Zozue 23:7 - Bibeli do fee

⁷ I maà tɔtɔɔ ara nŋɛ do dimi mmu ŋa iyi à gbe si anini nŋɛ ŋau, i maà ce kutɔɔ do irii iwɛ̃ nŋa ŋa, nɔ i maà ya ce kugbasi do irii iwɛ̃ nŋa ŋau, nɔ i maà ya gulɛ i tɔɔ ŋa ŋa.

Zozue 23:7 Iomraidhean Croise

Ilaalu 2, 17:12

À tɔɔ iwɛ̃ ŋa iyi Aɔ̃ Lafɛ̃ɛ í ganji ŋa í ni a maà na a ce dimiɛu.

Ilaalu 2, 5:18

Mii iyi ǹ wa n tɔɔ Aɔ̃ Lafɛ̃ɛ ku ceem suuruɛ wee. Waati iyi lafɛ̃ɛm ilaalu wa lɔ ilei iwɛ̃ Rimɔɔu wa bɔ ku sɛɛbataa fei, awɔm nii í ya lɔkɔsi, nɔ amu mɔ ǹ ya n sɛɛbataa iwɛ̃u. Aɔ̃ Lafɛ̃ɛ ku yɔkɔɔm suuru waati iyi an koo n sɛɛbataa.

Bomma 2, 7:19

Amma bii awɔ do zamaaɛ do tɔku nŋɛ ŋa ì sinda hai bi tom ŋa, nɔ ì fũsi woodam ŋa do ide ŋa iyi ǹ jilɛ nŋɛ awɔ, nɔ ì na ì koo ì waa tɔɔ iwɛ̃ ŋa ì waa sɛɛbata si waju nŋa ŋa,

Iri ku kɔ̃ 16:4

Inɛ ŋa iyi à waa tɔɔ iwɛ̃ ŋau, aa ba wahala ntɔ ntɔ. Ajɔ kãma amu n kaa n cea iwɛ̃ ŋau kuweei njɛ má, nɔ n kaa n kpe baa iri nŋa si gɛlɛm má.

Kufita 20:5

I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

Kufita 23:13

I ya jirima ide ŋa iyi ǹ sɔ̃ ŋɛ ŋau bɛ fei. Iyi í re mɔm, nŋui í jɛ i maà ya fɔ idei iwɛ̃ kãma ŋa.

Kufita 23:33

I maà jɔ̀ a buba si ilɛ nŋɛ ŋa, domi iwɛ̃ nŋa ŋa aa jɛ nŋɛi bɛi cɛkũm, aa na i tɔɔ iwɛ̃ nŋa ŋau nɔ i ce dulum bi tom ŋa.

Mɔnda ŋa 4:14

Maà too kpãai ilu inɔ kukã ŋa, maà too si kuce nŋa.

Zeremi 12:16

Inɛ ŋau à kɔ inɛm ŋa kugbasi ku ce do irii iwɛ̃ iyi à ya kpe Baali. Amma ntɔ ntɔ, bii à mà isɛɛnɛ bɛi inɛ iyi í jɛ inɛm í nɛ ku ce, bii à waa ce kugbasi à waa ni, ǹ wa n gbasi do irii Aɔ̃ Lafɛ̃ɛ iyi í wɛɛ, waati bɛɛbɛi aŋa mɔ aa ba a buba si inɔi inɛm ŋa.

Zeremi 5:7

Na mii á jɔ̀ amu Aɔ̃ Lafɛ̃ɛ n ceɛ suuru, Zeruzalɛmu. Amaɛ ŋa à kɔ̀sim. À waa ce kugbasi do irii iwɛ̃ ŋa iyi a kù jɛ Ilaaɔ̃. Ǹ na ŋa bukaatai mii iyi à nɛ fei, amma à wasi sakara ku ce. À na ara nŋai mam mam si sakarau ku ce,

Ozee 2:17

Nɔ hai tengi bɛ, an sindoa jĩi ndii rezɛ̃ɛɛ ŋa, nɔ n jɔ̀ lɔɔmai Akɔɔ ku baa ku jɛ bɛi andɛ koofai kpãa ku cɔ. Hai waati bɛɛbɛ, á maa toom nii bɛi si waatii mudɛ̃ɛɛ, bɛi si waatii kufitaɛ wa hai ilɛi Ezibiti.

Sofoni 1:5

Inɛ ŋa iyi à ya gũ antaii ile sikifa ŋa a maa tɔɔ cukpa do leleaɔ̃ ŋa, an ce nfei aŋa feii. Inɛ ŋa mɔ iyi à ya maa tɔɔm, nɔ a tɔtɔɔ a maa ceò kugbasi do irii iwɛ̃ iyi à ya kpe Molɔkuu, an ce nfe nŋai.

Kuka 32:38

do Nebo do Baali-Meɔ̃ɔ iyi à kpaasi iri nŋa ŋau, do Sibuma, nɔ à sɔ ilu gɔ ŋa iyi à teese à ma ŋau iri.

Kuka 33:55

Amma bii i kù lele inɛi ilɛ ŋau bɛ hai si waju nŋɛ, inɛ ŋa iyi i jɔ̀ ŋa, aŋai aa na a yɛ bɛi agũ ŋa si iju nŋɛ, do bɛi abɛɛ ŋa iyi aa maa gũ ŋɛ si cingaa nŋɛ ŋa, aŋai aa jɛ mbɛɛ nŋɛ ŋa si ilɛ bii aa na i buba ŋau.

Kɔrɛnti 1, 15:33

I maà ya jɔ̀ a dĩ iju nŋɛ. Kpaasi laalɔ, í ya jɔ̀ inɛ ku sindai hai si kpãa jiida.

Efɛɛzu 5:11

I maà dasi ara nŋɛ si kookoosu laalɔ iyi amanɛ ŋa à waa ce si ilu kuku. Amma kookoosu dimi bɛɛbɛ i ya fɔɔ inɛ ŋa a gbɔ ŋa.

Wooda ku kɔsi 10:20

I jirima Aɔ̃ Lafɛ̃ɛ nŋɛ nɔ i ya ceaa icɛ ŋa. Nŋui aa bi ŋa nɔ i ya ce kugbasi do iriɛ ŋa.

Wooda ku kɔsi 6:13

Na nŋu, i jɔ̀ i mà bɛɛrɛi Aɔ̃ Lafɛ̃ɛ nŋɛ nɔ i ya gulɛ i tɔɔ nŋu akã ŋa, nɔ kugbasi iyi ì waa ce, i ya coo do iriɛ ŋa.

Wooda ku kɔsi 6:14

Nɔ i maà ya nyi i koo i maa tɔɔ iwɛ̃i inɛ ŋa iyi à kaako ŋɛ ŋau ŋa,

Zozue 23:12

Bii ì sinda hai bi tɛɛ ì koo ì tɔtɔɔ ara nŋɛ do inɛ ŋa iyi à gbe si anini nŋɛ ŋau má ŋa, nɔ ì so ama inaabo nŋa ŋa iŋɛò ŋa ì tɔtɔɔ ŋa,

Zozue 23:8

Amma i leekĩ do Aɔ̃ Lafɛ̃ɛ nŋɛ nŋu akã ŋa bɛi ì waa leekĩ si nsɛi ŋa.