Zozue 23:8 - Bibeli do fee

⁸ Amma i leekĩ do Aɔ̃ Lafɛ̃ɛ nŋɛ nŋu akã ŋa bɛi ì waa leekĩ si nsɛi ŋa.

Zozue 23:8 Iomraidhean Croise

Ilaalu 2, 18:6

Í leekĩ do Aɔ̃ Lafɛ̃ɛi dim dim, kù fũsiɛ awɔ. Wa jirima wooda ŋa iyi Aɔ̃ Lafɛ̃ɛ í na Moizi fei.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Wooda ku kɔsi 10:20

I jirima Aɔ̃ Lafɛ̃ɛ nŋɛ nɔ i ya ceaa icɛ ŋa. Nŋui aa bi ŋa nɔ i ya ce kugbasi do iriɛ ŋa.

Wooda ku kɔsi 11:22

Ntɔ ntɔ, bii ì waa jirima wooda ŋa iyi ǹ na ŋɛu fei ŋa, nɔ ì waa ceò ŋa icɛ ŋa nɔ ì bi Aɔ̃ Lafɛ̃ɛ nŋɛ nɔ ì waa nɛ si kpãaɛ fei ŋa, nɔ ì naa ara nŋɛ,

Wooda ku kɔsi 13:4

i ce laakai i maà ceò idei waliiu bɛ walakɔ woo ce kuyɛ si alau bɛ icɛ ŋa, domi Aɔ̃ Lafɛ̃ɛ nŋɛi wa cɔ laakai nŋɛ bɛ, ku ba ku cɔ mà ì bi nŋu ŋa do idɔ nŋɛ fei, do lasabu nŋɛ fei.

Wooda ku kɔsi 13:5

Aɔ̃ Lafɛ̃ɛ nŋɛ nŋu akãi aa tɔɔ ŋa, nɔ i mà bɛɛrɛɛ ŋa, nɔ i jirima woodaɛ ŋa, nɔ i jirima ideɛ ŋa. I jɔ̀ i nɛ kubiɛ, nɔ i maa ceaa icɛ ŋa.

Wooda ku kɔsi 4:4

amma iŋɛ iyi ì leekĩ dee dee ŋa si wajui Aɔ̃ Lafɛ̃ɛu, iŋɛ fei ì wɛɛ si hunde nnyi.

Wooda ku kɔsi 8:20

Aa ku ŋai bɛi inɛi ilɛ ŋa iyi Aɔ̃ Lafɛ̃ɛ á kpa si waju nŋɛ ŋau, si na iyi í jɔ̀ i kù gbɔ ide ku fɔi Aɔ̃ Lafɛ̃ɛ nŋɛ ŋa.

Zozue 22:5

Iŋɛ de i ya maa jirima wooda ŋa iyi Moizi í na ŋɛu fei sãa sãa ŋa nɔ i ya maa ceò icɛ ŋa. I bi Aɔ̃ Lafɛ̃ɛ nŋɛ ŋa, i jirima idɔɔbiɛ ŋa, nɔ i ceò woodaɛ ŋau icɛ ŋa. I wɛɛ do nŋu ŋa nɔ i ceaa icɛ do idɔ nŋɛ fei do lasabu nŋɛ fei.

Zozue 23:7

I maà tɔtɔɔ ara nŋɛ do dimi mmu ŋa iyi à gbe si anini nŋɛ ŋau, i maà ce kutɔɔ do irii iwɛ̃ nŋa ŋa, nɔ i maà ya ce kugbasi do irii iwɛ̃ nŋa ŋau, nɔ i maà ya gulɛ i tɔɔ ŋa ŋa.

Zozue 23:9

Aɔ̃ Lafɛ̃ɛ í lele dimi ŋa iyi à la nɔ à nɛ gbugbã ntɔ ntɔ hai si waju nŋɛ nɔ hee ku baa nsɛi inɛ kãma kù yɔkɔ ku leekĩ si waju nŋɛ.