Zozue 23:13 - Bibeli do fee

¹³ i mà ŋa iyi Aɔ̃ Lafɛ̃ɛ nŋɛ kaa lele ŋa hai bi tu ŋɛ má. Aŋai aa na a jɛ cɛkũm ŋa si anini nŋɛ nɔ aa jɛ taa ku mu inɛ. Nɔ aa yɛi má bɛi kpɔtɔɔ iyi à ya cãò inɛ do bɛi agũ ŋa si iju nŋɛ ŋa. Nɔ aa wahala ŋɛi hee i koo i ku i jɔ̀ ilɛ jiida iyi Aɔ̃ Lafɛ̃ɛ nŋɛ í mu nŋɛu.

Zozue 23:13 Iomraidhean Croise

Ilaalu 1, 11:4

Waati iyi Salomɔɔ í gbo, ŋɔi aboɛ ŋa à sinda idɔɛ si iwɛ̃ ŋa. Nɔ laakaiɛ fei kù wa si Aɔ̃ Lafɛ̃ɛɛ má bɛi ti baaɛ Davidi í tako í wa siɛ wo.

Ilaalu 2, 17:18

Ŋɔi Aɔ̃ Lafɛ̃ɛ í fangaa inɛi Izirɛli ŋau fei si idɔɔkɔ̃ɛ hai si wajuɛ, nɔ í jɔ̀ dimii Zudaa ŋa aŋa akã.

Ilaalu 2, 17:20

Kuce laalɔu í jɔ̀ Aɔ̃ Lafɛ̃ɛ í fũsi dimii inɛi Izirɛli ŋau fei awɔ, nɔ í so ŋa í daa mbɛɛ nŋa ŋa si awɔ í dasi ŋa anyɔ nɔ í lele ŋa í jɔ̀ à jĩò bi tɛɛ.

Ilaalu 2, 25:21

Nɔ tengi bɛi ilaaluu í jɔ̀ à kpa ŋa si ilɛi Amati. Do yaase bɛɛbɛi à mu zamaai Zudaa aru à nɛò ŋa à jĩò ilɛ nŋa.

Ilaalu 2, 25:26

Ŋɔi zamaau fei do inɛ ngboi sooge ŋau à dede à nɛ ilɛi Ezibiti, domi à waa ce njoi inɛi Babilɔni ŋau.

Iri ku kɔ̃ 69:22

À daam si iwɔ ku kpa inɛ si sɔndam. Nɔ waati iyi agbɛ wa kpam, à jɔ̀ ǹ mɔ mii kukã.

Kufita 10:7

Akawei Faraɔ̃ ŋau à sɔ̃ɔ à ni, hee waati yoomai inɛɛu ihɛ̃ á leekĩò wahala ŋa ku naa nwa wa. Jɔ̀ inɛ ŋau a nɛ a koo a tɔɔ Aɔ̃ Lafɛ̃ɛ nŋa. I kù yɛ iyi ilɛ nwa wa ku mbɛ?

Kufita 23:33

I maà jɔ̀ a buba si ilɛ nŋɛ ŋa, domi iwɛ̃ nŋa ŋa aa jɛ nŋɛi bɛi cɛkũm, aa na i tɔɔ iwɛ̃ nŋa ŋau nɔ i ce dulum bi tom ŋa.

Kufita 34:12

Ce laakai i maà ti i ce anu akã do inɛi ilɛ bii aa lɔ ŋau ku ba a maà ti a na a jɛ nŋɛ bɛi cɛkũm.

Kufita 34:16

Bɛɛbɛ mɔi bii iŋɛò ŋa ì dĩ akabuu ŋa nɔ ì jɔ̀ ama nŋɛ ŋa a so abo si dimi nŋa ŋa, bii abo ŋau à na à dabii à gulɛ à waa tɔɔ iwɛ̃ nŋa ŋa aa jɔ̀ ama nŋɛ ŋau mɔ a dabii a gulɛ a maa tɔɔ iwɛ̃ ŋau.

Ezekiɛli 28:24

Ilɛ ŋa iyi à wa kɔkɔi Izirɛli ŋau a kaa maa mɔsi do kuyaakoɛ má. A kaa jɛa bɛi agũ ŋa iyi à ya maa gũu nɔ à maa gaa. Si yaase bɛɛbɛ inɛ ŋa aa mà iyi amui ǹ jɛ Aɔ̃ Lafɛ̃ɛ.

Kuka 33:55

Amma bii i kù lele inɛi ilɛ ŋau bɛ hai si waju nŋɛ, inɛ ŋa iyi i jɔ̀ ŋa, aŋai aa na a yɛ bɛi agũ ŋa si iju nŋɛ, do bɛi abɛɛ ŋa iyi aa maa gũ ŋɛ si cingaa nŋɛ ŋa, aŋai aa jɛ mbɛɛ nŋɛ ŋa si ilɛ bii aa na i buba ŋau.

Luku 21:24

Aa maa kpa ŋa do taakuba, nɔ a mu ŋa aru si ilɛ ŋa fei. Dimi mmu ŋa aa tɛɛsɛ Zeruzalɛmuui hee waatiu koo kpaò iri.

Wooda ku kɔsi 29:28

Mii iyi wa singa, Aɔ̃ Lafɛ̃ɛ nŋu akãi í màa. Amma mii iyi í nyisi wa, nŋui awa à ya ka mà hee do ajɔ fei hai awa hee do tɔku nwa ŋa fei ku ba ka ceò idei wooda ŋau fei icɛ.

Wooda ku kɔsi 30:18

hai nnyi, ǹ wa n sɔ̃ ŋɛi, aa kpa iri nŋɛi mam mam, nɔ kuwɛɛ nŋɛ kaa sɔ si ilɛ bii aa koo i buba si do icei idoi Zuudɛ̃ɛu ŋa.

Wooda ku kɔsi 4:26

Hai nnyi ǹ wa n sɔ̃ ŋɛi, bii ì na ì waa ce dulum bɛɛbɛ ŋa, lele do ilɛ aŋai à jɛ sɛɛdam, nɔ i kaa na i kpɛ si ilɛ iyi ì waa bɔ ku buba si ŋa do icei idoi Zuudɛ̃ɛu. I kaa ba i buba si i kpɛ ŋa, domi aa kpa ŋɛi mam mam.

Wooda ku kɔsi 7:16

Inɛ ŋa iyi Aɔ̃ Lafɛ̃ɛ í da nŋɛ si awɔ fei, aa kpa ŋa ŋai, i maà ce araare nŋa, nɔ i maà tɔɔ iwɛ̃ nŋa ŋau, domi nŋu bɛi á na ku jɛ nŋɛ bɛi cɛkũm.

Timɔtee 2, 2:26

nɔ laakai nŋa ku baa, a gbã hai si taai Seetam, nŋu iyi wa mu ŋa wo nɔ í jɔ̀ à waa ce idɔɔbiɛ.

Woo kiiti ŋa 2:21

amu mɔ n kaa n lele dimi ŋa iyi Zozue í jɔ̀ waati iyi í kuu baa akã nŋa.