Zozue 23:4 - Bibeli do fee

⁴ I cɔ, si kpasa iyi à tau ǹ kpɛ̃ nŋɛ ilɛi inɛ ŋa iyi ǹ jɛ igũu si dimi do dimi hee do ti inɛ ŋa iyi à gbeò ku kãmia ŋau. Ilɛ ŋau à wai hai idoi Zuudɛ̃ɛu do ikpa nunui daakɔ hee ku bɔ bi Tenkui Mediteraneeu ikpa nunui alɛ.

Zozue 23:4 Iomraidhean Croise

Iri ku kɔ̃ 105:11

Si akabuuu í fɔ í ni, amu Aɔ̃ Lafɛ̃ɛ an na ŋɛ ilɛi Kanaã ku jɛ tubu nŋɛ.

Iri ku kɔ̃ 78:55

Í lele dimi mmu ŋa si waju nŋa, nɔ í na ŋa ilɛu. Í jɔ̀ dimii inɛi Izirɛli ŋa à ce si bi kuwa.

Kufita 23:30

An maa n lele mbɛɛ nŋɛ ŋai kpɛlɛ kpɛlɛ hee akpɔ nŋɛ ku na ku to bɛi aa gba ilɛu fei ŋa.

Sofoni 3:6

Aɔ̃ Lafɛ̃ɛ í ni, ǹ ce nfei ilɛ ŋa, nɔ ǹ lɛgɛ ile kugboka ŋa iyi à wa gontai bindi nŋa ŋau. Ǹ jɔ̀ kpãai ilu nŋa ŋau à baa à ce bomma, inɛ kãma ci ya too do bɛ má. Ǹ ce asɔɔi ilu nla nŋa ŋau. Inɛ kãma kù wa bɛ má.

Wooda ku kɔsi 12:29

Waati iyi Aɔ̃ Lafɛ̃ɛ í kpa inɛi ilɛ ŋa iyi aa koo i lele ŋau, waati iyi ì lele ŋa ŋa, nɔ ì buba si ilɛ nŋau,

Zozue 13:2

I kù gba ilɛi inɛi Filisi ŋau fei titã ŋa do ilu miiu nŋa ŋau. Ilu ŋau wee. Gaza do Asidodi do Asikalɔ̃ɔ do Gati do Ekorɔ̃ɔ. I kù gba ilɛi inɛi Gɛsuu ŋau mɔ iyi í wa do ikpa nunui daakɔi Ezibitiu ŋa do ilɛi inɛi Avi ŋa iyi í wa awɔ cangai kpãai inunu. Nɔ i kù gba ilɛ iyi í wa hai acãi inyii Siɔ̃ɔ ŋa iyi í ce kɔɔ do ilɛi Ezibiti hee ku bɔ ilui Ekorɔ̃ɔ ikpa awɔ njɛi kpãai inunu.

Zozue 18:10

Nɔ Zozue í ta nŋa kpasau Siloo bɛ si wajui Aɔ̃ Lafɛ̃ɛ, nɔ í cea inɛi Izirɛli ŋau ikpɛ̃i ilɛu, í na dimi fei iyi í jɛ tɛɛ.

Woo kiiti ŋa 2:21

amu mɔ n kaa n lele dimi ŋa iyi Zozue í jɔ̀ waati iyi í kuu baa akã nŋa.