Zozue 23:16 - Bibeli do fee

¹⁶ Bii ì fũ akabuu iyi Aɔ̃ Lafɛ̃ɛ í dĩ do iŋɛu ŋa, nɔ ì koo ì waa tɔɔ iwɛ̃ ŋa si agbɛi Aɔ̃ Lafɛ̃ɛ ì waa gulɛ si waju nŋa ŋa, idɔɔkɔ̃ɛ á dede si ŋɛ, nɔ kaa kpɛ mɔm ku kpa iri nŋɛ hai si ilɛ jiida iyi í mu nŋɛu.

Zozue 23:16 Iomraidhean Croise

Ilaalu 1, 14:15

Aɔ̃ Lafɛ̃ɛ á kpa inɛi Izirɛli ŋa nɔ a maa yaya do njo bɛi fɔfɔ iyi í wa si acãi inyi. Á nya ŋa hai si ilɛ jiidau ihɛ̃ iyi í na bala nŋa ŋa nɔ koo fangaa ŋa do alalai idoi Efarata do ikpa ihɔ̃, si na iyi í jɔ̀ à gũ jĩi gɔ na iwɛ̃ nŋa ŋa Asera à dedeò idɔɔkɔ̃ɛ.

Ilaalu 1, 9:6

Amma bii awɔ do zamaaɛ do tɔku nŋɛ ŋa ì sinda hai bi tom ŋa, nɔ i kù waa jirima woodam ŋa do ide ŋa iyi ǹ jilɛ nŋɛ, nɔ ì na ì koo ì waa tɔɔ iwɛ̃ ŋa ì waa sɛɛbata si waju nŋa ŋa,

Ilaalu 1, 9:7

an kpa irii inɛi Izirɛli ŋai si ilɛ iyi ǹ mu nŋa. An nyɔ ile iyi ǹ cicaa irim na bɛɛrɛm nɔu ku jĩim nɔ ilɛi Izirɛli ku baa ku jɛ dɔ̃anyii dimi mmu ŋa fei do mii ku yaako nŋa.

Ilaalu 2, 17:7

Aɔ̃ Lafɛ̃ɛ í jɔ̀ à mu inɛi Izirɛli ŋa aru si na iyi í jɔ̀ à ce dulum bi tɛɛ, nŋu iyi í fitaò ŋa wa hai ilɛi Ezibiti í nya ŋa hai si awɔi Faraɔ̃ ilaaluu, do si na iyi í jɔ̀ à waa tɔɔ iwɛ̃ ŋa.

Ilaalu 2, 24:20

Mii iyi í ba inɛi Zeruzalɛmu do Zudaa ŋau fei í cei si na iyi í jɔ̀ idɔi Aɔ̃ Lafɛ̃ɛ í kɔ̃ si ŋa hee í lele ŋa hai si wajuɛ. Nɔ Sedesiasi í na í dedeò ide ku kɔ̀ si gãmɛi Nebukanɛsaa ilaalui Babilɔniu.

Ezai 24:5

Inɛ ŋa iyi à wa si ilɛu, à jɔ̀ ilɛu í so riisi, domi a kù jirima woodai Aɔ̃ Lafɛ̃ɛ ŋau, nɔ a kù ceò ikɔɛ ŋa iyi à ba icɛ. Akabuu hai nɛ kɔɔ iyi í wa si gãmɛi aŋaò Aɔ̃ Lafɛ̃ɛ ŋau, à jɔ̀ í leekĩ.

Zeremi 32:23

À naa nɔ à na à buba si í jɛ tu ŋa. Amma a kù gbɔ ide ku fɔɛ, nɔ a kù jirima woodaɛ. A kù ce mii ŋa iyi ì sɔ̃ ŋa ì ni a ce fei. Nɔ na ŋɔi í jɔ̀ ì jɔ̀ wahala ŋau ihɛ̃ fei à naa si ŋa.

Zeremi 32:24

Nsɛi inɛ ŋa à waa bi a kɛkɛ idĩ ŋau ku ba a gba iluu. Iluu á dasi awɔi inɛi Kaladee ŋa iyi aa naa a cuku siɛ a jɔɔ igũi, nɔ ari do bɔ̃ɔi á kpa inɛi ilu ŋa. Ide iyi ì ce waliiɛu, nŋui í to wa bɛ, ì nɔ ì waa yɔɔ.

Kuka 33:56

Nɔ bii i kù laakai ŋa an na n ce nŋɛ bɛi ǹ lasabu n ce nŋau.

Wooda ku kɔsi 17:3

í koo wa tɔɔ iwɛ̃ ŋa, wa gulɛ si waju nŋa, wa tɔɔ inunu do cukpa do leleaɔ̃ ŋa fei. Aɔ̃ Lafɛ̃ɛ wee kù bɛi kù bi bɛɛbɛ.

Wooda ku kɔsi 28:15

Moizi í sɔ̃ ŋa má í ni, bii i kù na i kù waa jirima Aɔ̃ Lafɛ̃ɛ nŋɛ, bii i kù waa ceò woodaɛ ŋa do ikɔɛ ŋa iyi ǹ wa n sɔ̃ ŋɛ nnyiu ihɛ̃ icɛ ŋa, wahala ŋa iyi á jɔ̀ ku naa si ŋɛ wee.

Wooda ku kɔsi 6:15

domi Aɔ̃ Lafɛ̃ɛ nŋɛ iyi í wa anini nŋɛu, nŋu akãi í jɛ Aɔ̃ Lafɛ̃ɛ nŋɛ. Debɛi i ce laakai i maà na i dede idɔɔkɔ̃ɛ ŋa, si na iyi í jɔ̀ á yɔkɔ ku kpa ŋɛ mam mam si ilɛu ihɛ̃.

Woo kiiti ŋa 2:14

Ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋau nɔ í jɔ̀ mbɛɛ ŋa iyi à waa kaako ŋa ŋau à kãmia ŋa à ko mii ndu ŋa ŋa, nɔ a kaa yɔkɔ a kɔ̀ ide si waju nŋa.

Woo kiiti ŋa 2:20

Ŋɔi idɔɔkɔ̃i Aɔ̃ Lafɛ̃ɛ í dede si inɛi Izirɛli ŋa, nɔ í ni, si bɛi inɛ ŋau ihɛ̃ a kù jirima akabuu iyi amu do bala nŋa ŋau à dĩ, nɔ a kù jirima idem,

Samuɛli 1, 12:25

Amma bii ì waa ce laalɔ ŋa, aa ce nfe ŋai, iŋɛ do ilaalu nŋɛ.