Zozue 23:10 - Bibeli do fee

¹⁰ Amanɛ akã si inɔ nŋɛ í ya lele amanɛ dubu, domi Aɔ̃ Lafɛ̃ɛ nŋɛ nŋu takaɛi wa ja nŋɛ igũ bɛi í ce nŋɛ kuwãɛ.

Zozue 23:10 Iomraidhean Croise

Samuɛli 2, 23:8

Irii woo ja igũ ilu wɔɔkɔi Davidi ŋa iyi à re wee. Yosɛbu-Basebɛti inɛi Takemɔi í jɛ inɛ ngbo si inɔi inɛ mɛɛta ŋa iyi à nya iri. Nŋui í kpa amanɛ cĩɔ mɛɛjɔ (800) do kakaɛ si igũ tuuba akã.

Bomma 1, 5:20

Si waatii igũu, à tɔɔ Ilaaɔ̃, nɔ í gbɔ kutɔɔ nŋa si na iyi í jɔ̀ à dasiɛ naanɛ, nɔ í da nŋa inɛ ŋau si awɔ.

Bomma 1, 5:22

nɔ à kpa inɛ nkpɔ nkpɔ, si na iyi í jɔ̀ Ilaaɔ̃ í sobi ŋa si igũu. Ŋɔi à buba si agbɛ nŋa hee í koo í toò waati iyi à na a mu ŋa aru à nɛò ŋa.

Iri ku kɔ̃ 35:1

Iriu ihɛ̃ ti Davidii. Aɔ̃ Lafɛ̃ɛ, inɛ ŋa iyi à waa bam ku ja ŋa, ba ŋa ku ja. Inɛ ŋa iyi à waa ce igũ do amu, ce igũ do aŋa.

Iri ku kɔ̃ 46:7

Inɛi ilɛ ŋa à ce iba, bomma ŋa à yaya, à gbɔ imui Ilaaɔ̃, nɔ ilɛ í yɔ.

Kufita 14:14

Aɔ̃ Lafɛ̃ɛi á na ku ce igũ si agbɛ nŋɛ. Iŋɛ i leekĩ sɛ̃ɛ ŋa.

Ezai 30:17

Mbɛɛ akã í to ku jɔ̀ amanɛ dubu si inɔ nŋɛ ku maa sa. Nɔ bii amanɛ miiu í naa si ŋɛ, iŋɛ fei aa maa sa ŋai hee i koo i gbe ŋa bɛi akpai tuuta iyi í wa si antaii iri kuta walakɔ bɛi nyinda iyi í wa si antaii geete.

Kuwee 26:7

Aa lele mbɛɛ nŋɛ ŋai nɔ i kpa ŋa si igũ ŋa.

Kuwee 26:8

Si inɔ nŋɛ, amanɛ miiu á lele amanɛ cĩɔ, nɔ amanɛ cĩɔ á lele amanɛ dubu mɛɛwa, nɔ aa kpa mbɛɛ nŋɛ ŋau fei si igũ ŋa.

Zakari 12:8

Waati bɛɛbɛ amu Aɔ̃ Lafɛ̃ɛ an bii anyii inɛi Zeruzalɛmu ŋa, inɛ ŋa iyi a kù nɛ gbugbã si inɔ nŋa aa baa a nɛ gbugbãi bɛi Davidi, nɔ tɔkui Davidi ŋau mɔ a baa a yɛ bɛi amu Ilaaɔ̃, bɛi amalekai Aɔ̃ Lafɛ̃ɛ iyi wa cua nŋa.

Romu 8:31

Debɛi bɛirei aa ka fɔ má. Bii Ilaaɔ̃ í jɛ tu wa, yooi á yɔkɔ ku jɛ mbɛɛ nwa.

Wooda ku kɔsi 20:3

ku ni, iŋɛ inɛi Izirɛli ŋau i sotĩ i gbɔ ŋa, iŋɛ do mbɛɛ nŋɛ ŋau aa ce igũ nnyi ŋa, i maà jɔ̀ zigi nŋɛ ku da ŋa, i jɔ̀ idɔ nŋɛ akã, nɔ i maà ce njo ŋa i maa yaya si waju nŋa ŋa.

Wooda ku kɔsi 20:4

Ntɔ ntɔ Aɔ̃ Lafɛ̃ɛ í wɛɛ do iŋɛ nɔ nŋui á ja nŋɛ ku ba ku faaba ŋɛ.

Wooda ku kɔsi 28:7

Bii mbɛɛ ŋa à naa si ŋɛ igũ, Aɔ̃ Lafɛ̃ɛ á jɔ̀ i jɛ ŋa igũ ŋai. Bii kpãa akãi à too à naaò wa si ŋɛ, kpãa ikã ikã mɛɛjei aa too a sa a nɛò.

Wooda ku kɔsi 3:22

I maà ce njo nŋa ŋa, domi Aɔ̃ Lafɛ̃ɛ nŋɛi á ja nŋɛ.

Wooda ku kɔsi 32:20

Ŋɔi í fɔ í ni, inɛ kaa yɔkɔ ku dasi ŋa naanɛ. A ci ya jirima nkãma. An leekĩò kugbɔ nŋai, nɔ an maa n cɔ mii iyi á na ku ba ŋa.

Wooda ku kɔsi 32:30

Mbɛɛ akã á yɔkɔ ku lele inɛi Izirɛli dubu? Mbɛɛ minji á yɔkɔ ku lele inɛi Izirɛli dubu mɛɛwa? Ntɔ ntɔ, á yɔkɔ ku ce bii amu Aɔ̃ Lafɛ̃ɛ iyi ǹ jɛ kuta ku nɛ gbugbã iyi wa degbe ŋa ǹ so ŋa ǹ daa mbɛɛ nŋa ŋa si awɔ.

Zozue 10:42

Si igũ ku bɔ tuuba akãi Zozue í jɛ ilaalu ŋau bɛ fei igũ nɔ í gba ilɛ nŋa ŋau, domi Aɔ̃ Lafɛ̃ɛi Izirɛli wa sobi inɛi Izirɛli ŋa si igũu.

Zozue 23:11

Na nŋu, í sĩa i ce laakaii ara nŋɛ ŋa nɔ i ce kookaai baa yooma fei ŋa i bi Aɔ̃ Lafɛ̃ɛ nŋɛ.

Zozue 23:3

Ì nɔ ì yɛ bɛi Aɔ̃ Lafɛ̃ɛ nŋɛ í cea inɛ ŋa iyi à wa si ilɛ ŋau ihɛ̃ fei na iri nŋɛ. Nŋu takaɛ í ja nŋɛ igũ.

Woo kiiti ŋa 15:15

Ŋɔi í ba kɛkɛlɛi gbankɛlɛ gɔ iyi í ku kù kpɛ nɔ í so í kpaò amanɛ dubu.

Woo kiiti ŋa 3:31

Si anyii Ehudu nɔ Samgaa amai Anati í tɛkɛ siɛ, nɔ í kpa inɛi Filisi ŋau aŋa cĩɔ mɛɛfa (600) do isɔ gɔ iyi à ya gũò kɛtɛ iyi kù waa jɛ ku nɛ. Nŋu mɔ í faaba inɛi Izirɛli ŋa.

Samuɛli 1, 14:6

Ŋɔi Zonatãa í sɔ̃ amaacɛɛ í ni, nɛ wa ka bɔ bi hai ce bango ŋau ihɛ̃. Á yɔkɔ ku jɛ Aɔ̃ Lafɛ̃ɛ á sobi wa, domi nkãma kàa ganjiɛ ku sobi wa baa bii a kù kpɔ.