Zozue 24:12 - Bibeli do fee

¹² Í jɔ̀ zigiida í naa si inɛ ŋau nɔ à sa hai bi tu ŋɛ bɛi ilaalu minjii inɛi Amɔre ŋau à sa nŋɛ. Kù jɛ taakuba nŋɛ ŋa, kù nɔ kù jɛ afa nŋɛ ŋai í jɔ̀ inɛ ŋau à sa.

Zozue 24:12 Iomraidhean Croise

Iri ku kɔ̃ 135:11

Nŋui í jɔ̀ à kpa Sioni ilaalui inɛi Amɔre ŋa, do Ɔgu ilaalui ilɛi Basãa, do ilaalui ilɛi Kanaã ŋa fei.

Iri ku kɔ̃ 80:10

Ì ceaa inya jiida ntɔ ntɔ. Icãɛ í mi ilɛ nɔ í la í gba ilɛu fei.

Iri ku kɔ̃ 80:9

Hai Ezibitii ì tu jĩi ndii rezɛ̃ɛu wa. Ì lele dimi mmu ŋa hai si inya nŋa ì bɛi ì lɔɔ.

Kufita 23:28

Zigiidaui á ya lele inɛi Hɛvi ŋa do inɛi Kanaã ŋa do inɛi Hɛti ŋau hee i maa to wa ŋa.

Kufita 23:31

Ilɛ nŋɛ á sintii hai Tenkui Njeeu hee ku bɔ Tenkui inɛi Filisi ŋa do hai gbaai Sinai nɔ ku bɔ hee idoi Efaratau. An da nŋɛ inɛi ilɛ ŋau bɛ si awɔ ku ba i lele ŋa ŋa.

Kuka 21:31

Do yaase bɛi inɛi Izirɛli ŋau à bubaò si ilɛi inɛi Amɔre ŋau mbɛ.

Kuka 21:32

Hai bɛ ŋɔi Moizi í nyi í bɛ inɛ gɔ ŋa má ku ba a koo a cɔ yaasei ilui Yazɛɛ wa. Si anyiɛ ŋɔi inɛi Izirɛli ŋau à koo à jɛ iluu do ilɛɛkoɛ ŋau fei igũ, nɔ à lele inɛi Amɔre ŋa iyi à wa bɛ ŋau fei.

Wooda ku kɔsi 31:4

Aɔ̃ Lafɛ̃ɛ á ce nfei inɛi ilɛ ŋau bɛi í cea Sioni do Ɔgu ilaalui inɛi Amɔre ŋa do ilɛ nŋau.

Wooda ku kɔsi 4:46

Inɛi Izirɛli ŋau do ikpa nunui daakɔi idoi Zuudɛ̃ɛui à wa, si lɔɔma iyi í wa do wajui Bɛti-Peɔɔ si ilɛi Sioni ilaalui inɛi Amɔre ŋau. Sioni takaɛ Hɛsebɔ̃ɔi í wa, amma Moizi do inɛi Izirɛli ŋau à jɔɔ igũ,

Wooda ku kɔsi 4:47

nɔ à gba ilɛɛ do ilɛi Ɔgu ilaalui Basãa. Ilaalu minjii inɛi Amɔre ŋau do ikpa nunui daakɔi idoi Zuudɛ̃ɛi à wa.

Wooda ku kɔsi 7:20

Aɔ̃ Lafɛ̃ɛ á jɔ̀ angãgã goofã ŋa a naa si ŋa hee inɛ ŋa iyi à waa sa à waa manji ŋau fei a kpa iri.

Zozue 2:10

Inɛ fei wa yaya do njoi si na iyi í jɔ̀ à gbɔ bɛi si waatii kufita nŋɛ wa hai ilɛi Ezibiti Aɔ̃ Lafɛ̃ɛ í jɔ̀ inyii Tenkui Njeeu í gbɛ si waju nŋɛ nɔ ì kua ŋa. Nɔ à gbɔ bɛi ì cea Sioni do Ɔgu ŋa, ilaalu minjii inɛi Amɔre ŋa iyi à wa ikpa nunui daakɔi idoi Zuudɛ̃ɛu. À gbɔ iyi ì kpa ŋa ŋa hee do mii ndu ŋa ŋa fei.