Zozue 24:1 - Bibeli do fee

¹ Zozue í tɔtɔɔ dimii Izirɛli fei Sikɛmu, nɔ í kpe inɛ ngbo ŋau do amanlu ŋau do woo kiiti ŋau do inɛ ngboi sooge ŋau, nɔ aŋa fei à naa à tɔtɔɔ bɛ si wajui Ilaaɔ̃.

Zozue 24:1 Iomraidhean Croise

Kusintii Andunya 12:6

Aburamu wa dabii si ilɛu fei hee í koo í tosiò ilu iyi à ya kpe Sikɛmu hee bi agboi Mɔre. Waati bɛɛbɛ inɛi Kanaã ŋa mɔi à wa si ilɛu.

Kusintii Andunya 35:4

Nɔ à na Zakɔbu andi iwɛ̃ nŋa ŋa iyi à nɛ fei, hee do hanlaga nŋa ŋa fei, nɔ í tu isa í si ŋa si icui jĩi nla gɔ bɛ kɔkɔi Sikɛmu.

Ilaalu 1, 12:1

Ŋɔi Roboamu í bɔ Sikɛmu, domi bɛi inɛi Izirɛli ŋau fei à bɔ ku biiɛ bomma.

Ilaalu 2, 23:1

Iyi Zoziasi í gbɔ idei inɛ ŋau, ŋɔi í tɔtɔɔ inɛ ngboi Zudaa do ti Zeruzalɛmu ŋau wa fei.

Woo bɛ ŋa 10:33

Iyi amalekau í fɔ bɛɛbɛ, ŋɔi ǹ bɛ siɛ inɛ ŋau bɛ wa gbakã, ì nɔ ì jɛ ì naa. Iyi bɛ í sĩa. Nsɛi awa fei à wa si wajui Ilaaɔ̃ ihɛ̃ à waa de itĩ si ide iyi Lafɛ̃ɛ í sɔ̃ɛ fei i sɔ̃ wa.

Wooda ku kɔsi 29:9

Iŋɛ inɛi Izirɛli ŋa, nnyi wee ì tɔtɔɔ si wajui Aɔ̃ Lafɛ̃ɛ nŋɛ. Inɛ fei í wa ihɛ̃. Hai inɛ ngboi dimi nŋɛ ŋa, do woo cua nŋɛ ŋa, do inɛ ngbo nŋɛ ŋa, do woo cɔ yaase bɛi mii ŋa wa nɛ si anini nŋɛ ŋa,

Zozue 20:7

Ŋɔi à ce bɛi Aɔ̃ Lafɛ̃ɛ í fɔu. Si ilɛi Galilee à nya ilui Kedɛsi ikã si iri kutai ilɛi inɛi Nɛfitali ŋa, nɔ à nya Sikɛmu ikã si iri kutai ilɛi inɛi Efaraimu ŋa, do Kiria-Aaba iyi à ya kpe Eborɔ̃ɔ si iri kutai ilɛi inɛi Zudaa ŋa.

Zozue 23:2

Ŋɔi ajɔ nŋu gɔ í kpe inɛi Izirɛli ŋau fei, hai inɛ ngbo nŋa ŋa do amanlu nŋa ŋa do woo kiiti nŋa ŋa do inɛ ngboi sooge nŋa ŋa. Í sɔ̃ ŋa í ni, amu wee ǹ gbo bɛbɛi hee í caa.

Woo kiiti ŋa 20:26

Ŋɔi inɛi Izirɛli ŋau fei à bɔ Betɛli, nɔ à wasi ku kpata si Aɔ̃ Lafɛ̃ɛ. Ŋɔi à ce anu ku dĩ ajɔ nŋu hai daakɔ hee alɛ í koo í lɛò, nɔ à cea Aɔ̃ Lafɛ̃ɛ kuwee ŋa iyi à ya jo si ina fei sãa sãa do kuweei anu akã.

Samuɛli 1, 10:19

Ŋɔi Samuɛli í ni má, iŋɛ wee ì kɔ̀si Ilaaɔ̃ Lafɛ̃ɛ nŋɛ nnyi ŋa, nŋu iyi í faaba ŋɛ hai si laalɔ do wahala nŋɛ fei, nɔ ì waa ni ŋa, dɛdɛ nwa ilaalu. To, i tɔtɔɔ wa bɛbɛi si wajui Aɔ̃ Lafɛ̃ɛ ŋa si dimi ikã ikã nŋɛ ŋa do si kpasɛ̃ nŋɛ ŋa.