Zozue 23:9 - Bibeli do fee

⁹ Aɔ̃ Lafɛ̃ɛ í lele dimi ŋa iyi à la nɔ à nɛ gbugbã ntɔ ntɔ hai si waju nŋɛ nɔ hee ku baa nsɛi inɛ kãma kù yɔkɔ ku leekĩ si waju nŋɛ.

Zozue 23:9 Iomraidhean Croise

Ilaalu 1, 21:26

Laalɔ ku ceɛ í kpeeò ku fɔ. Í koo wa tɔɔ iwɛ̃ ŋa dee dee bɛi inɛi Amɔɔ ŋa à ya ce, aŋa iyi Aɔ̃ Lafɛ̃ɛ í lele si wajui inɛi Izirɛli ŋa.

Bomma 2, 20:7

Aɔ̃ Lafɛ̃ɛ nwa, awɔi ì gba ilɛu ihɛ̃ hai si awɔi inɛ ŋa iyi à nɔɔ waati iyi awa zamaaɛ inɛi Izirɛli ŋau à to wa, nɔ ì na wa ku jɛ tu wa hee do ajɔ fei awa tɔkui Aburahamu kpaasiɛu.

Kufita 23:23

Amalekam nii á cua nŋɛ ku bɔò ŋɛ hee bi inɛi Amɔre ŋa do inɛi Hɛti ŋa do inɛi Ferɛzi ŋa do inɛi Kanaã ŋa do inɛi Hɛvi ŋa do inɛi Zebusi ŋa nɔ an kpa inɛ ŋau.

Kufita 23:30

An maa n lele mbɛɛ nŋɛ ŋai kpɛlɛ kpɛlɛ hee akpɔ nŋɛ ku na ku to bɛi aa gba ilɛu fei ŋa.

Woo bɛ ŋa 7:45

Ilei acɔu, bala nwa ŋa iyi à naa si anyii inɛ sinte ŋau, aŋa do Zozue woo cua nŋa à soo à nɛò wa ilɛu ihɛ̃. Ilɛu Ilaaɔ̃i í lele dimi ŋa iyi à tako à wa si wo. Nɔ ilei acɔu í wa ihɛ̃ hee waatii ilaalu Davidi.

Wooda ku kɔsi 11:23

nŋui á lele inɛi ilɛ ŋau bɛ fei hai si waju nŋɛ, nɔ ku jɔ̀ i jɛ ilɛ nla ŋa iyi à re ŋɛò gbugbã ŋau igũ ŋa.

Wooda ku kɔsi 7:24

Á da nŋɛ ilaalu nŋa ŋau si awɔ, nɔ i kpa mii iyi á jɔ̀ a ye gigi nŋa fei si ilɛu ihɛ̃ ŋa. Kãma nŋa kaa leekĩ si waju nŋɛ. Aa ce nfe nŋa ŋai fei mam mam.

Zozue 1:5

Si kuwɛɛɛ fei mbɛɛ kãma kaa yɔkɔ ku kɔ̀ ide si wajuɛ, domi an maa n wɛɛ do awɔi bɛi ǹ tako ǹ wɛɛ do Moizi wo. Ajɔ kãma n kaa n fũsiɛ awɔ hee má jɛ n jɔ̀ɛ.

Zozue 15:14

Ama inɛmɔkɔ mɛɛtai Aaba ŋa iyi à ya kpe Sesai do Ahimaa do Talimai, aŋai à na à jɛ dimi mɛɛtai inɛi Anaku ŋau. Nɔ Kalɛbu í lele dimi mɛɛta ŋau.

Zozue 23:5

Aɔ̃ Lafɛ̃ɛ nŋɛi á tale inɛ ŋau nɔ ku lele ŋa hai si waju nŋɛ nɔ i buba si ilɛ nŋa ŋau si bɛi nŋu takaɛ í ce kuwãɛ.

Zozue 23:8

Amma i leekĩ do Aɔ̃ Lafɛ̃ɛ nŋɛ nŋu akã ŋa bɛi ì waa leekĩ si nsɛi ŋa.

Zozue 24:18

Nɔ nŋui í lele nwa dimi nkpɔ nkpɔ, hee do inɛi Amɔre ŋa iyi à wa si ilɛu ihɛ̃ wo. Na nŋu, awa mɔ Aɔ̃ Lafɛ̃ɛi aa ka cea icɛ domi nŋui í jɛ Lafɛ̃ɛ nwa.