Zozue 24:17 - Bibeli do fee

¹⁷ Lasabu bɛɛbɛ kú jĩò wa domi Aɔ̃ Lafɛ̃ɛ nŋui í jɛ Lafɛ̃ɛ nwa, nŋui í nɔ í nya wa wa hai ilɛi Ezibiti bii à tako à waa jɛ aru awa do bala nwa ŋau nɔ à yɛ maamaake nla nla ŋa iyi í ce waati bɛɛbɛ. Nŋui í degbe wa si kpãa iyi à too fei do si aninii inɛ ŋa iyi à lɔ fei.

Zozue 24:17 Iomraidhean Croise

Bomma 2, 13:10

Amma bi ti awa, Aɔ̃ Lafɛ̃ɛi í jɛ Lafɛ̃ɛ nwa. Nɔ a kù fũsiɛ awɔ. Woo weeɛ ŋai à jɛ tɔkui Arɔ̃ɔ ŋa nɔ inɛi Levii ŋa à ya maa ceaa icɛ.

Kufita 13:14

Nɔ bii ama nŋɛ ŋa à na à bee ŋɛ ajɔ akã à ni, yoomai í jɛ yaasei kuceu bɛ, aa jɛ nŋa ŋai i ni, Aɔ̃ Lafɛ̃ɛ í nya wa hai ilɛi Ezibiti do awɔ gbugbãɛ si aru ku jɛ nwa.

Kufita 13:3

Ŋɔi Moizi í sɔ̃ inɛ ŋau í ni, i ya ye gigii ajɔu ihɛ̃ si bii ì fita wa hai ilɛi Ezibitiu ŋa bii ì tako ì jɛ aru ŋa wo. I ya ye gigii ajɔu ŋa si na iyi í jɔ̀ Aɔ̃ Lafɛ̃ɛi í nya ŋɛ hai bɛ do gbugbã nlaɛ. Nɔ si waatiu bɛ i maà ya jɛ pɛ̃ɛ iyi à dasi levɛ̃ɛ í dede ŋa.

Kufita 19:4

Aɔ̃ Lafɛ̃ɛ í ni, ì yɛ bɛi ǹ cea inɛi Ezibiti ŋau ŋa do yaase bɛi ǹ naaò ŋɛ wa ihɛ̃ kɔkɔi amu takam do awɔ gbugbãm nɔ ǹ so ŋɛ wa bɛi kungbã í ya so amaɛ ŋa.

Ezai 46:4

n kaa n kpaasi hee i koo i gboò ŋa. Bɛɛbɛi an maa n mu ŋɛ hee ntoi iri nŋɛ ŋa a koo a fũutaò. Amui ǹ taka ŋɛ, nɔ amui an maa n mu ŋɛ. Ntɔ ntɔ amui an maa n sobi ŋɛ, nɔ amui an faaba ŋɛ.

Wooda ku kɔsi 29:2

Iŋɛ taka nŋɛ ì yɛ wahala kugaabu ŋa iyi í jɔ̀ í naa si ŋa, do nyinda ŋa do maamaake ŋa iyi í ce.

Wooda ku kɔsi 32:9

Amma í jilɛa araɛ zamaai inɛi Izirɛli ŋau. Nŋu takaɛi wa degbe nyaanzei Zakɔbu ŋau.

Wooda ku kɔsi 7:19

Iŋɛ fei ì yɛ laakai ku cɔ kulele ŋa iyi í jɔ̀ í naa si ŋa, do maamaake nla nla ŋa iyi í ce. Ì nɔ ì yɛ gbugbã nlaɛ iyi í nya ŋɛò wa hai si ilɛu. Bɛɛbɛ mɔi Aɔ̃ Lafɛ̃ɛ nŋɛ á nɔ ku cea inɛ ŋa iyi ì waa ce njo nŋa ŋau bɛ fei ŋa.

Zozue 24:16

Ŋɔi inɛ ŋau aŋa fei à jɛ à ni, lasabui Aɔ̃ Lafɛ̃ɛ ku fũsi awɔ nɔ kaa maa gulɛa iwɛ̃ ŋa kú jĩò wa.

Zozue 24:18

Nɔ nŋui í lele nwa dimi nkpɔ nkpɔ, hee do inɛi Amɔre ŋa iyi à wa si ilɛu ihɛ̃ wo. Na nŋu, awa mɔ Aɔ̃ Lafɛ̃ɛi aa ka cea icɛ domi nŋui í jɛ Lafɛ̃ɛ nwa.