Zozue 23:1 - Bibeli do fee

¹ Aɔ̃ Lafɛ̃ɛ í nya inɛi Izirɛli ŋa hai si awɔi mbɛɛ ŋa iyi à kaako ŋau nɔ í jɔ̀ à wɛɛò laakai ku sũ waati sisɔ. Waati bɛɛbɛ, Zozue í gbo ntɔ ntɔ.

Zozue 23:1 Iomraidhean Croise

Ilaalu 1, 1:1

Ilaalu Davidi í gbo hee í caa. Baa bii à biiɛ acɔ ci ya gbɔ inya gbãa.

Bomma 1, 23:25

Davidi í ni, Aɔ̃ Lafɛ̃ɛi inɛi Izirɛli ŋau í mua zamaaɛ kusĩmi, nɔ nŋu takaɛ Zeruzalɛmui á maa wa hee do ajɔ fei.

Bomma 1, 27:1

Irii inɛi Izirɛli ŋa iyi à waa ce icɛ bi ilaalu wee. Inɛ ngboi kpasɛ̃ ŋa, do inɛ ngboi sooge dubu ŋa, do ti sooge cĩɔ ŋa, do akawe ŋa. Icɛ nŋa í wai si gãmɛi sooge ŋa iyi à kpɛ̃ wuaa do wuaa iyi aa ya ce icɛ a maa jɔ̀aa njɛ cukpa do cukpa si adɔ̃u fei. Nɔ kukpɛ̃ ikɔ̃ akã fei, amanɛ dubu kɔnfia do mɛɛi (24.000).

Bomma 2, 14:1

Ŋɔi Aza í ce mii iyi í sĩa do iyi í jɛ dee dee si wajui Aɔ̃ Lafɛ̃ɛɛ.

Bomma 2, 14:5

Ŋɔi í ma ilu ku nɛ gbugbã ŋa si ilɛi Zudaa, domi ilɛu í wɛɛò laakai ku sũ nɔ inɛ kãma kù naa igũ siɛ si inɔi adɔ̃ ŋau bɛ, si na iyi í jɔ̀ Aɔ̃ Lafɛ̃ɛ í jɔ̀ í nɛ laakai ku sũ.

Bomma 2, 20:30

Nɔ bommai Zozafati í wɛɛò laakai ku sũ. Nɔ Aɔ̃ Lafɛ̃ɛɛ í muaa kusĩmi bii feiò bii fei.

Iri ku kɔ̃ 46:9

I naa i cɔ icɛ iyi Aɔ̃ Lafɛ̃ɛ í ce ŋa. Tɔtɔ ku fɔ iyi í ce si ilɛ.

Ezai 63:14

À yɛi bɛi mɛɛmu iyi wa dasi inɔ fatama nɔ hundei Aɔ̃ Lafɛ̃ɛ í gbã ŋa wa bɔò ŋa bi kusĩmi. Do yaase bɛɛbɛi ì waa gbãò inɛɛ ŋa Aɔ̃ Lafɛ̃ɛ, nɔ iriɛ wa nɛò bɛɛrɛ.

Wooda ku kɔsi 31:2

adɔ̃ cĩɔ do kɔnfiai (120) ǹ nɛ bɛbɛi. N kù nɛ gbugbã bɛi an maa n gbã ŋɛ má. Nɔ Aɔ̃ Lafɛ̃ɛ í sɔ̃m mɔm í ni n kaa n kua idoi Zuudɛ̃ɛu.

Zozue 11:23

Bɛɛbɛi Zozue í gba ilɛu fei, si bɛi Aɔ̃ Lafɛ̃ɛ í na Moizi woodaɛ, nɔ í kpɛ̃a inɛi Izirɛli ŋa si dimi ikã ikã ŋau fei. Ŋɔi inɛ ŋau à bɛi à sĩmiò igũ ŋau.

Zozue 13:1

Zozue í na í ce mɔkɔ ngbo hee í caa. Nɔ Aɔ̃ Lafɛ̃ɛ í sɔ̃ɔ í ni, awɔ wee ì gbo ntɔ ntɔ, nɔ wee ilɛ nkpɔ nkpɔi í bɛi í gbe iyi i kù gba titã ŋa.

Zozue 21:44

Aɔ̃ Lafɛ̃ɛ í jɔ̀ à nɛ laakai ku sũ si kɔɔi ilɛ ŋau fei bɛi í tako í wãò bala nŋa ŋau. Nɔ í jɔ̀ mbɛɛ nŋa ŋau kãma ci ya yɔkɔ ku leekĩ si waju nŋa.

Zozue 22:4

Bɛbɛi iyi Aɔ̃ Lafɛ̃ɛ nŋɛ í jɔ̀ inɛ nŋɛ ŋa à buba si ilɛ nŋa bɛi í wã ŋa dou, aa yɔkɔ i nyi si ilei acɔ nŋɛ ŋa i koo i buba si ilɛ iyi Moizi woo ce icɛi Aɔ̃ Lafɛ̃ɛu í na ŋɛ si ikpɛ̃u do ikpa nunui daakɔi idoi Zuudɛ̃ɛu.

Samuɛli 1, 12:2

Hai nsɛi nŋui á maa cua nŋɛ, domi amu ǹ gbo nɔ ntoi irim fei í fũuta, nɔ amam ŋa mɔ à ce inɛ ngbo bɛi iŋɛ mɔ. Amui ǹ cua nŋɛ wo hai awaasũm hee ku naa nnyi.