Zozue 24:13 - Bibeli do fee

¹³ Nɔ í mu nŋɛ ilɛ iyi i kù logoo ŋa do ilu ŋa iyi kù jɛ iŋɛ taka nŋɛi ì ma ŋa ŋa, nɔ à baa à jɛ tu ŋɛ, hee do jĩi ŋa iyi kù jɛ iŋɛi ì lɔ ŋa ŋa nɔ ì waa jɛ iso nŋa ŋa.

Zozue 24:13 Iomraidhean Croise

Kufita 6:8

An jɔ̀ i lɔ ŋa si ilɛ iyi ǹ ce kuwã do kugbasi n na Aburahamu do Izaaki do Zakɔbu. Amu Aɔ̃ Lafɛ̃ɛ, an na ŋa ku jɛ tubu nŋa.

Mɔnda ŋa 13:22

Inɛ jiida í ya jɔ̀a amaɛ do tɔkuɛ ŋa tubu, amma amanii ilu dulum, ti inɛ dee dee ŋai á na ku jɛ.

Wooda ku kɔsi 19:1

Waati iyi Aɔ̃ Lafɛ̃ɛ í na í kpa inɛ ŋa iyi à wa si ilɛ iyi á na ŋɛu, waati iyi ì na ì lele inɛi ilɛ ŋau, nɔ ì buba si ilu nŋa do si kpasɛ̃ nŋa ŋau,

Wooda ku kɔsi 8:7

Aɔ̃ Lafɛ̃ɛ nŋɛ á jɔ̀ i lɔ si ilɛ jiida ŋa, ilɛ bii inyi í wa do isɔ̃ ŋa do ido ŋa iyi à cã à waa dasi lɔɔma ŋa do iyi à waa cã wa hai iri kuta ŋa.

Zozue 11:13

Amma inɛi Izirɛli ŋau a kù jo ilu ŋa iyi à wa si antaii geete ŋau baa akã, í gbe Hasɔɔ nŋu akã iyi Zozue í jo.

Zozue 21:45

Ide didɔ̃ ŋa iyi Aɔ̃ Lafɛ̃ɛ í wãò inɛi Izirɛli ŋau fei kãma kù gbe iyi kù ce. Fei ndɛɛ í kɔ̃i mam mam.