Zozue 24:10 - Bibeli do fee

¹⁰ Amma Aɔ̃ Lafɛ̃ɛ í kɔ̀ ku gbɔ idei Balamu, í gbe í jɔ̀ í wee nŋɛ, nɔ í nya ŋɛ hai si awɔi Balaki.

Zozue 24:10 Iomraidhean Croise

Ezai 54:17

Dimii jĩnɛi igũ baa yooma iyi à ce na iriɛ fei, kaa ceɛ laalɔ kãma, nɔ inɛ baa yooma iyi á bɔòɛ bi ku ce kiiti fei, aa jɔ̀ a yɛ taalei lafɛ̃ɛi. Ikpɛ̃ iyi ǹ jilɛa inɛ ŋa iyi à jɛ woo ce icɛm ŋa mbɛ. Ikpɛ̃ui í jɛ dee dee ku jɛ iyi wa naa hai bi tom. Amu Aɔ̃ Lafɛ̃ɛi ǹ fɔ bɛɛbɛ.

Misee 6:5

Iŋɛ inɛm ŋa, i ye gigii laalɔ iyi Balaki ilaalui Moabu í lasabu ku cea bala nŋɛ ŋa wo, nɔ i ye gigii ide iyi Balamu amai Beɔɔ í jɛɛa wa. Hai Sitimu hee ku naa Giligali, bala nŋɛ ŋa à yɛ jiida ŋa iyi amu Aɔ̃ Lafɛ̃ɛ ǹ ce nŋa.

Kuka 22:35

Ŋɔi amalekau í jɛa í ni, aawo, too inɛ ŋau i koo. Amma ide ŋa iyi an sɔ̃ɛ nŋu akãi aa ya sɔ̃ ŋa. Ŋɔi Balamu í bɛi í mɔsi isɛɛnɛɛu do amanlu ŋa iyi Balaki í bɛ wau.

Wooda ku kɔsi 23:5

si na iyi í jɔ̀ a kù na a kù ko ŋɛ do sɔnda hee má jɛ do inyi si kpãa waati iyi ì fita wa hai ilɛi Ezibitiu ŋa, do si na iyi í jɔ̀ à koo à sãa Balamu amai Beɔɔ fia hai Petɔɔ si ilɛi Mezopotami à ni ku naa ku ceekpe ŋɛ.

Zozue 24:11

Si anyiɛ nɔ ì kua idoi Zuudɛ̃ɛu ì bɔ hee ilui Zeriko ŋa. Nɔ iŋɛò inɛi Zeriko ŋau ì ja ŋa. Bɛɛbɛ mɔi inɛi Amɔre ŋa do inɛi Ferɛzi ŋa do inɛi Kanaã ŋa do inɛi Hɛti ŋa do inɛi Girigasi ŋa do inɛi Hɛvi ŋa do inɛi Zebusi ŋa aŋa mɔ à ba ŋɛ ku ja. Nɔ Aɔ̃ Lafɛ̃ɛ í jɔ̀ ì jɛ aŋa fei igũ ŋa.