Zozue 22:5 - Bibeli do fee

⁵ Iŋɛ de i ya maa jirima wooda ŋa iyi Moizi í na ŋɛu fei sãa sãa ŋa nɔ i ya maa ceò icɛ ŋa. I bi Aɔ̃ Lafɛ̃ɛ nŋɛ ŋa, i jirima idɔɔbiɛ ŋa, nɔ i ceò woodaɛ ŋau icɛ ŋa. I wɛɛ do nŋu ŋa nɔ i ceaa icɛ do idɔ nŋɛ fei do lasabu nŋɛ fei.

Zozue 22:5 Iomraidhean Croise

Iri ku kɔ̃ 106:3

Ilu inɔ didɔ̃ ŋai inɛ ŋa iyi à waa nɛ si ntɔ, nɔ à waa ce mii iyi í jɛ dee dee waati kãma fei.

Iri ku kɔ̃ 78:7

Do yaase bɛɛbɛ, aa dasi Ilaaɔ̃ naanɛ. A kaa gbɛjɛ icɛ ŋa iyi í ce, nɔ aa maa jirima woodaɛ ŋa.

Kufita 15:26

Í ni, bii ì waa gbɔ imui ide ku fɔi amu Aɔ̃ Lafɛ̃ɛ nŋɛ do laakai, bii ì waa ce iyi í tɛ si wajum ŋa, nɔ ì waa de itĩ si woodam ŋa, nɔ ì waa jirima wooda ŋau fei ŋa, n kaa n dasi ŋɛ bɔ̃ɔ kãma bɛi ǹ dasi inɛi Ezibiti ŋau. Amui ǹ jɛ Aɔ̃ Lafɛ̃ɛ nŋɛ, nɔ amui an faaba ŋɛ hai si bɔ̃ɔ nŋɛ.

Kufita 20:6

Amma inɛ ŋa iyi à bim nɔ à waa jirima woodam ŋa an ce araare nŋa hee ku koo si tɔku dubusia nŋa ŋa.

Kufita 23:13

I ya jirima ide ŋa iyi ǹ sɔ̃ ŋɛ ŋau bɛ fei. Iyi í re mɔm, nŋui í jɛ i maà ya fɔ idei iwɛ̃ kãma ŋa.

Kufita 23:25

Amu akãi aa tɔɔ ŋa, amui ǹ jɛ Aɔ̃ Lafɛ̃ɛ nŋɛ. Bii ì waa ce bɛɛbɛ ŋa an wee ŋɛ n jɔ̀ i ba ijɛ do inyi ŋa nɔ an jɔ̀ bɔ̃ɔ ku jĩò nŋɛ.

Mɔnda ŋa 4:23

Iyi í re mɔm, jɔ̀ i ce laakai si mii iyi ì waa lasabu hee si lɛlɛi idɔɛ, domi nŋui á maa nɛò kuwɛɛɛ.

Ezai 55:2

Na mii í jɔ̀ ì waa jɛ fia ŋa si mii iyi kù jɛ sɔnda. Na mii í jɔ̀ ì waa gbɛɛji ara nŋɛ si mii iyi kaa yo ŋɛ. I sotĩ i gbɔ idem ŋa nɔ i jɛ mii iyi í jɛ jiida ŋa. Sɔnda jiida iyi á jɔ̀ i nɛ inɔ didɔ̃ nla nlai aa jɛ ŋa.

Zeremi 12:16

Inɛ ŋau à kɔ inɛm ŋa kugbasi ku ce do irii iwɛ̃ iyi à ya kpe Baali. Amma ntɔ ntɔ, bii à mà isɛɛnɛ bɛi inɛ iyi í jɛ inɛm í nɛ ku ce, bii à waa ce kugbasi à waa ni, ǹ wa n gbasi do irii Aɔ̃ Lafɛ̃ɛ iyi í wɛɛ, waati bɛɛbɛi aŋa mɔ aa ba a buba si inɔi inɛm ŋa.

Matie 22:37

Ŋɔi Jesu í jɛaa í ni, bi Aɔ̃ Lafɛ̃ɛɛ do idɔɛ fei do lasabuɛ fei.

Matie 4:10

Nɔ Jesu í jɛaa í ni, sɛkɛɛ bɛ Seetam. Kukɔi idei Ilaaɔ̃ í ni, Aɔ̃ Lafɛ̃ɛɛi aa gulɛa, nɔ nŋu akãi aa tɔɔ.

Matie 6:24

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Luku 1:74

í ni nŋu á nya wa hai si awɔi mbɛɛ nwa ŋa, nɔ nŋu ku jɔ̀ ka cea nŋu icɛ do wɔɔkɔ.

Laabaau jiida iyi Zãa í kɔ 12:26

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Laabaau jiida iyi Zãa í kɔ 14:15

Nɔ Jesu í ni má, bii ì bim ŋa aa jirima mii iyi ǹ ni i ce ŋa.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 27:23

Ǹ mà bɛɛbɛi si na iyi í jɔ̀ Ilaaɔ̃, nŋu iyi ǹ jɛ tɛɛ, ǹ wa n ceaa icɛu, amalekaɛ í naa sim idũ ana

Romu 1:9

Ilaaɔ̃, nŋu iyi ǹ wa n cea icɛ do idɔm fei ǹ wa n sisiò laabaau jiidai Amaɛ, í mà iyi ǹ wa n ye gigi nŋɛ waati kãma fei

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Romu 8:28

Nɔ iyi í re mɔm, à mà sãa sãa, inɛ ŋa iyi à bi Ilaaɔ̃, aŋa iyi í kpe si idɔɔbiɛ à jɛ tɛɛ, Ilaaɔ̃ wa ce icɛ si mii iyi wa ba ŋa fei ku ba ku ce nŋa jiida.

Wooda ku kɔsi 10:20

I jirima Aɔ̃ Lafɛ̃ɛ nŋɛ nɔ i ya ceaa icɛ ŋa. Nŋui aa bi ŋa nɔ i ya ce kugbasi do iriɛ ŋa.

Wooda ku kɔsi 11:1

Ŋɔi Moizi í sɔ̃ inɛi Izirɛli ŋau í ni, i bi Aɔ̃ Lafɛ̃ɛ nŋɛ nɔ i ya maa jirima ideɛ ŋa do woodaɛ ŋa do ikɔɛ ŋa waati kãma fei.

Wooda ku kɔsi 11:13

Bii ì jirima wooda ŋa iyi ǹ wa n na ŋɛ nnyi ŋa, bii ì bi Aɔ̃ Lafɛ̃ɛ nŋɛ, nɔ ì waa ceaa icɛ ŋa do idɔ nŋɛ fei do lasabu nŋɛ fei,

Wooda ku kɔsi 11:22

Ntɔ ntɔ, bii ì waa jirima wooda ŋa iyi ǹ na ŋɛu fei ŋa, nɔ ì waa ceò ŋa icɛ ŋa nɔ ì bi Aɔ̃ Lafɛ̃ɛ nŋɛ nɔ ì waa nɛ si kpãaɛ fei ŋa, nɔ ì naa ara nŋɛ,

Wooda ku kɔsi 13:4

i ce laakai i maà ceò idei waliiu bɛ walakɔ woo ce kuyɛ si alau bɛ icɛ ŋa, domi Aɔ̃ Lafɛ̃ɛ nŋɛi wa cɔ laakai nŋɛ bɛ, ku ba ku cɔ mà ì bi nŋu ŋa do idɔ nŋɛ fei, do lasabu nŋɛ fei.

Wooda ku kɔsi 4:29

Hai tengi bɛi aa dɛdɛ Aɔ̃ Lafɛ̃ɛ nŋɛ, nɔ aa yɔɔ bii í jɛ ì waa dɛdɛɛ do idɔ nŋɛ fei, do hunde nŋɛ fei.

Wooda ku kɔsi 4:4

amma iŋɛ iyi ì leekĩ dee dee ŋa si wajui Aɔ̃ Lafɛ̃ɛu, iŋɛ fei ì wɛɛ si hunde nnyi.

Wooda ku kɔsi 4:6

I jirima fei ndɛɛ nɔ i ceò icɛ ŋa, domi iyi bɛi á jɔ̀ i jɛ ilu laakai nɔ i jɛ woo mà ŋa. Nɔ inɛi ilɛ mmu ŋa iyi aa gbɔ idei wooda ŋau fei aa fɔi a maa ni, zamaa nla nlau ihɛ̃ í nɛ laakai nɔ í nɛ kumà.

Wooda ku kɔsi 4:9

Moizi í fɔ má í ni, iŋɛ de i ce laakai ŋa. I ce laakai ntɔ ntɔ i maà ti i gbɛjɛ mii ŋa iyi Aɔ̃ Lafɛ̃ɛ í ce iyi iŋɛ taka nŋɛ ì jɛ sɛɛdaɛ ŋa ku ba ajɔ kãma si kuwɛɛ nŋɛ mii ŋau bɛ a maà fita hai si idɔ nŋɛ. Ì nɛ i sisia ama nŋɛ ŋa mɔm nii do tɔku nŋɛ ŋa.

Wooda ku kɔsi 5:10

Amma inɛ ŋa iyi à bim nɔ à waa jirima woodam ŋa an ce araare nŋa hee ku koo si tɔku dubusia nŋa ŋa.

Wooda ku kɔsi 6:17

I jirima ideɛ ŋa mam mam do ikɔɛ ŋa, do woodaɛ ŋa iyi í na ŋɛ.

Ebɛɛ 12:15

I ce laakai ŋa kãma nŋɛ ku maà na ku toa didɔ̃i Ilaaɔ̃ anyi, nɔ i maà jɛ ilu inɔ kuro ŋa, domi inɔ kurou á na ku la nɔ ku tosi inɛ nkpɔ bɛi icãi jĩi í ya yɔ.

Zaaki 1:12

Ilu inɔ didɔ̃i inɛ iyi í yɔkɔ í leekĩ dim dim si waati iyi Ilaaɔ̃ wa cɔ laakaiɛ, domi si anyii laakai ku cɔu á ba ribai kuwɛɛ hai tã iyi Aɔ̃ Lafɛ̃ɛ í wãò inɛ ŋa iyi à buu.

Zaaki 2:5

Iŋɛ baakɔɔm ŋa, i gbɔ. Inɛ ŋa iyi à jɛ ilu are si andunyau ihɛ̃i Ilaaɔ̃ í cica ku ba naanɛ nŋa ku la nɔ a baò bommaɛ iyi í wãò inɛ ŋa iyi à buu.

Zozue 23:8

Amma i leekĩ do Aɔ̃ Lafɛ̃ɛ nŋɛ nŋu akã ŋa bɛi ì waa leekĩ si nsɛi ŋa.

Kuyɛi Zãa 15:3

À waa kɔ̃ irii Moizi woo ce icɛi Ilaaɔ̃u do ti ama angudãu à waa ni, Aɔ̃ Lafɛ̃ɛ ilu gbugbã fei, icɛɛ í la nɔ í jɛ maamaake. Awɔi ì jɛ ilaalui ilɛ fei. Kpãaɛ í jɛ ntɔ nɔ í jɛ dee dee.

Samuɛli 1, 12:20

Ŋɔi Samuɛli í sɔ̃ ŋa í ni, i maà ce njo má ŋa. Ntɔi ì ce laalɔ ikã ikã fei ŋa. Do nŋu fei, i maà kɔ̀si Aɔ̃ Lafɛ̃ɛ ŋa, amma i jɔ̀ i tɔɔɛ do idɔ nŋɛ fei ŋa.

Samuɛli 1, 12:24

Amma iŋɛ mɔ i jɔ̀ i mà bɛɛrɛi Aɔ̃ Lafɛ̃ɛ nɔ i tɔɔɛ do ntɔ do idɔ nŋɛ fei ŋa, domi ì yɛ mii nla nla ŋa iyi í ce si waju nŋɛ.

Samuɛli 1, 7:3

Ŋɔi Samuɛli í sɔ̃ ŋa í ni, bii í jɛ do idɔ nŋɛ feii ì waa nyi wa bi Aɔ̃ Lafɛ̃ɛ ŋa, i jɔ̀ iwɛ̃ Asitaate ku tɔɔ ŋa do iwɛ̃ ŋa iyi à gbe fei. I sinda idɔ nŋɛ wa si Aɔ̃ Lafɛ̃ɛ nɔ i tɔɔ nŋu akã ŋa, nɔ ku nya ŋɛ hai si awɔi inɛi Filisi ŋa.