Zozue 23:12 - Bibeli do fee

¹² Bii ì sinda hai bi tɛɛ ì koo ì tɔtɔɔ ara nŋɛ do inɛ ŋa iyi à gbe si anini nŋɛ ŋau má ŋa, nɔ ì so ama inaabo nŋa ŋa iŋɛò ŋa ì tɔtɔɔ ŋa,

Zozue 23:12 Iomraidhean Croise

Kusintii Andunya 2:24

Na nŋu inɛmɔkɔ á jɔ̀ iyeò baaɛ, nɔ nŋu do aboɛ a wɛɛ, nɔ aŋa minji fei a baa a jɛ ara akã.

Kusintii Andunya 34:3

Nɔ lasabuɛ í wa si Dina amai Zakɔbuu. Í nɛ kubii ama inaabou ntɔ ntɔ, nɔ wa dɛ idɔɛ ku sinda si nŋu wa do ide didɔ̃ɛ ŋa.

Ilaalu 1, 11:2

Aŋai à jɛ dimi ŋa iyi Aɔ̃ Lafɛ̃ɛ í ganji inɛi Izirɛli ŋa a so. Aɔ̃ Lafɛ̃ɛ í ni, i maà so inaaboi dimi ŋau bɛ ŋa, nɔ aŋa mɔ a maà so inaabo nŋɛ ŋa. Do ntɔ, aa na a sinda laakai nŋɛ ikpa bi iwɛ̃ nŋa ŋa. Nɔ si dimi nŋu ŋau bɛi Salomɔɔ í na araɛ fei, nŋu iyi kubii inaabo ŋau wa faa.

Ilaalu 1, 11:4

Waati iyi Salomɔɔ í gbo, ŋɔi aboɛ ŋa à sinda idɔɛ si iwɛ̃ ŋa. Nɔ laakaiɛ fei kù wa si Aɔ̃ Lafɛ̃ɛɛ má bɛi ti baaɛ Davidi í tako í wa siɛ wo.

Iri ku kɔ̃ 125:5

Amma inɛ ŋa iyi à waa nɛ si kpãa laalɔ do inɛ ŋa iyi à waa ce laalɔ fei, Aɔ̃ Lafɛ̃ɛ, jɔ̀ a ba ijuukpã. Jɔ̀ laakai ku sũ ku wɛɛ do inɛi Izirɛli ŋa.

Iri ku kɔ̃ 36:3

Faauɛ í ya jɔ̀ ci ya jɛsi kuraraɛ hee ku jɛa si taale ku nɛ si inɔ kufɔ nla nla.

Ezai 1:4

Iŋɛ inɛi Zudaa ŋau, inɔ kufɔi í jɛ tu ŋɛ iŋɛ ilu dulum ŋa. Laalɔi ì ya maa ce ŋa. Iŋɛ dimii woo ce laalɔ ŋai. Ama yaamɔi ì jɛ ŋa. Ì fũsi Aɔ̃ Lafɛ̃ɛ awɔ ŋa, ì donda Inɛ Kumái Izirɛliu, nɔ ì sinda ì toaa anyi ŋa.

Ezekiɛli 18:24

Bii í jɛ inɛ dee dee gɔ í jɔ̀ dee dee ku ce nɔ í lɔ si kpãai laalɔ bɛi inɛ laalɔ ŋa, ì tamaa á wɛɛi ŋa? Aawo, mii jiida ŋa iyi í tako í ceu bɛ fei aa gbɛjɛɛi. Laalɔ iyi í lɔsi ku ceu, nŋui á jɔ̀ ku ku.

Sofoni 1:6

Amu Aɔ̃ Lafɛ̃ɛ, an ce nfei inɛ ŋa iyi à sinda à toom anyi ŋaui, aŋa iyi a kù waa dɛdɛɛm nɔ a kù waa beem ide kãma ŋau.

Matie 12:45

á koo ku dɛdɛ kpaasi laalɔ ŋa iyi à roo wa má bɛi aŋa mɛɛje, a na a lɔ si inɛɛu a maa wa bɛ. Waati bɛɛbɛ kuwɛɛi takoi inɛɛu á tia baa ti ankãanyiɛ má. Mii iyi á ba inɛ laalɔi nsɛi ŋa mbɛ.

Laabaau jiida iyi Zãa í kɔ 6:66

Ŋɔi hai waati bɛɛbɛ mɔcɔ nkpɔɛ ŋau à fa ara nŋa do anyi a ci ya tooɛ má.

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Wooda ku kɔsi 6:15

domi Aɔ̃ Lafɛ̃ɛ nŋɛ iyi í wa anini nŋɛu, nŋu akãi í jɛ Aɔ̃ Lafɛ̃ɛ nŋɛ. Debɛi i ce laakai i maà na i dede idɔɔkɔ̃ɛ ŋa, si na iyi í jɔ̀ á yɔkɔ ku kpa ŋɛ mam mam si ilɛu ihɛ̃.

Wooda ku kɔsi 7:3

I maà jɔ̀ iŋɛò ŋa i nɛ anu akã si gãmɛi abɔdɔ̃ ŋa. I maà jɔ̀ ama inaabo nŋɛ ŋa a so mɔkɔ si inɔ nŋa ŋa, nɔ i maà jɔ̀ ama inɛmɔkɔ nŋɛ ŋa a so ama inaabo nŋa ŋa a ce abo.

Wooda ku kɔsi 7:4

Bii kù jɛ bɛɛbɛ, inɛ njoo ŋau bɛ aa na a jɔ̀ ama nŋɛ ŋau a sinda a toa Aɔ̃ Lafɛ̃ɛ anyi a koo a maa tɔɔ iwɛ̃ ŋa, nɔ idɔɔkɔ̃ɛ á na ku dede si ŋɛ, nɔ á kpa ŋɛ kaa kpɛ mɔm.

Zozue 23:11

Na nŋu, í sĩa i ce laakaii ara nŋɛ ŋa nɔ i ce kookaai baa yooma fei ŋa i bi Aɔ̃ Lafɛ̃ɛ nŋɛ.

Zãa 1, 2:9

Inɛ iyi í fɔ wa ni nŋu í wa si inya kumá nɔ í cé kpaasiɛ, si ilu kukui í wa hee nsɛi.

Woo kiiti ŋa 14:3

Ŋɔi à jɛaa à ni, i kaa ba mudɛ̃ɛ gɔ si dimi nwa ihɛ̃, í gbe si dimii Filisi hai ce bango ŋau bɛi aa koo dɛ abo? Nɔ Samusɔ̃ɔ í jɛa baaɛu í ni, dɛdɛɛm inɛ nŋu bɛ domi nŋui ǹ bi.

Woo kiiti ŋa 3:6

Nɔ à so ama inaabo nŋa ŋa à ce abo, nɔ aŋa mɔ à ya na ŋa ama inaabo nŋa ŋa a gba abɔdɔ̃, nɔ à ya maa tɔɔ iwɛ̃ nŋa ŋa.