Zozue 22:33 - Bibeli do fee

³³ Ŋɔi ideu í ye ŋa hee à waa saabu Aɔ̃ Lafɛ̃ɛ. Nɔ a kù fɔ idei aŋa a koo si dimii Rubɛ̃ɛ ŋau do dimii Gadi ŋau igũ má.

Zozue 22:33 Iomraidhean Croise

Bomma 1, 29:20

Ŋɔi Davidi í sɔ̃ zamaau fei í ni, i saabu Aɔ̃ Lafɛ̃ɛ nŋɛ ŋa. Nɔ inɛ ŋau fei à saabu Aɔ̃ Lafɛ̃ɛi bala nŋa ŋau. À gulɛ à sɛɛbata si wajui Aɔ̃ Lafɛ̃ɛ do si wajui ilaaluu.

Mɔnda ŋa 25:25

Laabaau jiida iyi wa naa hai jĩijĩ í ya dɔ̃a inɛ sii bɛi inyi tũtũ í ya tũ gbangɔlɔi inɛ iyi agbɛ í mu.

Daniɛli 2:19

Ŋɔi Ilaaɔ̃ í sɔ̃ Daniɛli yaasei alau si kuyɛ iyi í ce idũ. Ŋɔi Daniɛli í saabu Ilaaɔ̃ Lafɛ̃ɛi leleu.

Luku 2:28

ŋɔi Simeɔ̃ í gbaa í muu si awɔɛ í saabu Ilaaɔ̃ wa ni,

Woo bɛ ŋa 15:12

Ŋɔi inɛ ŋau fei à coko à waa desi Pɔlu do Baanabasi itĩ waati iyi à waa sisi nŋa yaasei maamaake ŋa iyi Ilaaɔ̃ í jɔ̀ aŋa à ce fei si wajui hai jɛ Zuifu ŋau.

Woo bɛ ŋa 15:31

Iyi à cio tiau í mu nŋa gbugbã nɔ inɔ nŋa í dɔ̃.

Kɔrɛnti 2, 7:7

Kù jɛ kunaaɛ nŋu akãi í mu nwa gbugbã, amma iyi í ni má iŋɛ taka nŋɛ ì mua nŋu gbugbã ŋa. Í nɔ í sɔ̃ wa bɛi ì waa bi ku yɛm ŋa ntɔ ntɔ, do bɛi ì nɛ inɔ kufɔ ŋa, do bɛi ì nɛ kubim ŋa jiida. Ideɛu í jɔ̀ inɔ didɔ̃m í kɔ̃ɔsi hee í caa.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Zozue 22:30

Waati iyi Fineɛzi woo weeu do inɛ ngbo ŋa aŋa ilu kpasɛ̃i inɛi Izirɛli ŋau à gbɔ ide iyi tɔkui Rubɛ̃ɛ ŋa do tɔkui Gadi ŋau do dimi bubui Manasee ŋau à fɔ, ŋɔi ideu í ye ŋa.

Zozue 22:32

Si anyiɛ nɔ Fineɛzi do inɛ ngbo ŋau à sinda wa hai bi dimii Rubɛ̃ɛ ŋa do hai bi dimii Gadi ŋa hai ilɛi Galaadi à baa ilɛi Kanaã bi inɛi Izirɛli ŋau, nɔ à sisi nŋa bɛi ideu í nɛ fei.