Zozue 23:11 - Bibeli do fee

¹¹ Na nŋu, í sĩa i ce laakaii ara nŋɛ ŋa nɔ i ce kookaai baa yooma fei ŋa i bi Aɔ̃ Lafɛ̃ɛ nŋɛ.

Zozue 23:11 Iomraidhean Croise

Kufita 20:6

Amma inɛ ŋa iyi à bim nɔ à waa jirima woodam ŋa an ce araare nŋa hee ku koo si tɔku dubusia nŋa ŋa.

Mɔnda ŋa 4:23

Iyi í re mɔm, jɔ̀ i ce laakai si mii iyi ì waa lasabu hee si lɛlɛi idɔɛ, domi nŋui á maa nɛò kuwɛɛɛ.

Luku 21:34

I ce laakaii ara nŋɛ ŋa ku ba i maà na i jɛ hai nɛ laakai ŋa na atɛ̃ ku mɔ do ijɛ ku bi do lasabui mii ndii andunya ŋa. Bii kù jɛ bɛɛbɛ ajɔu á na ku boe ŋɛi bɛi cɛkũm,

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Kɔrɛnti 1, 16:22

Inɛ iyi kù nɛ kubii Lafɛ̃ɛ fei, ikpe ku muu. Lafɛ̃ɛ Jesu ku nyi wa.

Kɔrɛnti 1, 8:3

Amma inɛ iyi í bi Ilaaɔ̃, Ilaaɔ̃ í mà lafɛ̃ɛ.

Efɛɛzu 5:15

Na nŋu, i ce laakaii isɛɛnɛ nŋɛ. I maà jɔ̀ i maa nɛ bɛi inɛ ŋa iyi a ci ya lasabu, amma i maa nɛ do laakai ŋa.

Wooda ku kɔsi 30:16

Na nŋu, i ce laakai si ikɔ ŋa iyi ǹ wa n na ŋɛ nnyiu ihɛ̃. I jɛsi i bi Aɔ̃ Lafɛ̃ɛ nŋɛ ŋa, i too kpãa iyi í jilɛ nŋɛ. I jirima ikɔɛ ŋa do woodaɛ ŋa do asaiyaɛ ŋa ku ba i maa wɛɛ ŋa, nɔ i kpɔ i kɔ̃ɔsi ŋa, nɔ Aɔ̃ Lafɛ̃ɛ ku wee nŋɛ si ilɛ bii aa lɔ i koo i buba ŋau.

Wooda ku kɔsi 30:20

I bi Aɔ̃ Lafɛ̃ɛ nŋɛ ŋa, i gbɔ ideɛ ŋa, i leekĩ dim dim do nŋu ŋa. Do yaase bɛɛbɛ, aa maa wɛɛ ŋai nɔ i ce adɔ̃ nkpɔ nkpɔ si ilɛ bii Aɔ̃ Lafɛ̃ɛ í ce kuwã do kugbasi í ni nŋu á mua Aburahamu do Izaaki do Zakɔbu bala nŋɛ ŋau.

Wooda ku kɔsi 4:15

Ŋɔi Moizi í sɔ̃ zamaau í ni, i ce laakai ntɔ ntɔ i maà gbɛjɛ ŋa. Ajɔ iyi Aɔ̃ Lafɛ̃ɛ í ba ŋɛ ide ku fɔ si iri kutai Ɔrɛbu hai si aninii inau, i kù yɛ nŋu takaɛ do iju ŋa.

Wooda ku kɔsi 4:9

Moizi í fɔ má í ni, iŋɛ de i ce laakai ŋa. I ce laakai ntɔ ntɔ i maà ti i gbɛjɛ mii ŋa iyi Aɔ̃ Lafɛ̃ɛ í ce iyi iŋɛ taka nŋɛ ì jɛ sɛɛdaɛ ŋa ku ba ajɔ kãma si kuwɛɛ nŋɛ mii ŋau bɛ a maà fita hai si idɔ nŋɛ. Ì nɛ i sisia ama nŋɛ ŋa mɔm nii do tɔku nŋɛ ŋa.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Zozue 22:5

Iŋɛ de i ya maa jirima wooda ŋa iyi Moizi í na ŋɛu fei sãa sãa ŋa nɔ i ya maa ceò icɛ ŋa. I bi Aɔ̃ Lafɛ̃ɛ nŋɛ ŋa, i jirima idɔɔbiɛ ŋa, nɔ i ceò woodaɛ ŋau icɛ ŋa. I wɛɛ do nŋu ŋa nɔ i ceaa icɛ do idɔ nŋɛ fei do lasabu nŋɛ fei.

Zozue 23:10

Amanɛ akã si inɔ nŋɛ í ya lele amanɛ dubu, domi Aɔ̃ Lafɛ̃ɛ nŋɛ nŋu takaɛi wa ja nŋɛ igũ bɛi í ce nŋɛ kuwãɛ.

Zozue 23:12

Bii ì sinda hai bi tɛɛ ì koo ì tɔtɔɔ ara nŋɛ do inɛ ŋa iyi à gbe si anini nŋɛ ŋau má ŋa, nɔ ì so ama inaabo nŋa ŋa iŋɛò ŋa ì tɔtɔɔ ŋa,