Zozue 24:18 - Bibeli do fee

¹⁸ Nɔ nŋui í lele nwa dimi nkpɔ nkpɔ, hee do inɛi Amɔre ŋa iyi à wa si ilɛu ihɛ̃ wo. Na nŋu, awa mɔ Aɔ̃ Lafɛ̃ɛi aa ka cea icɛ domi nŋui í jɛ Lafɛ̃ɛ nwa.

Zozue 24:18 Iomraidhean Croise

Iri ku kɔ̃ 116:16

Aɔ̃ Lafɛ̃ɛ, amu woo ce icɛɛi. Amu ama inɛmɔkɔi inaabo woo ce icɛɛi. Awɔi ì fũ ikũ ŋa iyi wa dĩm ŋau.

Kufita 10:2

Nɔ bɛɛbɛi aa yɔkɔ i sisia amaɛ ŋa do tɔkuɛ ŋa bɛi ǹ yaako inɛi Ezibiti ŋa do si bɛi ǹ jɔ̀ à yɛ nyindam ŋa si ilɛ nŋa. Nɔ aa mà ŋa iyi amui ǹ jɛ Aɔ̃ Lafɛ̃ɛ.

Kufita 15:2

Aɔ̃ Lafɛ̃ɛi í jɛ gbugbãm, nŋui í faabam, an kɔ̃aa iri. Nŋui í jɛ Lafɛ̃ɛm an saabuɛ, nɔ í jɛ Lafɛ̃ɛi baam, an sisi kulaɛ.

Kufita 23:31

Ilɛ nŋɛ á sintii hai Tenkui Njeeu hee ku bɔ Tenkui inɛi Filisi ŋa do hai gbaai Sinai nɔ ku bɔ hee idoi Efaratau. An da nŋɛ inɛi ilɛ ŋau bɛ si awɔ ku ba i lele ŋa ŋa.

Misee 4:2

Ntɔ ntɔ inɛi ilɛ nkpɔ nkpɔi á maa koo bɛ nɔ aa sɔ̃ njɛi a maa ni, i naa wa ŋa ka gũ iri kutai Aɔ̃ Lafɛ̃ɛ tengi bii kpasɛ̃i Aɔ̃ Lafɛ̃ɛi tɔkui Zakɔbu ŋau í wa. Tengi bɛi á kɔ wa si kpãaɛ ŋa, do bɛi aa ka tooɛ, domi hai Siɔ̃ɔi woodaɛ á fita wa, nɔ hai Zeruzalɛmui ideɛ wa naa.

Zakari 8:23

Waati bɛɛbɛ, hai si dimi fei inɛ ŋa iyi aa maa fɔ ide do fee ikã ikã, inɛ mɛɛwa á maa mu itĩi ibɔi Zuifu a maa ni, aa ka tooɛ domi à gbɔ iyi Ilaaɔ̃ í wɛɛ do iŋɛ.

Woo bɛ ŋa 7:45

Ilei acɔu, bala nwa ŋa iyi à naa si anyii inɛ sinte ŋau, aŋa do Zozue woo cua nŋa à soo à nɛò wa ilɛu ihɛ̃. Ilɛu Ilaaɔ̃i í lele dimi ŋa iyi à tako à wa si wo. Nɔ ilei acɔu í wa ihɛ̃ hee waatii ilaalu Davidi.

Wooda ku kɔsi 10:21

Nŋui ì nɛ ku saabu ŋa. Nŋu akãi í jɛ Aɔ̃ Lafɛ̃ɛ nŋɛ, nɔ nŋui í kɔ̃ icɛ jiida ŋau si ŋɛ do icɛ ku nɛ njo ŋa iyi ì yɛ do iju nŋɛ ŋau.

Wooda ku kɔsi 33:27

Hai ku kpɛ, Aɔ̃ Lafɛ̃ɛi í jɛ bi ku manjiɛ. Hai ku kpɛi wa nyisi gbugbãɛ wa si ilɛ ihɛ̃. Nŋui í lele mbɛɛɛ ŋa hai si wajuɛ nɔ í naɛ wooda í ni, i kpa ŋa.

Zozue 23:9

Aɔ̃ Lafɛ̃ɛ í lele dimi ŋa iyi à la nɔ à nɛ gbugbã ntɔ ntɔ hai si waju nŋɛ nɔ hee ku baa nsɛi inɛ kãma kù yɔkɔ ku leekĩ si waju nŋɛ.

Zozue 24:17

Lasabu bɛɛbɛ kú jĩò wa domi Aɔ̃ Lafɛ̃ɛ nŋui í jɛ Lafɛ̃ɛ nwa, nŋui í nɔ í nya wa wa hai ilɛi Ezibiti bii à tako à waa jɛ aru awa do bala nwa ŋau nɔ à yɛ maamaake nla nla ŋa iyi í ce waati bɛɛbɛ. Nŋui í degbe wa si kpãa iyi à too fei do si aninii inɛ ŋa iyi à lɔ fei.

Zozue 24:19

Ŋɔi Zozue í sɔ̃ inɛ ŋau í ni, i kaa yɔkɔ i cea Aɔ̃ Lafɛ̃ɛ icɛ ŋa domi Aɔ̃ Lafɛ̃ɛ í má, nɔ nŋu akãi ì nɛ i tɔɔ ŋa. Na nŋu, bii ì fũsiɛ awɔ nɔ ì koo ì waa cea iwɛ̃ ŋa icɛ ŋa, kaa ce nŋɛ suurui dulum du ŋɛ, amma á sinda si ŋɛi ku ce nŋɛ laalɔ nɔ ku kpa iri nŋɛ baa do iyi í ce nŋɛ jiida nkpɔ nkpɔ tã.