Zozue 24:14 - Bibeli do fee

¹⁴ Ŋɔi Zozue í ni má, na nŋu nsɛi, iŋɛi ì nɛ i jirima Aɔ̃ Lafɛ̃ɛ bɛbɛi, nɔ i ceaa icɛ do idɔ nŋɛ fei ŋa, do dee dee ku jɛ. I jɔ̀ iwɛ̃ ŋa iyi bala nŋɛ ŋau à tako à waa tɔɔ waati iyi à wa icei idoi Efaratau do si waati iyi à na à wa ilɛi Ezibitiu, nɔ i na ara nŋɛ si icɛi Aɔ̃ Lafɛ̃ɛ ku ce ŋa.

Zozue 24:14 Iomraidhean Croise

Kusintii Andunya 17:1

Iyi Aburamu í nɛ adɔ̃ cinɛò fɛɛwa do mɛɛsã ŋɔi Aɔ̃ Lafɛ̃ɛ í naa bi tɛɛ í ni, amui ǹ jɛ Ilaaɔ̃ ilu gbugbã fei. Jɛ kuwɛɛɛ si wajum ku ba i maà nɛ taale kãma.

Kusintii Andunya 35:2

Nɔ Zakɔbu í sɔ̃ inɛi kpasɛ̃ɛ ŋa do inɛ ŋa iyi à wa bi tɛɛ fei, í ni, i nyɔ iwɛ̃ nŋɛ ŋa iyi ì nɛu. I ce buki iyi á jɔ̀ i maaju ŋa, nɔ i kpaasi ibɔ nŋɛ ŋa.

Ilaalu 2, 20:3

Si kutɔɔɛu wa nii, Aɔ̃ Lafɛ̃ɛ, ǹ wa n tɔɔɛi, ye gigi iyi ǹ ce isɛɛnɛm nii si dee dee ku jɛ si wajuɛ muafiti kù wa si, nɔ ǹ ce mii iyi í dɔ̃ɛ si. Si anyiɛ, nɔ Ezekiasi wa kpata ntɔ ntɔ.

Ɛsidarasi 9:11

iyi à gbɔ hai si gɛlɛi walii woo ce icɛɛ ŋau. Ì sɔ̃ ŋa ì ni, ilɛ iyi an mu nŋɛu í jɛ ilɛ gɔ iyi í nɛ riisi. Inɛ ŋa iyi à wa bɛ ŋau aŋa taka nŋa à riisi, nɔ hai bii ilɛu í sinti hee ku bɔ iri ku kpaɛ laalɔ ku ce nŋa í caa.

Zɔɔbu 1:1

Mɔkɔ gɔi í wɛɛ wo si ilɛi Usi à ya kpoo Zɔɔbu. Mɔkɔu kù nɛ taale kãma, í jɛ inɛ dee dee, í ya jirima Ilaaɔ̃, nɔ í ya saa laalɔ.

Zɔɔbu 28:28

Si anyiɛ, nɔ í sɔ̃ amanɛ ŋa í ni, amu Aɔ̃ Lafɛ̃ɛ ku jirimai í jɛ laakai, nɔ laalɔ ku saai í jɛ bisi.

Iri ku kɔ̃ 111:10

Bii ì bi i nɛ laakai, jɔ̀ i mà bɛɛrɛi Aɔ̃ Lafɛ̃ɛ titã. Inɛ ŋa iyi à waa jirimaɛ fei, à ya nɛ laakai jiidai. Bɛɛrɛi Aɔ̃ Lafɛ̃ɛ á maa wɛɛi hee do ajɔ fei.

Iri ku kɔ̃ 119:1

Ilu inɔ didɔ̃ ŋai inɛ ŋa iyi isɛɛnɛ nŋa kù nɛ taale, nɔ à waa jirima woodai Aɔ̃ Lafɛ̃ɛ.

Iri ku kɔ̃ 119:80

Jɔ̀ idɔm ku jɛ dee dee si ideɛ ŋa ku ba anyɔ ku maà biim.

Iri ku kɔ̃ 130:4

Amma awɔ ì ya cea inɛ ŋa suurui, ŋɔi í jɔ̀ í nɛ ka jirimaɛ.

Iri ku kɔ̃ 81:10

i kù nɛ i jɔ̀ iwɛ̃ gɔ ku wa bi tu ŋɛ hee i gulɛ i maa tɔɔɛ ŋa.

Ezekiɛli 20:18

Ǹ sɔ̃ ama nŋa ŋa si gbaau ǹ ni, i maà too si ikɔi baa nŋɛ ŋa do wooda nŋa ŋau nɔ i maà riisi ara nŋɛ ŋa do iwɛ̃ nŋa ŋau.

Ezekiɛli 23:3

Ama inaabo ŋau, waati iyi à wɛɛ mudɛ̃ɛ, icui à ya maa ta Ezibiti. Bɛi inɛ ŋa à tɛ amɔ nŋa ŋa nɔ à baabaa gɛnda nŋa ŋa.

Ozee 3:5

Si anyiɛ, inɛi Izirɛli ŋau aa sinda a nyi wa, nɔ aa maa dɛdɛ Aɔ̃ Lafɛ̃ɛ do ilaalu nŋa iyi à bí si dimii Davidiu. Si zigiida nŋau, aa maai si Aɔ̃ Lafɛ̃ɛ wa nɔ aa maai si jiida ku jɛɛ si waati ŋa iyi wa mɔsi do waju.

Kuwee 17:7

Si bɛɛbɛ inɛi Izirɛli ŋau aa jɔ̀ kuwee iyi à ya maa cea iwɛ̃ ŋa iyi à yɛ bɛi iwo kombo ŋa. Wooda iyi ihɛ̃ á maa wɛɛi waati kãma fei do si kudede ikã ikãi inɛi Izirɛli ŋau fei.

Misee 6:8

Awɔ amanɛ, à jɔ̀ ì mà mii iyi í jɛ jiida, do mii iyi Aɔ̃ Lafɛ̃ɛ í bi i ce. Í bi i ce mii iyi í tɛ, do mii iyi í jɛ dee dee, nɔ i maa nɛ do ara ku kaye do nŋu Ilaaɔ̃ Lafɛ̃ɛɛ.

Luku 8:15

Inɛ gɔ ŋa mɔ à yɛi bɛi ilɛ jiidau. Aŋai à gbɔ ideu nɔ à jilɔɔ si idɔ jiida hai nɛ muafiti, nɔ à waa temua hee wa so iso.

Woo bɛ ŋa 9:31

Inɛi igbɛi Jesu ŋa iyi à wa ilɛi Zudee do ilɛi Galilee do ilɛi Samari fei à wɛɛò laakai ku sũ, à waa jirima Ilaaɔ̃, à mua njɛ gbugbã nɔ akpɔ nŋa í kɔ̃ɔsi wa koo do sobii Hundei Ilaaɔ̃.

Kɔrɛnti 2, 1:12

Ide iyi í jɔ̀ à waa tɔɔ fufu wee. Idɔ nwa wa jɛ nwa sɛɛda iyi isɛɛnɛ nwa í má si wajui inɛi andunya ŋa, nɔ iyi í re mɔm nŋui í jɛ si waju nŋɛ. Kù nɔ kù jɛ do muafiti. Mii ŋau bɛ fei, hai bi Ilaaɔ̃i wa naa. Kù jɛ do bisii amanɛ ŋa, amma do didɔ̃i Ilaaɔ̃i.

Efɛɛzu 6:24

Nɔ didɔ̃i Ilaaɔ̃ ku wɛɛ do inɛ ŋa iyi à bi Lafɛ̃ɛ nwa Jesu Kirisi fei nɔ kubi nŋa ci ya kpaasi.

Wooda ku kɔsi 10:12

To, nsɛi iŋɛ inɛi Izirɛli ŋa, mii iyi Aɔ̃ Lafɛ̃ɛ wa cɔ si ŋɛi í jɛ, i jirimaɛ, nɔ i too idɔɔbiɛ ŋa, nɔ i buu ŋa, nɔ i ceaa icɛ do idɔ nŋɛ fei do lasabu nŋɛ fei.

Wooda ku kɔsi 18:13

Na nŋu, i leekĩ dee dee do Aɔ̃ Lafɛ̃ɛ nŋɛ.

Wooda ku kɔsi 6:13

Na nŋu, i jɔ̀ i mà bɛɛrɛi Aɔ̃ Lafɛ̃ɛ nŋɛ nɔ i ya gulɛ i tɔɔ nŋu akã ŋa, nɔ kugbasi iyi ì waa ce, i ya coo do iriɛ ŋa.

Filipi 1:10

ku ba i yɔkɔ i wũa mii ŋa iyi à jɛ jiida à re ŋa. Bɛɛbɛ mɔi aa jɛ inɛ kumá ŋa, nɔ si ajɔi Kirisiu i kaa nɛ taale kãma ŋa,

Zozue 24:2

Ŋɔi Zozue í sɔ̃ zamaau fei í ni, ide iyi Aɔ̃ Lafɛ̃ɛ nŋɛ í fɔ wee. Í ni, tako wo bala nŋɛ ŋa à bubai do icei Efarata ido nlau do ikpa ihɔ̃, nɔ à ya maa tɔɔ iwɛ̃ ŋa. Nyaanzei Terai ǹ wa n fãa, nŋu iyi í jɛ baai Aburahamu do Nakɔɔ.

Zozue 24:23

Ŋɔi Zozue í ni, to. I nyɔ iwɛ̃ ŋa iyi à wa si anini nŋɛ ŋau nɔ i na Aɔ̃ Lafɛ̃ɛ nwa ara nŋɛ mam mam ŋa.

Samuɛli 1, 12:14

Bii ì mà bɛɛrɛi Aɔ̃ Lafɛ̃ɛ ŋa nɔ ì waa tɔɔɛ ŋa nɔ ì waa gbɔ ideɛ ŋa nɔ i kù waa kɔ̀si woodaɛ ŋa, nɔ bii ì waa too Aɔ̃ Lafɛ̃ɛ nŋɛ ŋa, iŋɛ do ilaalu nŋɛ, mii fei á nɛ nŋɛi dee dee.

Samuɛli 1, 12:24

Amma iŋɛ mɔ i jɔ̀ i mà bɛɛrɛi Aɔ̃ Lafɛ̃ɛ nɔ i tɔɔɛ do ntɔ do idɔ nŋɛ fei ŋa, domi ì yɛ mii nla nla ŋa iyi í ce si waju nŋɛ.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.