Zozue 24:15 - Bibeli do fee

¹⁵ Bii ì nɔ ì yɔɔ iyi i kaa cea Aɔ̃ Lafɛ̃ɛ icɛ ŋai, to, i cica inɛ iyi ì bi i cea icɛ ŋa. Iwɛ̃ ŋa iyi bala nŋɛ ŋau à ya tako à maa tɔɔ do icei idoui ì bi i cea icɛ ŋa de, mà iwɛ̃i inɛi Amɔre ŋa si ilɛ bii ì wa ŋau. Amu de, amu do inɛi kpasɛ̃m ŋa Aɔ̃ Lafɛ̃ɛi aa ka cea icɛ.

Zozue 24:15 Iomraidhean Croise

Kusintii Andunya 18:19

An sɔ̃ɔi domi nŋui ǹ nya ku ba ku sɔ̃ amaɛ ŋa do tɔkuɛ ŋa a too kpãam, a maa nɛ dee dee nɔ a maa ce jiidaɛ. Bɛɛbɛi an kɔ̃ò kuwã iyi ǹ ceaau.

Kusintii Andunya 35:2

Nɔ Zakɔbu í sɔ̃ inɛi kpasɛ̃ɛ ŋa do inɛ ŋa iyi à wa bi tɛɛ fei, í ni, i nyɔ iwɛ̃ nŋɛ ŋa iyi ì nɛu. I ce buki iyi á jɔ̀ i maaju ŋa, nɔ i kpaasi ibɔ nŋɛ ŋa.

Ilaalu 1, 18:21

Ŋɔi Elii í sɛkɛɛ si zamaau nɔ í ni, hee waati yoomai aa jɔ̀ idɔ minji nŋɛ ŋa. Bii í jɛ ì yɔɔ iyi Aɔ̃ Lafɛ̃ɛi í jɛ ntɔ ŋa i tɔɔɛ, bii Baali mɔi i tɔɔɛ ŋa. Amma zamaau kù jɛaa ide kãma.

Bomma 1, 1:14

do inɛi Zebusi ŋa do inɛi Amɔre ŋa do inɛi Girigasi ŋa,

Iri ku kɔ̃ 101:2

Ǹ bi n gbɔ yaasei kpãa iyi í jɛ dee dee, nɔ n tooɛ. Waati yoomai aa naa bi tom. An maa n nɛi do idɔ iyi í má si aninii inɛi kpasɛ̃m ŋa.

Iri ku kɔ̃ 119:106

Ǹ fɔ do kugbasi ǹ ni, an jirima wooda dee deeɛ ŋau.

Kufita 23:2

I maà ya too idei zamaa i maa ceò laalɔ ŋa. I maà ya too idɔɔbii zamaa si sɛɛda ibo iyi à waa jɛ bi ku ce kiiti bii a kù waa bi ntɔ ku fɔ.

Kufita 23:24

I maà gulɛ i tɔɔ iwɛ̃ nŋa ŋa nɔ i maà too si kuce nŋa ŋa. Amma i lɛgɛ iwɛ̃ nŋa ŋau fei mam mam nɔ i lɛgɛ kuta ŋa iyi à gũ ŋau.

Kufita 34:15

Na nŋu, i maà jɔ̀ iŋɛò inɛi ilɛ ŋau i dĩ akabuu ŋa, domi bii iŋɛò ŋa ì dĩ akabuu ŋa, waati iyi à na à dabii à waa cea iwɛ̃ nŋa ŋa kuwee aa na a kpe ŋɛ iŋɛò ŋa i jɛ ijɛi kuwee nŋa ŋa.

Ezekiɛli 20:39

Nɔ Aɔ̃ Lafɛ̃ɛ í ni, iŋɛ inɛi Izirɛli ŋa, inɛ fei á yɔkɔ koo tɔɔ iwɛ̃ɛ ŋa. Amma si anyii nŋu, ì nɛ i jirimam ŋai. I maà ti i maa mɔsi irim ku bɛjɛ do kuwee ŋa iyi ì ya maa cea iwɛ̃ nŋɛ ŋau má.

Daniɛli 3:18

Nɔ baa bii kù jɛ bɛɛbɛ mɔi, ilaalu, jɔ̀ i mà iyi a kaa ka tɔɔ iwɛ̃ɛ pai, nɔ a kaa ka sɛɛbataa iwɛ̃ɛ iyi ì jɔ̀ à ce do wura à koo à gũu bɛ.

Kuwee 14:42

Si anyiɛ aa dɛ kuta mmuɛ mái a sãsi agbɛi kuta sinte ŋau nɔ a fɔ pɔkɔdɔ mmuɛ a teese a tɔɔkɔò ileu.

Misee 4:5

Si bɛi dimi baa yooma fei í ya bi ku maa jirima iwɛ̃ɛi, awa, Aɔ̃ Lafɛ̃ɛ nwai aa ka maa jirima hee do ajɔ fei.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Wooda ku kɔsi 13:7

Á yɔkɔ ku jɛ ajɔ akã inɛ gɔ nŋɛ á yɛ igbãɛ walakɔ ifɔɛ walakɔ ama inɛmɔkɔɛ walakɔ ama inaaboɛ walakɔ aboɛ walakɔ kpaasi jiidaɛ, í naa í kpoo si asii í ni, ka koo kaa gulɛa iwɛ̃ ŋa. Iwɛ̃ ŋau bɛ, baa bala nŋɛ ŋa a kù mà ŋa hee má jɛ iŋɛ taka nŋɛ.

Wooda ku kɔsi 29:18

Idei kugbasi ku nɛ gbugbãu ihɛ̃, bii si inɔ nŋɛ inɛ gɔ iyi í gbɔ ide ŋau, wa fɔ si idɔɛ wa ni mii fei á nɛa nŋui dee dee baa bii nŋu wa mɔsi do itĩ ku yikai nŋu bɛi nŋu í tako wa ce isɛɛnɛi nŋu wo, bii í tale si inɛ gɔ ŋa iwɛ̃ ku tɔɔ,

Zozue 24:16

Ŋɔi inɛ ŋau aŋa fei à jɛ à ni, lasabui Aɔ̃ Lafɛ̃ɛ ku fũsi awɔ nɔ kaa maa gulɛa iwɛ̃ ŋa kú jĩò wa.

Woo kiiti ŋa 6:10

Nɔ ǹ sɔ̃ ŋɛ ǹ ni, amui ǹ jɛ Aɔ̃ Lafɛ̃ɛ nŋɛ. I kù nɛ i tɔɔ iwɛ̃i inɛi Amɔre ŋa si ilɛ bii ì wau ŋa. Amma i kù gbɔ iyi ǹ sɔ̃ ŋɛ ŋa.