔi Arɔ̃ɔ wa coko.

Kuwee 11:44

Amui ǹ jɛ Aɔ̃ Lafɛ̃ɛ nŋɛ. Na nŋu, i jɔ̀ i má ŋa bɛi amu mɔ ǹ má, nɔ i maà jɔ̀ mɛɛmu ku cã ilɛ ŋau ihɛ̃ a dasi ŋɛ riisi.

Kuwee 11:45

Ntɔ ntɔ, amui ǹ jɛ Aɔ̃ Lafɛ̃ɛ iyi í nya ŋɛ wa hai ilɛi Ezibiti ku ba n jɛ Ilaaɔ̃ Lafɛ̃ɛ nŋɛ nɔ iŋɛ mɔ i má bɛi amu mɔ ǹ máu.

Kuwee 19:2

sɔ̃ inɛi Izirɛli ŋau fei i ni amu Aɔ̃ Lafɛ̃ɛ ǹ ni, i jɛ inɛ kumá ŋa, domi amu Aɔ̃ Lafɛ̃ɛ nŋa ǹ má.

Kuwee 20:26

I jɔ̀ i má ŋa na irim, domi amu Aɔ̃ Lafɛ̃ɛ ǹ má, nɔ ǹ fɛɛfɛ ŋɛ do inɛ mmu ŋa ku ba i jɛ tom ŋa.

Kuwee 20:7

I nya ara nŋɛ ikã ku ba i jɛ inɛ kumá ŋa, domi amui ǹ jɛ Aɔ̃ Lafɛ̃ɛ nŋɛ.

Nahumu 1:2

Aɔ̃ Lafɛ̃ɛ í jɛ Ilaaɔ̃ iyi í nɛ kubi, nɔ kù bi inɛɛ ŋa a maa tɔɔ iwɛ̃ ŋa. Inɛ ŋa iyi à waa ce ide ku kɔ̀ si wajuɛ, í ya sã nŋa gbeseɛi. Idɔɔkɔ̃i Aɔ̃ Lafɛ̃ɛ í gaabu ntɔ ntɔ. Mii iyi mbɛɛɛ ŋa à cea, í ya sã nŋa gbeseɛi. Kugaabuɛ í ya wa si mbɛɛɛ ŋaui.

Abakuku 1:13

Ijuɛ ci ya yɔkɔ ku maa cɔ laalɔ, domi ì mái dee dee. To, bɛirei í ce ì yɔkɔ ì waa cɔ mii iyi woo zamba ŋa à waa ce, nɔ i kù waa ni ide kãma. Bɛirei í ce ì waa coko waati iyi inɛ laalɔ ŋau à waa kpa inɛ dee dee ŋa.

Matie 6:24

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Zozue 24:18

Nɔ nŋui í lele nwa dimi nkpɔ nkpɔ, hee do inɛi Amɔre ŋa iyi à wa si ilɛu ihɛ̃ wo. Na nŋu, awa mɔ Aɔ̃ Lafɛ̃ɛi aa ka cea icɛ domi nŋui í jɛ Lafɛ̃ɛ nwa.

Zozue 24:23

Ŋɔi Zozue í ni, to. I nyɔ iwɛ̃ ŋa iyi à wa si anini nŋɛ ŋau nɔ i na Aɔ̃ Lafɛ̃ɛ nwa ara nŋɛ mam mam ŋa.

Ruutu 1:15

Ŋɔi Naomi í sɔ̃ Ruutu í ni, cɔ kpaasiɛ njɛ í sinda í nyi bi inɛɛ ŋa, do bi iwɛ̃ɛ ŋa. Ce bɛi nŋu mɔ í ce, awɔ mɔ sinda i nyi ideɛ.

Samuɛli 1, 3:14

Na ŋɔi í jɔ̀ ǹ fɔ do kugbasi ǹ ni kuwee kãma do amua kãma iyi inɛi kpasɛ̃i Elii ŋa aa ce kaa yɔkɔ ku jɔ̀ n kpa dulum du ŋa pai.

Samuɛli 1, 6:20

Ŋɔi à ni, inɛ kãma kaa yɔkɔ ku wɛɛ si wajui Aɔ̃ Lafɛ̃ɛ inɛ kumáu ihɛ̃. Iwoi aa ka bɔò kpakoɛ ku jĩò wa.